🔸️حلقة 78
🔸️كنان_يحكي:
حليت الباب و هزيت راسي شوية نغزرلها تشيح في شعرها...تبسمت و قربت منها...جبدتها من حزام الكاب و قربتها لعندي نحكي
أنا:شبيك ملبستش لتوا ؟
إيمان:كناان شاهية حاجة من بكري...و توا نجمت نحددها
أنا:تدلل عزيزتي
إيمان:بقلاوة
أنا:تواا ؟
هزتلي براسها إيه...هزيت حاجبي مستغرب خاصة أنو وقت العشا توا...خذيت نفس و تبسمت نحكي
أنا:باهي...هيا ألبس دبشك...نتعشاو برا و ناخولك لي تحب عليه فرد وقت
ضحكت و باستني من خدي...حضرت روحي بالزربة و هزيت راسي نغزرلها...تثبت في روحها قدام المرايا ضيقت عينيا مستغرب نحكي
أنا:شبيك ؟
إيمان:كأنو وزني زاد على قبل
أنا:طبيعي خاطرك حبلة
إيمان:معناها صحيح
أنا:مش برشا
إيمان:متأكد ؟
أنا:إيمان بالله أعفيني منها سيرة الوزن هاذي...خاطر باش تخلق منها مشكلة جديدة والله أعلم كيفاش نجم نرضيك مبعد
إيمان:نفهم من كلامك...لي أنا سمنت بالحق
خذيت نفس و قربت منها شوية...حطيت يدي على كرشها و بستها من راسها نحكي
أنا:عاادي يا روحي...خاطر ماكش وحدك توا
إيمان:مزال مكبرش و خلاني نولي هكا...معناها مبعد شنية باش يصير فيا
أنا:و إنتي شبيك شاغلة روحك بالموضوع...مدام حتى شي ماهو باش يتبدل
إيمان:حتى حبك ليا ؟
أنا:بالله توا وليت تقيس حبي بالوزن متاعك
إيمان:شيعرفني...مهم أنك جاوبني و كهو
أنا:متخافش يا روحي...باش نبقى نحبك في حالاتك الكل
غزرت لروحها مرة أخرى و هزت راسها شوية تحكي
إيمان:وعد ؟
أنا:وعد يا عمري وعد...ساعة ما تجي تولد الفرخ هذا إلا ما تجيب آخرتي معاه
إيمان:لطف عليك...أنا نحبك ديما معايا و بجنبي
تبسمت و عاودت بستها...جبدت روحها مني...تحكي
إيمان:نجم ناخو كنافة زادة ؟
أنا:تدلل يا روحي
إيمان:باهي لحظة كهو
ضحكت و أنا نغزرلها كيفاش تلبس بالزربة...قربت منها و عاونتها باش تكمل...خاطر كان تزيد دقايق تبدا تدخل بعضها جراير الوحم...أصلا خرجنا بالزربة
شديت الثنية للمطعم...بعد ما حجزت قبل ما نخرج من دار...أول ما وصلنا...طلبت صحن البقلاوة قبل العشا...غزرت لسرفور لي قعد مستغرب نحكي
أنا:ميسالش جيبو مع طلبية العشا
إيمان:من غير ما يطول عليا
تبسمت خاطرها مركزة مع رجوعو أكثر من حديثنا حسيتها إرتاحت كي حطن الصحن قدامها...بقيت نغزرلها و هي تتبنن فيها...قص عليا صوت تليفوني هزيت بالوقت نحكي
أنا:تفضل
علي:سي كنان...مقصدتش نقلقك في الوقت هذا...أما
حبيت نعطيك علم أنو عنوان رجاء مسعودي معانا توا و للأسف هي خارج المدينة توا...و حتى السبيطار لي تخدم فيه بعيد
أنا:ميسالش...مش مشكلة...أبعثلي العنوان توا
علي:تو نبعثلك عنوان دارها و السبيطار...كيما عرفنا وضعيتها الكل...و حضرتلك ملف جديد تو يوصلك غير هكا...هي متواجدة في مقر خدمتها ليلة
أنا:باهي عيشك
علقت عليه و حليت تليفوني...استقبلت منو العناوين و حليت الملف بالوقت...نقرا فيه...تأكدت من حاجة كانت غايبة...و هي أنو عندها صغير مريض...خذيت نفس و حطيت تليفون من يدي...باقي مش مركزة معايا...هزت راسها شوية تحكي
إيمان:ماكش باش تاكل ؟
أنا:نستنى فيك
إيمان:معينيش...نحب على صحن آخر
أنا:كول حاجة عالأقل...منحبكش تضر روحك
إيمان:أنت شبيك كناني ؟
أنا:حتى شي عزيزتي...أما عندي خدمة مستعجلة أكا علاش باش نوصلك عند زينب
إيمان:مفهمتكش...خدمة شنية الوقت هذا ؟
أنا:إيمااان...مرة وحدة أسمع الكلاام
إيمان:شبيك تكش عليا...شعندي قلت ؟
مديت يدي و طلبت صحن آخر من غير ما نجاوبها خاطر كلشي قاعد نخمم فيه إني نوصللها قبل ما يطلع النهار...خاطر الوقت ماهوش في صالحنا...قرب منها شوية و حط الصحن قدامها...ضيقت عينيا نحكي
أنا:شبيك متحبش تاكل ؟
إيمان:معينيش...روح بيا توا
أنا:منقصدش لي صار...هيا من غير ما تخلي الصغرون يستنى برشا
إيمان:شفما ؟
أنا:منحبكش تعب روحك توا...زيد فرصة ليك باش ترتاح عند زينب
إيمان:منحبش كناان...مدام صارت حاجة خبرني توا
أنا:باهي...مش قبل ما تشبع بالقدا...صحتك و صحة ولدي أهم من كلشي توا
هزتلي براسها باهي و كملت صحنها...حتى إني ظطريت باش ناكل...عالأقل تنقص التوتر لي دخلت فيه...طلبت بوات سبيسيال متاع بقلاوة و كنافة خاطر منجمش نجزم في شهاويها...أول ما وصلنا للكرهبة وقفتني تحكي
إيمان:خبرني توا...وين باش تمشي ؟
أنا:وصلني عنوان رجاء مسعودي...الدكتورة المسؤولة على التقرير متاعك
غزرتلي مستغربة و ضيقت عينيها شوية...تحكي
إيمان:ياخي ناوي تمشيلها توا ؟
أنا:تتوقع باش نضيع الوقت أكثر من هكا ؟ زيد هي تخدم في الوقت هذا...يعني يمكن نخلط عليها
إيمان:باش نجي معاك ملا
أنا:لااا...الطريق طويلة و إنتي حبلة...منجمش نخاطر بيك
إيمان:أنا لباس...زيد الموضوع هذا يخصني و أنا أكثر وحدة نجب نقابلها و نفهم منها السبب لي خلاها تعمل فيا هكا
كنان:باهي إيمان...مدام هكا...خلينا نأجلوها لغدوة
شدتني من يدي و قربت مني أكثر...تحكي
إيمان:لااا...نمشيو توااا...يمكن توافق تجي في صفنا و هكا القضية تكون سهلة
عديت عينيا على وجها...نعرف أنو الموضوع مش ساهل بالنسبة ليها...أما زادة ماهيش باش ترتاح قبل ما تاخو حقها من أمير أصلان...نزلت عليها شوية بستها من جبينها و حليتلها الباب نحكي
أنا:هيا تفضل عزيزتي
قربت مني شوية...حطت يدها على رقبتي و باستني من خدي قبل ما تركب..تبسمت و خلطت عليها...قد هبالها...قد حنيتها الفرخة...زيد يمكن هاذي فرصة لينا باش نقدمو في القضية و نخلي كل حد قدملو الدعم و عندو يد في اللي صار ياخو حقو بالكامل.
#كنان_إيمان❤
VOUS LISEZ
صرخة صمت 🌬
Romance🌬🌬🌬 🌬 🌬 #صَرْخَةُ_صَمْتْ 🌬🌬🌬🌬🌬🌬 🌬هل جربت يوما ان تصرخ و انت تعلم ان ليس هناك من يسمعك...او ان تصرخ في داخلك من دون ان تنطق بحرف واحد ؟ 💔 💠 موضوع حكايتنا الجديدة...عكس لي قريتو عليه قبل...عكس انا لي كتبت عليه قبل...ماهيش حكاية جديدة علي...
