صرخة صمت 🌬

الحلقة الثامنة و الخمسون

🔸️حلقة 58
🔸️ملاك_تحكي:
حطيت الصينية على الرخامة و جبدت الصحن..نرتب في الحلو...هزيت راسي شوية نغزرلو...قلبي خض بالقاوي...خاطر إيهاب آخر حد توقعت أنو يوصل و يجي لهوني...للحومة و للمطعم بالظبط...خذيت نفس و غزرتلو نحكي
أنا:إيهاااب ؟
إيهاب:أهلااا ملااك
أنا:فاش تعمل هوني ياخي ؟
إيهاب:توقعت ترحيب أحسن من هكا...مدامني زبون هوني
أنا:إيهاااب...سألتك جاوبني
إيهاب:نحب قهوتي كي العادة...نظن إنتي أكثر وحدة تعرفني كيفاش نحبها
أنا:نعررف...أما نسيت تفصيل صغيير...لي أنااا موليتش خداامتك بعد تواا
إيهاب:و أنا عمري ما إعتبرتك هكا ملااكي...هيا إيجا نحب نحكي معاك و نمشي
أنا:و أنااا منحبش نحكي معاك
تبسم و كمل دخل...جبد الكرسي و قعد...خذيت نفس طويل...و رجعت خصلات شعري لتالي...قربت منو شوية...شاورلي باش نقعد...تقويت على روحي و جبدت الكرسي بيدي...قعدت مقابلاتو بالظبط...و غزرتلو نحكي
أنا:شنية مزلت تحب مني إيهاب ؟
نزل راسو شوية غزر ليدي...لي خلاني نخبي الخاتم بالوقت...تبسم يحكي
إيهاب:تخطبت ليه زادة ؟
أنا:منظنش جوابي باش يفيدك...خاطر بعد توا أنا لي مسؤولة على حياتي و قراراتي
إيهاب:ملااك...ياخي بالرسمي محبيتنيش حتى شوية ؟ لدرجة أنك حبيتو و تخطبت ليه في شهور قليلة ؟
أنا:أنت لي مخليتنيش نحبك يا إيهاب...أنت لي كنت تعتبرني مجرد عبد شريتو بفلوسك باش يلبيلك رغباتك...كيفاش كنت تستنى مني نحبك ؟
إيهاب:نعرف روحي غلطت...نعرف لي أنا ظلمتك و ضريتك طول السنين لي فاتت...أما حبيتك يا ملاااك
و كنت نخاف من فكرة إني نفيق و منلقاكش بجنبي الخوف من الخسارة هو اللي خلاني نكبس عليك بالطريقة هاذيكا...إنتي كنت الدافع الوحيد لي عايش على خاطرو يا ملاك
أنا:نفرضو كلامك صحيح...عندك مبرر لخيانتك ليا ؟ كي أنت كنت تحبني علاش خنتني إيهاب ؟
إيهاب:صدقني ملاك و رحمة بابا...عمري ما حطيت يدي على غيرك
أنا:كذبة جديدة هاذي ؟
إيهاب:لا ماهيش كذبة...علاقتي بإسراء كانت عابرة أما عمري ما خممت نمس غيرك صدقني
أنا:إيهااب...زايد باش نحكيو على علاقتنا قبل...خاطر حتى شي ماهو باش يتبدل توا...و أنت لازمك تتقبل حقيقة إني وليت ملك راجل آخر غيرك أنت
إيهاب:معناها مستعدة باش تعطيلو روحك و تأمنو على حياتك...رغم ماكيش متأكدة لي هو يحبك ؟
أنا:مكنتش باش نعمل هكا...كان محسيتش بالحب و الأمان معاه
إيهاب:ملاااك متتسرعش أماانك...حاول تعطيني فرصة وحدة كهو و نوعدك باش نتبدل على خاطرك ياخي إنتي كيفاش تنجم تاثق فيه لهدرجة...كيفاش عطيتو الفرصة هاذي و صدقت لي هو باش يتبدل على خاطرك...وين أنا عديت سنين عاشق فيك
أنا:إيهااب...صدقني أنت آخر حد نحب نحكي معاه في علاقتي مع آدم...كيما نتمنى من كل قلبي أنك تلقى نصك الثاني...لي تستحق الفرصة هاذي منك على خاطر انا معادش نجم نعطيك أكثر من اللي خذيتو مني...إحنا حاولنا مع بعضنا و ريت النتيجة أنت بالذات إيهاب...مستحيل تحبني...كلشي يهمك أنك تعاود تملكني و كهو...و أنا معادش نجم نعيش بالطريقة هاذي...لا معاك و لا مع غيرك...كلشي يهمني توا إني نكون حرة و نحقق كلشي أنت حرمتني منو
إيهاب:و أنا مستحيل نتخلى عليك و على المحاولة في أنك تسامحني و ترجعلي مرة أخرى
أنا:يكفي أنك متهدمش حياتي أكثر من هكاا
عدا عينيه على وجهي و هز روحو وقف...يحكي
إيهاب:رد بالك على روحك
بقيت نغزرلو من غير حتى كلمة...كبست على يديا زوز و أنا نغزرلو خارج من المطعم...خذيت نفس طويل و تكيت لتالي...نمنع في دموعي لي تحب تنزل و في الأفكار لي هدت عليا من كلامو...هزيت روحي وقفت كي ريت آدم دخل على غفلة...عديت يديا زوز على وجهي باش نهدي روحي و قربت منو شوية نحكي
أنا:أهلاا بيك
عدا عينيه على وجهي بالزربة و ضيق عينيه...يحكي
آدم:شبي وجهك أصفر هكا ؟
أنا:حتى شي...تعبت شوية و كهو...يمكن خاطرني ما كليت حتى شي من الصباح
مد يدو شوية و عدا صوابعو على خدي...يحكي
آدم:تحبني نصدقك ؟
جبدت روحي منو و قربت من الكنتوار...نحكي
أنا:هااني باش نحضرلك قهوتك توا
آدم:ما نحب نشرب حتى شي ملااك...مش قبل ما تفهمني شبي حالتك هكا
أنا:ما بيا حتى شي إيهاااب من غير مااا تظغط عليا أكثر
آدم:إيهااب ؟
غمضت عينيا بالقاوي...و دقات قلبي قوات أكثر خاطر متوقعتش باش نغلط في إسمو...خذيت نفس و تلفت عندو...قربت منو شوية باش نحكي...وقفني بيدو يحكي
آدم:خليك بعيدة عليا
أنا:آدم أسمعني أمااانك
آدم:نسمع شنية ؟ ياخي سمعت روووحك إنتي شنية قلت ؟
أنا:إيهاااب كان هوني من شوية و ظطريت باش نحكي معاااه
آدم:ظطريت باش تحكي معاه ؟ و تخمم فيه و في كلامو زادة...لدرجة وليت تناديلي ليااا بإسمو
أنا:آددم...حاااول تفهمني أمااانك
آدم:نفهم شنية ●●●● إنتي أصلا كنت باااش تخبي عليااا...أنك قااابلتو و حكيت معاه...و تزيد تغلط فياااا زادة
أنا:ياخي باش تحاسبني...على زلة لساان...خرجت مني بالغالط
آدم:لااا...علاااش شكون أنا باش نحاسبك...مدامني في المرتبة الثانية بالنسبة ليك
أنا:آددم...من غير ما تبدا تخلوض في الكلام أماانك
آدم:أنا باش نمشي توا...هكا تنجم تخمم في اللي باش تعملو بالقدا
عدا عينيه على وجهي و وخر خطوة لتالي...عطاني بظهرو و خرج قبل ما يعطيني فرصة أخرى باش نحكي معاه...قربت من البلار شوية و حطيت يدي عليه نغزرلو و لأول مرة منعرفش شنوة نعمل بالظبط نخلط عليه و لا نبقى نراقب فيه و هو يبعد عليااا و يمكن ماهوش باش يرجع مرة أخرى.
#آدم_ملاك❤