🔸️حلقة 13
🔸️إيمان_تحكي:
حطيت الصينية على الكنتوار...و عطيتو بقية الطلبيات دورت راسي شوية...غزرتلها مستغربة...لي خلاني نسيب كلشي و نقرب منها... واقفة في الدخلة متاع الباب وجها أحمر...و شعرها داخل بعضو...كبست على يدها نحكي
أنا:ملاااك...شصاار ؟ شبي حاالتك هكا ؟
ملاك:إ..إيمان...عاوني أماانك
عديت عينيا على وجها مصدومة...كبست على يدها أكثر نحكي
أنا:إيجا معايا
دخلتها بالزربة و شاورت لنادية لي قربت مني...تحكي
نادية:شفما ملاك ؟
أنا:شد بلاصتي شوية...تو نرجع عيش أختي
نادية:بااهي طمن
غزرت لملاك لي تقريبا في عالم آخر...دخلتها معايا لتوالات
طمنت لي مفما حد...سكرت الباب و غزرتلها نحكي
أنا:شنية لي صااار ؟ شبي حالتك هكا ؟
ملاك:ض..ضربتو...مش قصدي والله...ه..هو السبب
أنا:إيهاب ؟ ياخي إيهاب تعرضلك مرة أخرى ؟
هزتلي براسها لا...و مدت يديها زوز تمسح في دموعها لي خلاني نلمح بقع الدم عليهم...حطيت يدي على خدها نحكي
أنا:هدي روحك و فهمني لي صار بالشوية...عيش أختي
ملاك:آ..آدم...ح..حاول يتحرش بيااا
عديت عينيا على وجها...مصدومة من آخر كلمة...قلبي خض بالقاوي...لي خلاني نسحب يدي منها بالوقت كلامها كان كافي باش يرجعني لنفس الأحداث مرة أخرى..أحداث مزلت نخاف منها وثت نغمض عينيا و وقت نحاول نرقد لتوا نحس شبح أمير يدور بيا...و مزال باش يأذيني أكثر دموعها لي قوات رجعتني للواقع...وين استجمعت روحي بالزربة...و قربت منها أكثر...حاوطت وجها بيديا زوز نحكي
أنا:ملااك...شنية صار بالظبط ؟ مسك ؟ عملك حااجة ياخي ؟
ملاك:ل..لاا..طلب مني نرقد معاه و حاول ي..يمسني..إيمان
والله مش قصدي نعملها...كان لازمني نبعدو عليااا خليتو ينزف و منعرفش شنوة صار فيه...أكيد باش يشتكي بيااا
أنا:متخااافش...ماهو باش يصير حتى شي...إنتي توا باش تغسل وجهك و يديك و تحاول تهدي روحك...لين نرجعو لدار...و أكيد تو نلقاو حل مع بعضنا...باهي ؟
هزتلي براسها باهي...حليت السبالة و عاونتها باش تغسل وجها و يديها...خاطرها لتوا ترعش...كبست على يديها زوز نحكي
أنا:حاول تتنفس بالقدااا و هدي رووحك...أناا معااك و مستحيل نخليها بيك...باهي يا روحي
عنقتني بالوقت...كبست عليها و خذيت نفس طويل خاطرني فاهمة الوضع متاعها بالقدا...جبدت روحي شوية نحكي
أنا:هيا إيجا معايا
أول ما حسيتها هدات خرجتها معايا...قعدتها على طاولة مطرفة نحكي
أنا:تو نرجع يا روحي
ملاك:باهي
خذيت الطلبيات بالزربة...عطيتهم لعماد و خذيت كاسة عصير و دبوزة ما...رجعت عندها...حطيتهم على الطاولة نحكي
أنا:هدي روحك عزيزتي...نكمل لي عندي و نمشيو من هوني باهي
هزتلي براسها باهي...كملت نص ساعة متاع الدوام و حضرت روحي بالزربة...لقيتها في نفس الحالة لي خليتها فيها...كبست على يدها و خرجتها معايا...خلطت على الكار في الوقت..أصلا نسيت الموعد متاع كنان جملة و منحبش نخمم فيه لين تنحل المشكلة هاذي أول ما وصلنا عرضتني خالتها تحكي
حورية:شبي حاالتك هكااا...شنية المشكلة لي جبتها المرة هاذي
خذيت نفس طويل...نهدي في روحي و قحرتلها نحكي
أنا:خليك بعييدة علينا أحسنلك
دخلتها للبيت و سكرت الباب في وجها...قعدتها نحكي
أنا:ملاااك...أرجع لوعيك عيش أختي...والله ماهو باش يصير شي
ملاك:ك..كان ينزف إيمان...بلكشي يموت ؟ منحبش نتحبس والله ما عملت شي
أنا:أغزرلي هوووني...متخاافش أنا معااك مهما اللي كان باش يصير باااهي
ملاك:شنووة باش نعمل توا ؟
أنا:حتى شي...إنتي معاادش تمشي للخدمة مرة أخرى و أنا غدوة ناخو إذن و نتعدا لسوسيتي نسأل عليه باهي
هزتلي براسها باهي...خذيت نفس و ترميت بجنبها...بقيت ساكتة...نخمم في اللي باش يصير فرد وقت خايفة من حالتها هاذي و رجعتني لكلشي عشتو...وين دموعي نزلت بالوقت...غزرتلي تحكي
ملاك:شبيك ؟
أنا:شي...توحشت أمي
ملاك:لتوا منجمتش تكلمها
هزيتلها براسي إيه...خاطر الغصة تمكنت مني...خذيت نفس نحكي
أنا:كان لقيت فرصة وقتها...كنت باش نعمل كيفك و أكثر
ملاك:مكانش عندي حل آخر...بعد اللي عشتو مع إيهاب معاد نحب حتى ذكر يدور بيا
أنا:و أنا زادة
ملاك:أنا حبيت نخدم و كهو...مكنتش نعرف باش يصير هكا
أنا:الوااطي...يستهل لي صاار فيه
ملاك:أكيد باش يشتكي بيا
أنا:و إنتي باش تعمل نفس الشي زادة...محسوب كي محامي باش نخافو منو
ملاك:عندك حق...أصلا هو لي غلط معاياا
أنا:متخااافش...مستحيل نخليه يضرك
ملاك:ااااف شنية باش نقول لمدام ذكرى تواا
أنا:الحقيقة و أكيد باش تتفهم
ملاك:تعرف شنية لي قهرني أكثر...إني معادش نجم ناخو من القهوة لي عندهم
دورت راسي نغزرلها مستغربة من كلامها...مسحت دموعها و غزرتلي تحكي
ملاك:والله بنينة برشااا
أنا:هااني نشوف
ملاك:الله لا تربحو السااقط...الواطي...أصلا يستهل لي صار فيه
أنا:باهي...عندك حق يا روحي...أما توا حاول ترتاح و ما تخمم في حتى شي آخر باهي
ملاك:خليك هوني معايا
أنا:هاني معاك عزيزتي
تبسمت نهدي فيها...و بقيت بجنبها لين غفات...مديت يدي شوية...بعدتلها خصلات شعرها من وجها و تنهدت بحصرة أصلا القدر لمنا بطريقة غريبة برشا...يمكن الحكايات مختلفة أما الوجيعة وحدة و الخوف من المستقبل واحد و وقفتها معايا خلاتني نحس بالعوض و معادش فما خوف من الوحدة...أكا علاش مستحيل نتخلى عليها و لا نخليها تعاني أكثر من هكا...جراير راجل تفكيرو خامج...أصلا كلهم كيما بعضهم و تفكيرهم محصور في نفس الشي.
#إيمان_ملاك❤
VOUS LISEZ
صرخة صمت 🌬
Romance🌬🌬🌬 🌬 🌬 #صَرْخَةُ_صَمْتْ 🌬🌬🌬🌬🌬🌬 🌬هل جربت يوما ان تصرخ و انت تعلم ان ليس هناك من يسمعك...او ان تصرخ في داخلك من دون ان تنطق بحرف واحد ؟ 💔 💠 موضوع حكايتنا الجديدة...عكس لي قريتو عليه قبل...عكس انا لي كتبت عليه قبل...ماهيش حكاية جديدة علي...
