🔸️حلقة 86
وخرت خطوة لتالي من غير ما نحس...خاطر متوقعتش باش يجي على غفلة...كيما لتوا مستوعبتش الكلام لي يقول فيه وائل..وقف ثواني قبل ما يقرب منا..هز عينيه في وجهو و تبسم يحكي
إيهاب:فاش تعمل هوني أنت ؟
وائل:في بالي مرتك طبيبة و الكل عندو الحق باش يكون موجود هوني
أنا:واائل...تنجم تمشي أنت توا
وائل:لاا عااد لحقت باش تبدل مبادئك
مديت يدي شوية حطيتها على رقبتي...نهدي في روحي...قرب منو أكثر يحكي
إيهاب:شكونك أنت باش تحاسبها على مبادئها ؟
وائل:معرفة قديمة سي إيهااب
غمضت عينيا كي مد يدو و ضربو بالوقت...قلبي خض بالقاوي...خاطر متوقعتش ردة الفعل متاعو رغم نعرف لي هو مينجمش يتحكم في أعصابو منعرفش كيفاش لميت قوتي و قربت منو...وقفت بيناتهم و كبست على صدرو نحكي
أنا:إيهااب يزززي أماانك...خليه يمشي من هوووني
دورت راسي شوية و غزرت لوائل...لي مسح فمو و غزرلو يحكي
وائل:مزال باش نتقابلو سي إيهاب
إيهاب:تهدد فيااا ●●●●● ياااخي عارف روحك قداام شكون واقف
أنا:إيهاااب أمااانك يزززي كهو و أنت وااائل أخرج من هوووني تواا
قحرلو...هز روحو خرج و نطر الباب وراه...دزني لتالي بالوقت باش يخلط عليه...وقفتو كي تكيت على الباب و دورت المفتاح نحكي
أنا:ماااكش باش تخلط عليه
إيهاب:أبععد من قدااامي
أنا:لااا مااانيش بااااش نبعد و مستحيل نخليك تخررج من هوووني
كبس على يدو باش يضربني...غطيت وجهي بالوقت وين حسيت بكل ضربة جات جنب راسي...جبدني من شعري على غفلة...و قرب لعندي أكثر يحكي
إيهاب:هذاا الموعدد المهم لي عندددك ؟ هذااا لي قلب حاااالك في لحظة ؟
أنا:س..سيبني إيهااب...المووضووع مش هكا
إيهاب:●●●●●● ياااخي تواا ولا المووضوع مش هكااا ؟
خذيت نفس طويل...خاطرني فهمت و استوعبت الحالة لي دخل فيها...مديت يديا زوز...كبست على أجنابو و دخلت في حضنو بالوقت...نحكي
أنا:ه..هدي رووحك...الأموور متتحلش هكا...يززي ياا روحي
دورت يديا على ظهرو و كبست عليه أكثر...وين رخف يدو على شعري و أنفااسو بدات تهدا...عديت دقايق قبل ما نجبد روحي منو...كبست على يدو نحكي
أنا:إيهااب...صدقني الأمور متتحلش هكا...هدي روحك و أسمعني
جبد يدو مني و وخر خطوة لتالي...عطاني بظهرو و استند بيدو عالباب...خذيت نفس و قربت منو أكثر حضنتو من تالي نحكي
أنا:أنت وعدتني باش تتغير...وعدتني باش تسمع قبل ما تتصرف...علااش هكاا ياخي ؟ علااش تحب ترجع كيما كنت ؟
جبدت روحي منو شوية كي تلفت عندي...عدا عينيه على وجهي...من غير ما يقول حرف واحد..خذيت نفس و قربت منو مرة أخرى...دورت يديا زوز على ظهرو...و حطيت راسي على صدو نحكي
أنا:مكنتش نعرف لي هو باش يجي...أنا كيفك إستغربت بوجودو هوني...و متوقعتش باش يجي اليوم...يعني دخل خاطر شاف كرهبتي هوني
إيهاب:شنية يحب منك ؟
جبدت روحي منو شوية...و عديت عينيا على وجهو نحكي
أنا:و..وائل محبش يتقبل فكرة عرسي بيك
إيهاب:و السبب خااطرو يحبك
هزيتلو براسي إيه و وخرت خطوة لتالي...ضحك يحكي
إيهاب:و إمتى كنت نااوية تخبرني بهذا الكل ؟
أنا:وائل مجرد صديق بالنسبة ليا مش أكثر...و عمري ما وافقت عليه و لا كنت باش نوافق..بعد ليث أنت الوحيد لي كنت و باش تبقى في حيااااتي إيهاااب
عدا عينيه على وجهي و قرب مني شوية...وخرت لتالي نحكي
أنا:حتى شي ما يتحل بالعنف إيهااب...أنت تبدلت و مستحيل تضر حد بعد توااا...إيهاااب
سكت كي جبدني من يدي على غفلة و عنقني بالوقت دخلت في حضنو أكثر و خذيت نفس من ريحتو...أصلا متوقعتش باش يهدا بعد ما هاج بالطريقة هااذي...عدا يدو على شعري يحكي
إيهاب:عملك حاجة ؟
أنا:لااا...أصلا دخل قبلك بدقايق كهو
إيهاب:علاش استقبلتو ؟
أنا:مستقبلتوش...دخل وحدو...كان تحب أسأل سناء
إيهاب:مانيش بحاجة باش نسأل غيرك...أما حط في بالك أنو هاااذي آخر مررة نلقااك وااقفة معاااه و لا حتى نسمع بسيرتوو
جبدت روحي منو و بعدت عليه شوية...نحكي
أنا:و لا باش تعمل معايا نفس الشي
إيهاب:لي عندي قلتوو سيلا
أنا:و أناا مانيش خاايفة منك و مرة أخرررى قبل ما تحاسبني...حاااسب رووحك...عالأقل أنا كي بديت معااك...سكرت الماضي بكلشي فيه
إيهاب:بالله ؟ علاااش شعندي عملتلك أنا ؟ هوووكااا حياااتي فرشتها قدااامك الكل...شنية نزييدك أكثرر ؟
أنا:يكثررر خيييرك والله...متحبش تزييد تعترفلي بحاجات أخرررى
إيهاب:شقصدك ؟
أنا:مثلااا أنك مزلت تحب طليقتك و منسيتهاش لتواا
إيهاب:شمدخل ملااك في موضوعنا تواا ؟
أنا:ساامحني...مقصدتش ندخلها في حديثنا...خااطر لازمني نخمم مرتين قبل ما نحكي عليها
إيهاب:الصبر يااا ربي...سيلااا شبي ●●●● شبيك تقلبت هكااا ؟
أنا:تزيد تكفر عليا زااادة
إيهاب:إيجا خلينا نمشيو
أنا:منجيش معااك
إيهاب:بالله ؟
أنا:والله
قرب مني شوية و مد يدو بالوقت...قرصني من خشمي يحكي
إيهاب:تخرج قدامي توا و لا نستعمل طريقتي
أنا:خوفتني
غزرلي ندرا كيف و جبدني من يدي على غفلة...وين ضربت فيه بالوقت...جيت باش نحكي...قص عليا كي نزل عليا شوية و هزني على كتفو...ضربتو لظهرو مصدومة نحكي
أنا:إيهااااب فاااش تعمل ياااخي...نزلني توااا
هز صاك من البيرو و حل الباب خرج...وقفت سناء مصدومة...حتى أنا مفهمتش لي قاعد يصير خاطر بالرسمي متوقعتش منو الفازة..حطني على غفلة و حلي الباب يحكي
إيهاب:أركب
جيت باش نرفض...أما سكت كي قحرلي و ركبت حط الصاك في حجري و خلط عليا...وين خدم الكرهبة من غير حتى كلمة أخرى.
VOUS LISEZ
صرخة صمت 🌬
Romantik🌬🌬🌬 🌬 🌬 #صَرْخَةُ_صَمْتْ 🌬🌬🌬🌬🌬🌬 🌬هل جربت يوما ان تصرخ و انت تعلم ان ليس هناك من يسمعك...او ان تصرخ في داخلك من دون ان تنطق بحرف واحد ؟ 💔 💠 موضوع حكايتنا الجديدة...عكس لي قريتو عليه قبل...عكس انا لي كتبت عليه قبل...ماهيش حكاية جديدة علي...
