Chapter (899)(စာစဉ် ၆၅- အပိုင်း၃)
“ရယ်မောခြင်း ဧကရာဇ်အတုမရှိတဲ့ သူရဲကောင်း”
“ဒီအဆိပ်က အိပ်မက်ဝိညာဉ် အဆိပ်ပဲ . . .”
“ထူးခြားတဲ့ အဆိပ်တစ်မျိုးပေါ့ . . .”
ရဲရှောင်က မျက်လုံးများကို ဖြည်းညှင်းစွာ ဖွင့်လိုက်ရင်း ပြောလိုက်သည်။
“ခင်ဗျားတို့ရဲ့ ရန်သူတွေ ဘယ်နှစ်ယောက် ရှိလဲ၊ ခင်ဗျားတို့ရဲ့ သခင်လေးမှာရော ရန်သူ ဘယ်လောက် ရှိလဲဆိုတာတော့ ကျုပ်မသိဘူး . . .”
“ဒါပေမယ့် တော်တော်တော့ များမယ်ထင်တယ်၊ သူတို့က ခင်ဗျားတို့ရဲ့ သခင်လေးကို သေစေချင်နေကြ တာ . . .”
ထိုသို့ ပြောရင်း ရဲရှောင် သက်ပြင်းချလိုက်သည်။
ရှန်ဂွမ်ဇုဖန်က ရဲရှောင်ကို ကြည့်လိုက်ပြီး -
“ကောင်လေး . . .”
“မင်းပြောတာ မှန်တယ် . . .”
“ငါတစ်ခု သိချင်တာက သူ့ကို ကယ်တင်နိုင်လား ဆိုတာပဲ . . .”
ရဲရှောင်က ပြန်မဖြေ၊ ရှန်ဂွမ်ဇုဖန်ကိုသာ ပြန်ကြည့် လိုက်သည်။
ရှန်ဂွမ်ဇုဖန်က သက်ပြင်းချလိုက်ပြီး -
“ဘယ်သူလုပ်တယ် ဘယ်လိုလုပ်တယ် . . .”
“ဘယ်လို ကလဲ့စားချေမယ် ဆိုတာတွေကို အခု လောလောဆယ်ဆယ်မှာ ခဏထားလိုက်ဦးမယ် . . .”
“အခုချိန်မှာ အရေးကြီးဆုံးက ငါ့သားရဲ့ အသက် ကလွဲပြီး တခြား မရှိဘူး . . .”
ထိုသို့ ပြောလိုက်သည့် သူ၏ မျက်လုံးများထဲတွင် ဒေါသတရားများကို တွေ့နိုင်သလို ဝမ်းနည်းမှုများကို လည်း တွေ့နိုင်သည်။
သားဖြစ်သူ သခင်လေးကို မည်သူက သေစေချင် နေသည်ကိုလည်း ရိပ်စားမိဟန်ပင်။
“အင်း . . .”
ရဲရှောင် ခဏမျှ စဉ်းစားလိုက်ပြီးနောက် -
“ကယ်တင်နိုင်တယ် . . .”
ထိုစကားက လူတိုင်းကို အားတက်သွားစေသည်။
“ဒါဆိုလည်း လုပ်ပါဦး မိတ်ဆွေလေးရယ် . . .”
ထိုသို့ ပြောလိုက်သည့် ရှန်ဂွမ်ဇုဖန်၏ အသံက တုန်ယင်နေသည်။
YOU ARE READING
မိုးကောင်းကင်အောက်မှကလဲ့စား (အတွဲ ၄) မိုးေကာင္းကင္ေအာက္မွကလဲ့စား
AdventureMc က ဥာဏ်အရမ်းများပြီး စည်းရုံးသင့်တဲ့လူဆို စည်းရုံးပြီး အပြတ်ရှင်းပစ်သင့်တဲ့ လူဆို အပြတ်ရှင်းပစ်တတ်တဲ့ character ပါ။ (っ˘̩╭╮˘̩)っ လက်တွဲဖော်တစ်ယောက်ထက်ပိုပါတယ်။ မင်းသားကပွေရှုပ်နေတာမျိုးတော့မဟုတ်ပါ။ Mc က ဥာဏ္အရမ္းမ်ားၿပီး စည္း႐ုံးသင့္တဲ့လူဆို စည္း႐...
