မိုးကောင်းကင်အောက်မှကလဲ့စား (အတွဲ ၄) မိုးေကာင္းကင္ေအာက္မွကလဲ့စား

999---1004

အခန်း (၉၉၉)(စာစဉ် ၇၂- အပိုင်း ၅)

"ဦးလေးဆောင်"

ဆောင်ဝုရန်၏ အင်အားစု ပြိုကွဲသွားခြင်းကြောင့် ဆောင်မျိုးနွယ်စု ထိန်းချုပ်ထားသည့် နေရာများမှ လူ များမှာ ခြိမ့်ခြိမ့်သဲ အောင်ပွဲခံကြလေသည်။

ယခင်က ၎င်းတို့အဖို့ မတရားဖိနှိပ်ခံခဲ့ရ၍ ယခုလို တရားမျှတမှု ပြန်ရချိန်၌ ပျော်ရွှင်နေကြခြင်း ဖြစ်၏။

လူအချို့ဆိုလျှင် ဆောင်မျိုးနွယ်၏ အိမ်တော်ရှေ့ သို့ပင် ရောက်လာပြီး ကျေးဇူးတင်သည့်အနေဖြင့် အရို အသေပြုကြသည်။

ထိုအခြင်းအရာကြောင့် ဆောင်မျိုးနွယ်စုမှ ခေါင်း ဆောင်ပိုင်းများအဖို့ ရှက်ရွံ့ဖွယ်အတိပင် ဖြစ်ခဲ့ရသည်။

ယခင်က ဆောင်ဝုရန်တို့မှာ လူများအပေါ် ဖိနှိပ်ခဲ့ သည်ကို သိသည့်တိုင် ၎င်းတို့၏ စိတ်ထဲ၌ အလေး အနက် မထားခဲ့ကြပေ။

ထို့ပြင် လူအများအပြားမှ ၎င်းတို့ကို မုန်းတီးနေခဲ့ သည်ကိုလည်း မသိခဲ့ကြချေ။

ယခုအခါမှသာ လူများ ပျော်ရွှင်နေသည်ကို ကြည့် ရင်း ဆောင်မျိုးနွယ်မှ သက်ကြီးဝါကြီးများမှာ သိက္ခာ ကျသလို ခံစားနေရသည်။

ဆောင်မျိုးနွယ်မှာ ယခုနေရာ၏ အုပ်ချုပ်သူ ဖြစ် သည့်တိုင် လူများ၏ မုန်းတီးခြင်း ခံခဲ့ရသည် မဟုတ်ပါ လား။

သို့သော် အပြင်ဘက်မှ ရောက်လာသည့် လူသုံးဦး မှ ဆောင်ဝုရန်နှင့် အပေါင်းပါများကို ရှင်းပစ်လိုက်ချိန် တွင် အမှားမှ အမှန်ဖြစ်လာခဲ့သည်။

ထိုလူများမှာ ၎င်းတို့၏ မျိုးနွယ်စုအတွက် တရား မျှတမှုကို ဆောင်ကြဉ်းပေးလာခဲ့ချေပြီ။

တဖြည်းဖြည်းဖြင့်လည်း ဆောင်ရွှမ် အပေါ်ထားရှိ သည့် လူများ၏ သဘောထားများ ပြောင်းလဲခဲ့သည်။

(ဒီကောင်လေးက လူကောင်းလေးပဲ . . .)

(ဒီကောင်လေးရဲ့ အနာဂတ်က အရမ်းကို ဖြောင့် ဖြူးသွားပြီ . . .)
. . .

သုတ်သင် ရှင်းလင်းမှုများပြီးနောက် အရာအားလုံး ပုံမှန် ဖြစ်သွားသည့် နေ့တစ်နေ့ ဖြစ်သည်။