Chapter (901)(စာစဉ် ၆၅- အပိုင်း ၅)
“လိဝူလျန် ဆိုသည်မှာ”
လူတိုင်း အပြင်သို့ ထွက်သွားသည်။
ထိုအခါ ရှန်ဂွမ်ဇုဖန်က တည်ကြည်သော မျက်နှာ ထားဖြင့် -
“ညီလေးရဲ . . .”
“မင်းက . . .”
ရဲရှောင်က စကားအစမခံ။
ချက်ချင်းပင် စကားစကို ဖြတ်ရန် ကြိုးစားလိုက် သည်။
“ဒီကိစ္စတွေ ပြောဖို့က အချိန်ကောင်း မဟုတ်သေး ဘူး၊ အချိန်ကျမှ ပြောကျတာပေါ့ . . .”
“ခင်ဗျားက အခု ဘာမှ မလုပ်နိုင်သေးဘူး၊ ကျုပ် ဘာကို ဆိုလိုလဲဆိုတာ ခင်ဗျား သိမှာပါ . . .”
ရှန်ဂွမ်ဇုဖန်လည်း ခေါင်းညိတ်လိုက်ကာ -
“ကောင်းပြီ . . .”
“ဒါပေမယ့် ငါ့မိတ်ဆွေ လိဝူလျန်အတွက် အမှန် တရားကို ရှာဖွေရမယ် ငါ့ခြေထောက် ရှိရှိ မရှိရှိပေါ့”
ရဲရှောင်က အပြုံးဖြင့် -
“ခင်ဗျားခြေထောက်တွေက အဆင်ပြေသွားမှာပါ၊ ဒါနဲ့ ခင်ဗျားကဘာလို့ ကျုပ်ကို ဒီလောက်ထိ ယုံကြည် သွားရတာလဲ . . .”
ရဲရှောင် မေးသည်ကလည်း မှန်သည်။
တစ်ယောက်နှင့် တစ်ယောက်က စကား အနည်း ငယ်ပင် ပြောရသေးသည် မဟုတ်ပါလား။
ရှန်ဂွမ်ဇုဖန်က ပြုံးလိုက်ပြီး -
“တစ်ခါတစ်လေ နှစ်ပေါင်းများစွာ ကြာတာတောင် လူတွေက တစ်ယောက်နဲ့ တစ်ယောက် သူစိမ်းလိုပဲ ဆက်ဆံတတ်ကြတယ် . . .”
“ဒါပေမယ့် တစ်ခါတစ်လေမှာတော့ စက္ကန့်ပိုင်း အတွင်းမှာကို အရင်းနှီးဆုံး လူတွေ ဖြစ်သွားတတ်ကြ တယ် . . .”
“မင်းနဲ့ ငါ့ကြားမှာ စကားလုံး နည်းနည်းလေးနဲ့ကို လုံလောက်သွားပါပြီ . . .”
“မင်းငါ့ကို တီးတိုး ပြောခဲ့တဲ့ စကားလုံးတွေက ငါနဲ့ ညီလေးလိတို့ပဲ သိတာ . . .”
“ရှောင်ဧကရာဇ်လည်း သိမယ်လို့တော့ ငါထင်ပါ တယ် ဒါပေမယ့် ညီလေးရဲက သိနေလိမ့်မယ်လို့တော့ ငါမထင်ခဲ့မိဘူး . . .”
YOU ARE READING
မိုးကောင်းကင်အောက်မှကလဲ့စား (အတွဲ ၄) မိုးေကာင္းကင္ေအာက္မွကလဲ့စား
AdventureMc က ဥာဏ်အရမ်းများပြီး စည်းရုံးသင့်တဲ့လူဆို စည်းရုံးပြီး အပြတ်ရှင်းပစ်သင့်တဲ့ လူဆို အပြတ်ရှင်းပစ်တတ်တဲ့ character ပါ။ (っ˘̩╭╮˘̩)っ လက်တွဲဖော်တစ်ယောက်ထက်ပိုပါတယ်။ မင်းသားကပွေရှုပ်နေတာမျိုးတော့မဟုတ်ပါ။ Mc က ဥာဏ္အရမ္းမ်ားၿပီး စည္း႐ုံးသင့္တဲ့လူဆို စည္း႐...
