Unicode>>
【အရှုပ်တော်ပုံ】
ခေတ်မီဖွံ့ဖြိုးတိုးတက်သော သတင်းအချက်အလက်နှင့် ပြည်စုံသည့် ယနေ့ခေတ်ကနေ အချိန်နောက်ပြန် ခရီးသွားလိုက်ရသည်မှန်ပေမင့် ရုတ်ခြည်းဆန်စွာ မည်သို့သော ပြင်ဆင်မှုမျှမရှိဘဲ ဇာမဏီကို မြင်လိုက်ရသောကိစ္စက အတော်လေးတော့ အသည်းထိတ်စရာပင်။ ထို့ကြောင့် ရှန်ချန်းလင်တစ်ယောက်သည် အတော်ကြာအောင် သတိလစ်မေ့မြောနေပြီး တောက်လျှောက် အိပ်မက်တွေမက်နေ၏။ သူသည် ကိုယ်လုံးတီး ဘာအဝတ်မျှမဝတ်ဆင်ထားဘဲ မြေရိုင်းလွင်ပြင်တစ်ခွင် အကြောက်အလန့် အရူးအမူး ပတ်ပြေးနေရပြီး သူ့နောက်တွင် ဇာမဏီငှက်က မီးမှုတ်လျက် တောက်လျှောက် ပြေးလိုက်နေသည်။ သူ့ခမျာ မနည်းကြိုးစား၍ လူများရှိရာ စျေးတစ်ခုသို့ အပြေးရောက်လာပြီးသော် အသက်လေးမှ ဝအောင်ရှူမည်မကြံခင် တစ်စုံတစ်ယောက် ပစ်ပေါက်လိုက်သော အနီရောင် ပန်းချည်ထိုး ဘောလုံးကြီးက မိုးပေါ်ကပြုတ်ကျလာလေသည်။ ခေါင်းမော့အကြည့်တွင်မူ ချင်ရှောက်ယွီက အနီရောင် မင်္ဂလာဆောင်ဝတ်စုံကို ဝတ်ဆင်လျက် အရှက်သည်းနေသည်ကို မြင်ရလေ၏။ ထို့သို့မှသာ လန့်ဖျပ်လွန်းအားကြီးသွားပြီး အိပ်မက်ကနေ လန့်နိုးကာ ပြန်လည်သတိရလာတော့လေသည်။
ငိုး! ! ဒီအိပ်မက်ကြီးကလည်း မိုးကြိုးပစ်တာထက်တောင် ဆိုးသေး!
သေးတောင်ထွက်ကျတော့မယ်!
"အာ...သခင်လေး သတိရလာပြီ"
ပေါင်တို့က ကပျာကယာ သူ့ကို တွဲထူပေးလာသည်။
အခန်းထဲတွင် မီးရောင်ဖျော့ဖျော့ ထွန်းထားပြီဖြစ်ပြီး ရှန်ချန်းလင်၏ ခေါင်းတစ်ခေါင်းလုံးလည်း ချွေးများရွှဲရွှဲစိုနေသည်။
"ငါသတိမေ့သွားတာ ဘယ်လောက်ကြာသွားပြီလဲ?"
"အတော်လေး ကြာပြီရယ်.. ဆယ်နာရီကျော်လောက်ရှိပြီ"
ပေါင်တို့က သူ့ကို ချွေးကူသုတ်ပေးလိုက်သည်။
"မကြာသေးခင်က သခင်ကြီးနဲ့ သခင်မကြီးတို့ရယ်.. ပြီးတော့ နောင်တော်သခင်လေး နှစ်ယောက်ရယ် အကုန်လုံး သခင်လေးကို လာကြည့်သွားကြတယ်... ပြီးမှ သမားတော်က သခင်လေးမှာ ကြီးကြီးမားမား ဘာပြဿနာမှမရှိဘူးလို့ ပြောလို့ ရှေ့ဆင့်နောက်ဆင့် ပြန်သွားကြတာရယ်"
YOU ARE READING
သိုင်းလောကတစ်ခုလုံးကဗရုတ်သုတ်ခတွေချည်းပဲ!
Historical Fictionစာရေးသူ - ယွီရှောက်လန်ရှန်း ဇာတ်ဆောင် - ရှန်ချန်းလင် x ချင်ရှောက်ယွီ - ယဲ့ကျင် x ရှန်ချန်းဖုန်း
