အခန်း (၆၄) မတော်တဆအဆိပ်မိခြင်း!
【အားနည်းလွန်းသူရှန်ရှောင်ရှို့!】
ဂိုဏ်းချုပ်ချင်၏ အတွင်းအား နက်ရှိုင်းလွန်းသော သက်သေမှာ နှစ်ဦးသား အမွေးတိုင်တစ်ဝက်ထွန်းစာမျှ ဆက်လျှောက်သွားလိုက်သော် ဧကန်အဟုတ်ပင် ချောင်းငယ်လေးတစ်ခု စီးဆင်းနေသည်ကို တွေ့လိုက်ရ၏။ ပတ်ဝန်းကျင်တွင် အရောင်မျိုးစုံလင်သော ပန်းလေးများ ပွင့်လန်းနေပြီး ပန်းနုအဖြူစွက်သော လိပ်ပြာလေးများက မိုးလုံးပြည့် ကခုန်ပျံဝဲနေ၏။ ကြည့်လိုက်ရုံနှင့် နတ်ပြည်နတ်ရွာ ဘုံဗိမာန်အလားပင်။
" ဝါး "
ရှန်ချန်းလင်က မျက်လုံးပြူးတူးလေးဖြင့်။
" သည်နေရာကို နှစ်သက်လား? "
ချင်ရှောက်ယွီက မေးသည်။
" အင်း "
ရှန်ချန်းလင်က ခေါင်းညိတ်လိုက်သည်။
လက်ရှိ တကယ့်သဘာဝက ဖြစ်ပေါ်နေတဲ့ မြင်ကွင်းနဲ့ ယှဉ်လိုက်ရင် အရင်ဘဝက လူလုပ်ရှုခင်းတွေက ပျော့လိုက်တာမှ!
" အဲ့တာဆို ကိုယ်တို့ ခဏခဏ လာကြမယ် "
ချင်ရှောက်ယွီသည် သူ့ကို အနောက်ဘက်နေ သိုင်းဖက်ထားပြီး လေသံက နူးညံ့ညင်သာစွာ ပြောလာ၏။
" တော်ပါပြီ "
ရှန်ချန်းလင်က နှမြောတသစွာဖြင့် ခေါင်းခါသည်။
" အရမ်းဝေးတာပဲ။ ပြီးတော့ လမ်းမှာလည်း ချိုင့်တွေ ခွက်တွေနဲ့! "
ချင်ရှောက်ယွီ - .........
" ချင်းဟွားက ဘယ်လိုပန်းမျိုးလဲ? "
ရှန်ချန်းလင်က မေးလိုက်သည်။
ဂိုဏ်းချုပ်ချင်သည် သူ့၏ခန္ဓာကိုယ်လေးအား သူ့ဘက်သို့ လှည့်စေကာ နုအိသော နှုတ်ခမ်းပါးကို ခေါင်းငုံ့နမ်းလိုက်သည်။
" ဝေးလည်း ကိစ္စမရှိဘူး။ နောက်ကျရင် ကိုယ် ကျွေးယင်နန်းမှာ မင်းအတွက် သည်လိုပုံစံတစ်ခု ဆောက်တည်ပေးရင် ရပြီ "
ရှန်ချန်းလင် - ........
" ကောင်းတယ်ဟုတ်? "
ချင်ရှောက်ယွီက ခေါင်းငုံ့ပြီး သူ့ကို ကြည့်နေသည်။
YOU ARE READING
သိုင်းလောကတစ်ခုလုံးကဗရုတ်သုတ်ခတွေချည်းပဲ!
Ficción históricaစာရေးသူ - ယွီရှောက်လန်ရှန်း ဇာတ်ဆောင် - ရှန်ချန်းလင် x ချင်ရှောက်ယွီ - ယဲ့ကျင် x ရှန်ချန်းဖုန်း
