【အမှားအမှန်ကိစ္စတွေ များမြောင်ပွေလီတယ်!】
ချင်ရှောက်ယွီနှင့် ရှန်ချန်းလင်သည် ကပျာကယာနှင့် လီအိမ်သို့ ပြန်ရောက်လာခဲ့သည်။ ထိုအခါ တံခါးဝ၌ အကာအကွယ် အစောင့်အကြပ်များ တင်းတင်းကျပ်ကျပ် ချထားသည်ကို တွေ့ရသည်။ သာမန်နေ့ရက်များထက် သုံးဆပင် မကအောင် များပြားလှသည်။ လမ်းမပေါ်က လူစုများသည်လည်း ဟိုဟိုသည်သည် သတင်းကြားသဖြင့် ဘာများ ဖြစ်ပွားတာလဲ စပ်စုနေကြသည်ပင်။
" ဂိုဏ်းချုပ်ချင် ၊ ရှန်သခင်လေး "
အိမ်တော်ထိန်းက သူတို့နှစ်ယောက်ကို သိသောကြောင့် ခပ်ဝေးဝေးကတည်းက တံခါးဖွင့်ပေးရန် မှာကြားလိုက်၏။
" ဘာလို့ ရုတ်တရက်ကြီး သည်လောက် အကာအကွယ်တွေ များသွားရပြန်တာလဲ? "
ချင်ရှောက်ယွီက သိရက်သားနှင့် မေးသည်။
" အိုင်း "
အိမ်တော်ထိန်းက သက်ပြင်းချလျက် မျက်နှာမကောင်းလှစွာ ပြောသည်။
" သည်စကားက ကျွန်တော် ပြောလို့ မကောင်းဘူးရယ် ၊ ဂိုဏ်းချုပ် ခင်လွှတ်ပါဗျာ "
" ဘာများ ပြောလို့မကောင်းတာ ရှိလို့လဲ? "
ခြံဝန်းထောင့်မှ လူတစ်ယောက် ထွက်လာပြီး သူက အေးတိအေးစက် ပြောသည်။
" လူသိမခံနိုင်တဲ့ ကိစ္စမျိုး လုပ်ထားပြီးတော့မှ လူပြောခံရမှာ ကြောက်နေသေးတာလား! "
" မှန်.. မှန်ပါတယ် ၊ ဒုသခင်လေး ပြောတာ အဟုတ်ပါပဲ "
အိမ်တော်ထိန်းသည် ခေါင်းတရဆက်ညိတ်ကာ ခါးကိုင်းညွတ်လိုက်သည်။
သခင်နောက်လိုက်ခွေးပင်!
" အလုပ်သွားလုပ်ချေ "
ထိုလူက အိမ်တော်ထိန်းကို နှင်ထုတ်လိုက်ပြီး သည်ဘက်သို့ ပြန်လှည့်ကာ တလေးတစား ဆိုလိုက်သည်။
" ကျွန်တော်က လီပေါ်ထျန်းပါ ၊ ဂိုဏ်းချုပ်ချင်နဲ့ ရှန်သခင်လေးကို ဂါရဝပြုပါတယ် "
ငိုး!
ချောင်ချောင်း အကြောင်း ပြောနေတုန်း ချောင်ချောင်း ရောက်လာတယ်ဆိုတာ ဒါပဲ!
YOU ARE READING
သိုင်းလောကတစ်ခုလုံးကဗရုတ်သုတ်ခတွေချည်းပဲ!
Historical Fictionစာရေးသူ - ယွီရှောက်လန်ရှန်း ဇာတ်ဆောင် - ရှန်ချန်းလင် x ချင်ရှောက်ယွီ - ယဲ့ကျင် x ရှန်ချန်းဖုန်း
