Unicode>>
အခန်း(၁၇) ထွက်ခွာခြင်း
【သစ်လွင်သောခရီးသစ်တစ်ခု၏အစ】
" လင်အာ "
အထုပ်အပိုးပစ္စည်းများ သိမ်းဆည်းပြီးခါစတွင်ပင် ရှန်ချန်းဖုန်းက ဝင်လာခဲ့တော့သည်။
" အစ်ကိုကြီး "
ရှန်ချန်းလင်က သမ်းဝေလိုက်၏။
ရှန်ချန်းဖုန်းက ရယ်ရခက် ငိုရခက်ဖြင့် -
" အိပ်ရေးမဝသေးဘူးလား? "
" မနေ့ညက ကောင်းကောင်း မအိပ်ရတာပါ "
ရှန်ချန်းလင်က သူ့အတွက် လက်ဖက်ရည်တစ်ပန်းကန်ငှဲ့ပေးလိုက်သည်။
" အစ်ကိုကြီး ကျွန်တော့်ကို ရှာတာ ဘာကိစ္စရှိလို့လဲ? "
" အဖေပြောတာ ကြားတာတော့ သူက မင်းနဲ့ရှောက်ယွီကို အတတ်နိုင်ဆုံး မြန်မြန်လေး တောင်ပင်လယ်ကို သွားခိုင်းဖို့ လုပ်မှာတဲ့ "
ရှန်ချန်းဖုန်းက ဆိုသည်။
" လမ်းခရီးတစ်လျှောက်မှာ တိတ်တဆိတ် ကာကွယ်စောင့်ရှောက်မဲ့လူတွေ ပါလာမှာ ဆိုပေမဲ့လည်း.. အကယ်လို့ မတော်တဆ ဘေးအန္တရာယ်နဲ့ ကြုံတွေ့ခဲ့ရင် တခြားလူကိုပဲ အမြဲမှီခိုနေလို့မရဘူးလေ "
ရှန်ချန်းလင်က မဲ့ရှုံ့သွားတော့သည်။
" ထပ်ပြီး သိုင်းပညာ သင်ရဦးမှာလားဗျာ? "
" မလိုပါဘူး "
ရှန်ချန်းဖုန်းက ခေါင်းခါလေသည်။
" မင်းက တုံးလွန်းအားကြီးတယ်၊ သင်လို့လည်း မတတ်ဘူး "
ရှန်ချန်းလင် - " ..... "
အဲ့သည်လောက်ကြီး တည့်ကြီးပြောမှရမှာလားဗျ!
" ဒါလေး မင်းကို ပေးမယ် "
ရှန်ချန်းဖုန်းက သူ့ထံ သစ်သားဘူးတစ်ခု လှမ်းပေးလေသည်။
" ဘာကြီးလဲ? "
ရှန်ချန်းလင်က လှမ်းယူလိုက်ကာ ဖွင့်ကြည့်ရန် ပြင်လိုက်သည်။ သို့ရာ သူလက်က ဖိထိန်းခံလိုက်ရသည်။
" အခုချိန်သုံးလို့မရဘူး "
" ........ လျှို့ဝှက်လက်နက်? "
YOU ARE READING
သိုင်းလောကတစ်ခုလုံးကဗရုတ်သုတ်ခတွေချည်းပဲ!
Historical Fictionစာရေးသူ - ယွီရှောက်လန်ရှန်း ဇာတ်ဆောင် - ရှန်ချန်းလင် x ချင်ရှောက်ယွီ - ယဲ့ကျင် x ရှန်ချန်းဖုန်း
