Unicode>>
အခန်း (၁၄) လူ့လောက၏သုခဘုံ
【အချိန်နောက်ပြန်ခရီးသွားပြီးနောက်ရလာတဲ့ကြေကွဲဖွယ်ရာခန္ဓာကိုယ်】
" ခင်ပွန်းသည်ရဲ့ပစ္စည်း မထောင်နိုင်တော့ရင် ဇနီးလေးက ခင်ပွန်း အရှင်လတ်လတ်ရှိရက်နဲ့ မုဆိုးမဖြစ်နေတော့မှာမလား "
ချင်ရှောက်ယွီက စနောက်လေသည်။
" ပါးစပ်ပိတ်ထားစမ်း! "
ရှန်ချန်းလင်က ခပ်မာမာပင်။
" ငါက မင်းနဲ့ ဘယ်တော့မှ လက်ထပ်မှာ မဟုတ်ဘူးနော်! "
" ဘာလို့လဲ? "
ချင်ရှောက်ယွီက မေးသည်။
ဒီလိုကိစ္စမျိုးမှာ ဘာလို့လဲ မေးစရာလိုသေးလို့လား?
ရှန်ချန်းလင်က ဆက်လက်ပြီးတော့ တည်ကြည်လေးနက်စွာ ပြောလိုက်သည်။
" ဘာလို့လဲဆိုတော့ မင်းမှာ ရင်သားတွေ မရှိလို့! "
ချင်ရှောက်ယွီ - " ...... "
" ငါ့အဖေနဲ့ အမေနဲ့က ဘာလို့ ငါ့ကို မင်းနဲ့ ဇွတ်အတင်း လက်ထပ်ခိုင်းနေလဲ ငါမသိပေမယ့် ငါကတော့ လုံးဝ လုံးဝ သဘောတူမှာ မဟုတ်ဘူးနော်! "
ရှန်ချန်းလင်က ခုတင်ထက်တွင် တင်ပျဉ်ခွေထိုင်၍ ပြောသည်။
" အဲ့တာကြောင့် မင်း မိန်းမယူပြီး ကလေးမွေးတာကို အနှောင့်အယှက်ဖြစ်အောင် မလုပ်ချင်ဘူး.. ငါတို့ စောစောစီးစီး လမ်းခွဲတာပဲ ကောင်းပါတယ် "
" မိန်းမယူပြီးကလေးမွေး? "
ချင်ရှောက်ယွီ၏ နှုတ်ခမ်းဖျားများ ကော့တက်သွားပေ၏။
မင်းဘာသာ မိန်းမမယူချင်လို့ အပျော်ရှာပြီး ပွေချင်လည်း ပွေပေါ့! !
ရှန်ချန်းလင်ကတော့ အေးဆေးပင်။ သူ့ကို လာမရှုပ်လျှင်တော်ပြီ။
" အတိတ်မေ့သွားပြီးနောက်ပိုင်း အရင်ကထက် ပိုပြီး ချစ်စရာကောင်းလာတယ် "
ချင်ရှောက်ယွီက သူ့မေးစေ့ကို သူပွတ်သပ်၍ ပြောလာသည်။
" အရင်က ငါက ဘယ်လိုပုံစံလဲ? "
YOU ARE READING
သိုင်းလောကတစ်ခုလုံးကဗရုတ်သုတ်ခတွေချည်းပဲ!
Historical Fictionစာရေးသူ - ယွီရှောက်လန်ရှန်း ဇာတ်ဆောင် - ရှန်ချန်းလင် x ချင်ရှောက်ယွီ - ယဲ့ကျင် x ရှန်ချန်းဖုန်း
