Unicode>>
【ဒီကအမေက မင်းရဲ့ဘက်မှာရပ်တည်ပေးမယ်】
"ကျွန်တော်က ဘာလို့...... ဒီဟာတွေကို သင်ရမှာလဲ?"
ရှန်ချန်းလင်က မျက်ရည်လေး စမ်းစမ်းဖြင့်။
အပြာစာအုပ်ဆိုတာမျိုးတွေက တိတ်တိတ်ကလေး ခိုးကြည့်သင့်တာ မဟုတ်ဘူးလား။ ဘယ်လိုဖြစ်ပြီး ပေါ်ပေါ်ထင်ထင် ထုတ်လာပြီး စကားလုပ်ပြောနိုင်ရတာလဲ!
ခရမ်းရောင်မမက ပြောလာသည်။
"ဘာကြောင့်လဲဆိုတော့ ဂိုဏ်းချုပ်ချင်ဆိုတာ သာမန်လူတွေကြားထဲကမှ နဂါး ၊ ဇာမဏီ သဖွယ် တန်ဖိုးကြီးရှားပါး ပုဂ္ဂိုလ်တစ်ယောက်မို့လေ"
အဲ့တာ ငါနဲ့ ဘာဆိုင်လို့တုန်း! !
ရှန်ချန်းလင်ကား သူတို့၏ လောဂျစ်ကြောင့် အံ့အားသင့် ပါးစပ်ဟောင်းလောင်းဖြစ်ရတော့သည်။
သူ့ဘာသာ လူတွေကြားက နဂါး ၊ ဇာမဏီ မကလို့ ဘာကြီးဖြစ်နေနေ... ငါက ဘာကိစ္စ အိပ်ခန်းအတတ်ပညာတွေကို သင်ယူရမှာလဲ? သူသာ နဂါးကိုယ်ခန္ဓာရှင် ကောင်းကင်သားတော် စစ်စစ်ဆိုရင်ရော ငါကပါ အသွင်းပြောင်းခြင်းအတတ်တွေ သင်ယူနေရဦးမှာလား? ကဲ! ! ! !
အဲ့တာဆို သူဘာကိစ္စ တစ်ခါတည်း Ultraman ကို လက်ထပ်မယူသလဲ! !
"အဲ့တော့ လူတွေ အများကြီး အများကြီးက ဂိုဏ်းချုပ်ကို လက်ထပ်ချင်နေကြတာလေ"
ခရမ်းရောင်မမက ခပ်အေးအေးပင် ဆက်ပြောနေသည်။
"အကယ်၍ အငယ်ဆုံး သခင်လေးကသာ ဂိုဏ်းချုပ်ချင်ရဲ့ နှလုံးသားကို အရယူဖမ်းဆုပ်ထားချင်ရင် သေချာပေါက် သူမတူတဲ့ နှစ်လိုဖွယ်ရာ ခုတင်ထက်က အတတ်ပညာတွေကို ပိုင်နိုင်ထားမှဖြစ်မှာပေါ့"
နေရာတွင် ငုတ်တုတ်မေ့စဉ် မိုးချုန်းသံကြီး ဒိန်းကနဲ။
ရှန်ချန်းလင်သည် မည်သို့သော အမူအရာ အပြုအမူမျိုးဖြင့် ဤအရာအားလုံးကို ရင်ဆိုင်သင့်မှန်းတောင် မသိတော့ပြီ။
ထို့ကြောင့် ရင်ထဲ၌သာ အားပါးတရ ဖြင့်-
ငိုး ငိုး ငိုး ငိုး ငါငိုးဟေ့! !
YOU ARE READING
သိုင်းလောကတစ်ခုလုံးကဗရုတ်သုတ်ခတွေချည်းပဲ!
Historical Fictionစာရေးသူ - ယွီရှောက်လန်ရှန်း ဇာတ်ဆောင် - ရှန်ချန်းလင် x ချင်ရှောက်ယွီ - ယဲ့ကျင် x ရှန်ချန်းဖုန်း
