အခန်း (၇၅) သည်လိုအေးစက်လွန်းတဲ့လောကကြီးဟယ်!
【တကယ်စုတ်ပြတ်သတ်နေတာပဲ】
" ဘာတွေဖြစ်သွားလို့လဲ? "
ရှန်ချန်းလင်က အတော်လေး အံ့သြသွားရသည်။
ချင်ရှောက်ယွီက သူ့ကို ထူတွဲကာ ထိုင်စေပြီး -
" တခြားနေထိုင်မကောင်းတဲ့နေရာ ရှိသေးလား? "
" မရှိဘူး "
ရှန်ချန်းလင်က အလွန်ပင် စိတ်လောစွာဖြင့် -
" ငါ့ကို သည်သုံးရက်အတွင်း ဘာဖြစ်သွားတာလဲဆိုတာ မြန်မြန် ပြောပြစမ်းပါ "
" အဲ့နေ့က မင်း ဟန်အဆိပ် ထပြီး သတိလစ်သွားတဲ့နေ့က ကိုယ်လည်း အဲ့သည်ဟယ်ဖုန်း လုပ်တဲ့ မွေးနေ့စားသောက်ပွဲကို မသွားဖြစ်ဘူးလေ "
ချင်ရှောက်ယွီက ဆို၏။
" အဲ့နောက် ပြဿနာတက်တော့တာပဲ "
ရှန်ချန်းလင် - ...........
ဝတ္ထုတိုဖြစ်ရင်တောင် ဇာတ်လမ်းက အစရယ် ဖြစ်စဉ် အဆင့်ဆင့်ရယ် ဇာတ်လမ်းအထွတ်အထိပ်ရယ်နဲ့ ဇာတ်သိမ်းရယ် ရှိရမှာပဲလေ!
သူရဲကောင်း မင်းဟာကလည်း အပေါ်ယံဆန်လိုက်တာနော်!!!!!
" ကိုယ့်ကို အရင်ပြောပါ၊ မင်း ဘယ်လိုဖြစ်ပြီး မူးလဲသွားတာလဲ? "
ချင်ရှောက်ယွီက သူ့လက်ကို ဆုပ်ကိုင်ထားသည်။
" အဲ့နေ့ညက ငါ ရေချိုးပြီးသွားရင် နဂိုက စာဖတ်ခန်းကို သွားပြီး မင်းကို ရှာမလို့၊ မတ်တတ်ထရပ်လိုက်ပြီးနောက် ရင်ဘတ်က အောင့်သွားပြီး မြင်ကွင်းကလည်း မှောင်မည်းသွားပြီး လဲကျသွားတာပဲ "
ရှန်ချန်းလင်က ထထိုင်လိုက်ပြီး -
" ဒါပေမဲ့ အခု ဘာမှမဖြစ်တော့ဘူး၊ မင်း မြန်မြန်လေး ပြောပါဦး ဟယ်ဖုန်းရဲ့ မွေးနေ့စားသောက်ပွဲက ဘယ်လိုဖြစ်ကြတာလဲ! "
ဒါကမှ အရေးကြီးတာလေကွာ!!!!!
" မင်းခန့်မှန်းထားတဲ့အတိုင်းပဲ၊ အဲ့နေ့က ဟေးဖုန်းဂိုဏ်းက တကယ်ပဲ ချုံခိုတိုက်ခိုက်ခဲ့တယ် "
YOU ARE READING
သိုင်းလောကတစ်ခုလုံးကဗရုတ်သုတ်ခတွေချည်းပဲ!
Historical Fictionစာရေးသူ - ယွီရှောက်လန်ရှန်း ဇာတ်ဆောင် - ရှန်ချန်းလင် x ချင်ရှောက်ယွီ - ယဲ့ကျင် x ရှန်ချန်းဖုန်း
