Unicode>>
အခန်း (၁၃)သရုပ်ဆောင်မင်းသား၏မပြီးနိုင်မစီးနိုင်သောအခန်းကဏ္ဍများ!
【ဒီတစ်ဘဝလုံးမင်းပစ္စည်းမထောင်နိုင်ပါစေနဲ့】
" ကယ်ကြပါဦး! "
အနှီကတုံးအစ်ကိုကြီးက သူ့ကို ပွေ့ချီသွားချိန်တွင်တော့ ရှန်ချန်းလင်က အော်ဟစ်ဖို့ အခွင့်အရေးရသွားတော့သည်။ ထို့ကြောင့် အာခေါင်ခြစ်၍ ကျယ်လောင်စွာ အော်ဟစ်လိုက်၏။
ကတုံးအစ်ကိုကြီးက အံ့အားသင့် ထိတ်လန့်စွာဖြင့် သူ့ကို ကြည့်ကာ ပြောလာသည်။
" မင်း.... တကယ်ကို.. ကယ်ကြပါဦးလို့ အော်တယ်? ! "
သောက်ပိုတွေ လာမေးနေတာလား! မင်းတောင် ငါ့ကို ခိုးပြေးတော့မယ် ငါက ကယ်ကြပါဦးလေး တစ်ခွန်းတောင် အော်လို့မရဘူးလား!
ရှန်ချန်းလင်က လက်သီးဆုပ်၍ ထိုလူ့၏ မျက်နှာကို ထိုးလိုက်သည်။ ထို့နောက် ကြိုးစားပမ်းစားဖြင့် ထွက်ပြေးဖို့ ရုန်းကန်တော့သည်။
" မင်း... မင်း တကယ်ကို ငါဘယ်သူလဲ မမှတ်မိတော့ဘူးလား? "
ကတုံးအစ်ကိုကြီးက အလွန်ဝမ်းနည်းနာကျင်သွားသော မျက်ဝန်းများဖြင့် သူ့ကို ကြည့်ကာမေးလာသည်။
..........
ငါက ဘာလို့ မင်းကို မှတ်မိနေရမှာလဲ?
ရှန်ချန်းလင် ငိုချင်လာ၏။
မဟုတ်မှလွဲရော ရည်းစားဟောင်းများလား!?
" ထားလိုက်ပါတော့.. အရင်ပြန်ခေါ်သွားပြီးမှ အေးအေးဆေးဆေး ပြောပြမယ် "
ကတုံးအစ်ကိုကြီးက အကြမ်းပတမ်းပဲ လုပ်တော့မည့်ပုံ။ သူက ရှန်ချန်းလင်ကို ပွေ့ချီလျက်ဖြင့် အပြင်သို့ ပြေးထွက်လိုက်သည်။
" ငါ့ကို အောက်ချပေးးးး! "
ရှန်ချန်းလင်က သူ့ခေါင်းကို ဆွဲခါယမ်းပစ်ရင်း အော်လိုက်သည်။
ကတုံးအစ်ကိုကြီးက သူ့ပါးစပ်ကို လှမ်းအုပ်၍ ပြောလာသည်။
" ထပ်ပြီးအော်ရင်.. ကိုယ်... ကိုယ်...... မင်းကို သတိမေ့သွားအောင် ရိုက်လိုက်မှာနော် "
YOU ARE READING
သိုင်းလောကတစ်ခုလုံးကဗရုတ်သုတ်ခတွေချည်းပဲ!
Historical Fictionစာရေးသူ - ယွီရှောက်လန်ရှန်း ဇာတ်ဆောင် - ရှန်ချန်းလင် x ချင်ရှောက်ယွီ - ယဲ့ကျင် x ရှန်ချန်းဖုန်း
