အခန်း (၇၁) သိုင်းလောကထက် ပိုအရေးကြီးတဲ့ကိစ္စတွေ အများကြီးရှိသေးတယ်!
【ဥပမာဆို ဟိုဥစ္စာပေါ့!】
" ငါ တကယ်ကို သူ့ဆီက ဘာပစ္စည်းမှ မယူထားဘူး "
အိပ်ခန်းထဲသို့ ပြန်ရောက်သော် ရှန်ချန်းလင်သည် လက်မြှောက်၍ ကျိန်ဆိုကာ ပြောလေ၏။
" ဟုတ်လား? "
ချင်ရှောက်ယွီက မျက်ခုံးပင့်၍ ကြည့်နေသည်။
" သေချာပေါက် ဟုတ်တာပေါ့! "
ရှန်ချန်းလင်သည် အလွန်ပင် ထူးဆန်းစွာ -
" ချစ်သူလည်း မဟုတ်၊ ရန်သူလည်း မဟုတ်နဲ့ ငါက ဘာကိစ္စ သူ့ပစ္စည်းကို လက်ခံရမှာလဲ "
" အဲ့တာဆို သူခုနက ပြောတာ ဘာအဓိပ္ပါယ်လဲ? "
ချင်ရှောက်ယွီက ဆက်မေးတော့သည်။
ရှန်ရှောင်ရှို့သည် အမူအရာ လေးနက်တည်တင်းစွာဖြင့် -
" သေချာပေါက် ငါတို့ကို သွေးခွဲဖို့လုပ်တာပဲ ဖြစ်မယ်! "
အောက်တန်းကျလိုက်တာနော်!
" သြော်? "
ချင်ရှောက်ယွီ၏လေသံက မြင့်တက်သွားသည်။
" ဒါမှမဟုတ်လည်း ငါ အတိတ်မမေ့ခင်က ပေးထားတာဖြစ်မယ်။ ဖုန့်ကျိုယဲ့နဲ့ အတူတူပဲ "
ရှန်ချန်းလင်သည် အပီအပြင်ကို သူနှင့်ကင်းရှင်းအောင် ခွဲထုတ်ပစ်လိုက်၏။
" ဘာပဲဖြစ်ဖြစ် ငါ မသိဘူး! "
ပြတ်လိုက်တာမှနော်!
" ကြည့်ရတာ ရှောင်းကျမ်က မင်းအပေါ် စိတ်မပြတ်သေးဘူးပဲ "
ချင်ရှောက်ယွီက သူ့ပါးလေးကို ညှစ်ကာ ဆိုလာသည်။
" ယင်ဝူရွှမ်းလည်း မင်းအပေါ် စိတ်မပြတ်သေးပါဘူး၊ ပြီးတော့ သူက ပိုတောင် ဆိုးသေးတယ်၊ လူတွေအဲ့လောက် အများကြီးရှေ့မှာတောင် မင်းကို နံရံကျော်ဖို့ မြှူဆွယ်နေတာ! "
(*တရုတ်မှာ ဆီးပန်းပင် နံရံကျော်တယ်ဆိုတဲ့ စာလုံးရှိပါတယ်၊ အဲ့တာက ဖောက်ပြန်ဖို့လုပ်တယ် ဆိုတဲ့သဘောပါ။)
YOU ARE READING
သိုင်းလောကတစ်ခုလုံးကဗရုတ်သုတ်ခတွေချည်းပဲ!
Historical Fictionစာရေးသူ - ယွီရှောက်လန်ရှန်း ဇာတ်ဆောင် - ရှန်ချန်းလင် x ချင်ရှောက်ယွီ - ယဲ့ကျင် x ရှန်ချန်းဖုန်း
