Chapter 140
Chapter 140October 17, 2023
ဇာ့ခ်ဘုရင်မ တုန်လှုပ်သွားရကာ သူမ၏ မျက်လုံးကြီး ကိုးလုံးသည် လင်းယောင်ယောင် နှင့် 012 ဆီသို့ လှမ်းကြည့်နေလေသည်။ 012 သည် "Chicken Soul for the Soul" ဆိုသည့် စာအုပ်ကို ဖတ်ခဲ့ပြီးဖြစ်၍ ပြောလိုက်သည်။
"တစ်ကယ်လို့ မင်းက လွတ်လပ်တဲ့ ပိုးကောင်ဖြစ်ဖို့ ဒါမှမဟုတ် ဇာ့ခ်ဘုရင်မ မဖြစ်ချင်ရင်လည်း မင်းတခြားပိုင်ရှင်ကို ရှာလိုက်လေ.... အတွေ့အကြုံတွေဆိုတာ အသစ်ဆိုရင် ဘယ်ဟာမဆို ပိုကောင်းတာပဲမလား...မင်း လွတ်လွတ်လပ်လပ်နေမှ ပိုပြီး စိတ်လှုပ်ရှားစရာ ကောင်းတဲ့ဟာတွေကို ရှာတွေ့နိုင်မယ်လေ"
လင်းယောင်ယောင်က တစ်ဖန် ဝင်ပြောလိုက်ပြန်၏။
"168 က အရမ်းအစွမ်းထက်ပြီး ချစ်ဖို့ကောင်းတယ် ဆိုတော့…မင်းလုပ်ချင်တာကို လုပ်လိုက်…ငါ မင်းကို အပြည့်အဝ ထောက်ခံမှာပါ"
ရလဒ်အနေဖြင့် 168 သည် အစားအသောက်များဖြင့် လူသားများ၏ brainwash လုပ်ခြင်း ခံခဲ့ရသည်။ ဤလူသားများသည် မည်သည့်ရည်ရွယ်ချက်ရှိပါစေ၊ အနည်းဆုံးတော့ ရိုးသားမှုကို ပြသခဲ့ကြသည်။ 168 လည်း ထို့တွက် ပိုမိုအကျိုးရှိသော ရွေးချယ်မှုတစ်ခု ပြုလုပ်ခဲ့သည်။
တာဇာကြယ်ပွင့်မဟာမိတ်မှ လူများသာ ဤအကြောင်းကို သိရှိပါက၊ အလွန် ထိတ်လန့်သွားပေလိမ့်မည်။ လူသားမျိုးနွယ်ထံမှ အရင်းအမြစ်များကို လုယူရန် အသုံးပြုခဲ့သော ဇာ့ခ်ပုံသဏ္ဍာန် နျူကလီးယားလက်နက်သည် အမှန်တစ်ကယ်ပင် လူသားမျိုးနွယ်ကို အကောက်ကြံခြင်း ဖြစ်ပေ၏။
သို့သော် ဖိနှိပ်မှုရှိသည့်နေရာတွင် ခုခံမှုရှိလာသည်မှာ အံ့သြစရာမဟုတ်ပေ။ တာဇာများသည် ဇာ့ခ်ကို လက်နက်အဖြစ် အသုံးပြုသော်လည်း ဇာ့ခ်တို့အတွက် မည်သည့်အရာကိုမျှ ထည့်သွင်းမစဉ်းစားခဲ့ပေ။ ထို့ကြောင့်လည်း သူတို့ဘက်မှာ မရပ်တည်ကြသည်မှာ အံ့သြစရာမဟုတ်ပေ။
ဤသို့ဖြင့်၊ နှုတ်ဖြင့် ပူးပေါင်းဆောင်ရွက်ရေး သဘောတူညီချက် ရရှိခဲ့သည်။ အစီအစဉ်ရေးဆွဲခြင်းလုပ်ငန်းစဉ်တွင် ပူးပေါင်းဆောင်ရွက်ရန်အတွက်၊ 168 ၏ တစ်ကိုယ်လုံးအား သုတေသနအတွက် လူသားဆရာဝန်တစ်ဦးမှ အကိုက်အခဲပျောက်ဆေးနှင့် ထုံဆေးထိုးပေးခဲ့ပြီး လင်းရွှမ် သည် သူမထံမှ ဇာ့ခ်အသားများကို ထပ်မံဖြတ်တောက်စေခဲ့သည်။
YOU ARE READING
ကိုကို့နှင့်သူ့ဘေဘီအစားသရဲလေး
Romance💥New Normal အချက်အပြုတ် novel တောင်းနေတဲ့ချစ်လေးတို့တွက်လာပါပြီရှင် ... Title- Futuristic Gourmet's Spoiled Marriage Description ဖုဘလော့ဂါလေး လင်းယောင်ယောင် သည် "ဒဏ္ဍာရီထဲမှ အရှင်သခင်" ဆိုသည့်ဝတ္ထုတွင် သူမနှင့် နာမည်တူနေသည့် အမျိုးသမီး ဇာတ်ပို့ဇ...
