Chapter 85
Chapter 85September 24, 2023
(ဇာ့ခ်အသားဘူဖေးပွဲ)
ကံအားလျော်စွာ၊ ချိုက်မူပိုင် နှင့် ရန်နင် တို့နှစ်ဦးစလုံးသည် အရေးကြီးသောအရာကို သိရှိကြသဖြင့် အစားအစာများသည် အလွန်အရသာရှိသော်လည်း စားချင်စိတ်ကို တွန်းလှန်နိုင်ခဲ့သည်။ထို့နောက် သူတို့ကိုယ်တိုင်ပင် ချက်ပြုတ်နိုင်သော အရသာရှိသည့် ဇာ့ခ် အသားဟင်းချက်နည်းကို ပိုစဉ်းစားလိုက်ကြသည်။
စပ်သော အစားအစာများကို စွဲလမ်းသူ အဘိုးကြီးချိုက် သည် အစပ်ထည့်ထားသော ဇာ့ခ် အသားနှင့် ဇာ့ခ်အသားခြောက်များကို နောင်တရစွာဖြင့် ကြည့်လိုက်သည်။ သူ့မှာ ဗိုက်သေးသေးလေးရှိနေတာကိုတောင် မုန်းတီးနေမိသည်။
လင်းယောင်ယောင် သည် ဇာ့ခ် တစ်ကောင်လုံးကို ယူဆောင်လာသောကြောင့် အဘိုးကြီးချိုက် နှင့် အခြားသူများအတွက် လုံလောက်သော ပါဝင်ပစ္စည်းများဖြစ်သည်။ သူမသည် မစားရသေးသော အစိတ်အပိုင်းများမှ အသားများကို ယူကာ စားသုံးရန် နည်းလမ်းများကို ရှာဖွေရန် ရည်ရွယ်ထားခြင်းဖြစ်သည်။
ကင်းလှည့်တပ်၏ သုတေသီများသည် အတောင်ပံရှိသော ဇာ့ခ်များ၏ ဦးခေါင်းများနှင့် အတွင်းအင်္ဂါများကို စွန့်ပစ်သည်။ အကြောင်းမှာ သုတေသနအတွက် ဦးခေါင်းများကို အသုံးပြုရန် လိုအပ်ပြီး အတွင်းအင်္ဂါများကမူ အဆိပ်သင့်မည်ကို စိုးရိမ်ကြတာကြောင့်ပင်။
ထို့ကြောင့် ဇာ့ခ် တစ်ကောင်ချင်းစီကို အကြမ်းဖျင်းအားဖြင့် ကြီးမားသောအပိုင်းများ ခွဲထားသည်။ မာကျောသော အခွံသည် အသားများနှင့် ပြည့်နေပြီး အရိုးများမရှိပေ။ ထို့ကြောင့်၊အစားအသောက်ကုထုံးပညာရှင်များသည် အရွတ်အတွင်းရှိ အညစ်အကြေးများနှင့် ရက်စက်ကြမ်းကြုတ်သောစွမ်းအင်များကိုသာ ဖယ်ရှားပစ်ရန် လိုအပ်သည်။
ရန်နင် က သက်ပြင်းကို ချပြီးပြောလာသည်။
"ဇာ့ခ် က တစ်ကယ်ကို အကောင်းဆုံး အစားအသောက် ပစ္စည်းတစ်ခုပဲ…သူ့မှာ အသားအများကြီး ရှိတယ်၊ဆူးက မရှိဘူး… စွမ်းအင်ကလည်း ကြွယ်ဝလိုက်တာ… ဆဲလ်ဖွဲ့စည်းပုံကလည်း ရိုးရှင်းတယ်… ဘာကြောင့်များ ဒါတွေကို အစောကတည်းက စားဖို့ မကြိုးစားရတာလဲ"
YOU ARE READING
ကိုကို့နှင့်သူ့ဘေဘီအစားသရဲလေး
Romance💥New Normal အချက်အပြုတ် novel တောင်းနေတဲ့ချစ်လေးတို့တွက်လာပါပြီရှင် ... Title- Futuristic Gourmet's Spoiled Marriage Description ဖုဘလော့ဂါလေး လင်းယောင်ယောင် သည် "ဒဏ္ဍာရီထဲမှ အရှင်သခင်" ဆိုသည့်ဝတ္ထုတွင် သူမနှင့် နာမည်တူနေသည့် အမျိုးသမီး ဇာတ်ပို့ဇ...
