Chapter 167
Chapter 167October 26, 2023
(လင်းယောင်ယောင်၏ လျို့ဝှက်ချစ်သူ)
မည်သို့ပင် ဖြစ်စေ၊လင်းရွှမ် ပြန်လာသည့်အခါ သူမအတွက် ပိုယူလာပေလိမ့်မည်။သူမမှာ ကောင်းသည့်အရာများရှိလာတိုင်း သူမကို စိတ်ရင်းမှန်နှင့် ကြင်ကြင်နာနာဆက်ဆံသည့် သက်ကြီးရွယ်အို၊ ဆွေမျိုးများ၊ သူငယ်ချင်းများနှင့် ဝေမျှဖို့ ဘယ်တော့မှ မတွန့်ဆုတ်ခဲ့ချေ။
ဂရန်းမာစတာအဆင့် အရန်ကုထုံးဆရာ၏အထက်တွင်၊ သတ္တမအဆင့် အရန်ကုထုံးပညာရှင် အစားအစာကို ဖန်တီးနိုင်သူတစ်ဦးကိုသာ ပေးအပ်ရသည့် ဒဏ္ဍာရီအဆင့်တစ်ခုလည်း ရှိသည်။
ချိုက်ယူဟုန် သည် လေ့ကျင့်ရန် SSS အဆင့်ပါဝင်ပစ္စည်းများမရှိသောကြောင့် ဤအဆင့်သို့မရောက်နိုင်ခဲ့ပေ။ ယခု အသားများစုံလာပြီ ဖြစ်သဖြင့် လင်းယောင်ယောင် အား လွဲမှားနေသော ဗဟုသုတအချို့ကို ထောက်ပြပြီးနောက် အစားအသောက်ကုထုံးဆိုင်ရာ သုတေသနခန်းထဲသို့ ချက်ချင်းဝင်သွားခဲ့သည်။ အချိန်ယူ လေ့ကျင့်ပြီးပါက၊သူ အဆင့်တက်ဖို့ ကြိုးစားရပေမည်။
လင်းမိသားစုနှင့် ဝေ့မိသားစုတို့၏ ညစာစားပွဲကို လင်းယောင်ယောင် တာဝန်ယူထား၏။သူမ၏မိသားစုအတွက် လူကိုယ်တိုင်ချက်ပြုတ်ပြီး အကောင်းဆုံးပါဝင်ပစ္စည်းများကို အသုံးပြုသည်။ သူမသည် ပါဝင်ပစ္စည်းများအများအပြားကို စီမံဆောင်ရွက်ပြီး အဘိုးလင်း၊ အဘိုးဝေ့နှင့် အဘွားဝေ့တို့လို လူကြီးများအတွက် သီးသန့်ဟင်းများ ပြုလုပ်ရသည်။
တာဇာကြယ်ပွင့်နယ်မြေ ၏ ပါဝင်ပစ္စည်းများဖြင့် ပြုလုပ်ထားသော ထိပ်တန်း အရသာများသည် စားဖူးသူတိုင်းကို ထိတ်လန့်စေသည်။
လင်းယောင်ယောင် စိတ်သက်သာရာရစေသောအရာမှာ ဝေ့မိသားစုနှင့် လင်းမိသားစုတို့သည် လင်းရွှမ် နှင့် သူမ၏ဆက်ဆံရေးကို ကန့်ကွက်ခြင်းမပြုဘဲ တိတ်တိတ်ဆိတ်ဆိတ် နားလည်မှုရှိပြီး မောင်နှမများအဖြစ်သာ ဆက်ဆံဆဲဖြစ်သည်။
အခြေအနေကို အပြည့်အ၀နားလည်သော ဝေ့လင်းနှင့် ချမ့်ယောင်တို့ပင်လျှင် လင်းယောင်ယောင် ကို ဒဲ့မပြောလာခဲ့ပေ။
YOU ARE READING
ကိုကို့နှင့်သူ့ဘေဘီအစားသရဲလေး
Romance💥New Normal အချက်အပြုတ် novel တောင်းနေတဲ့ချစ်လေးတို့တွက်လာပါပြီရှင် ... Title- Futuristic Gourmet's Spoiled Marriage Description ဖုဘလော့ဂါလေး လင်းယောင်ယောင် သည် "ဒဏ္ဍာရီထဲမှ အရှင်သခင်" ဆိုသည့်ဝတ္ထုတွင် သူမနှင့် နာမည်တူနေသည့် အမျိုးသမီး ဇာတ်ပို့ဇ...
