قصة بالدارجة المغربية، تحمل من كل فن طرب :
اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي.
قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...
🍂 هناك أمل 🍂 🍸 مصادفتك هي الحلم لواقعي وحقيقة لنبض قلبي 🍸
بارت106
خارج من الدوش وهو داير فوطة على نصو قصد دريسينغ ولبس حوايجو لي كانو عبارة عن بوكسور كحل و سروال فصالة فالأسود مع شوميز سوداء ودار عليهوم مونطو فالبني من بعد ماكمل لباسو هز تيليفونو وسوارت وتم خارج من الغرفة بوجه شاحب وتحت عينيه إكتاسحو اللون الأسود بسباب قلة النوم والعياء . مع حل الباب مع جات عينو على باب بيتها شاف فيه بخيبة أمل وكمل طريقو هابط للأسفل ، لقاهوم گالسين فالصالة كل واحد فاش ساهي و وجوههم مستاعمرها الحزن . دار عليهوم نضرة أخيرة بلى كلام ولا سلام قصد باب الدار وخرج وركب فسيارتو ديريكت للكنينيك ، وصل وهبط وتم داخل كولشي ولا كايعرفو فها الكنينيك لكثرة بقاءو فيه . مشا ديريكت للسانسور وطلع للطابق لي بغا ، خرج من سانسور وقصد غرفة من الغرف ودخل ليها . بمجرد دخولو جات عينو عليها هي لي كانت بحال الأميرة النائمة ، بعد ماسد الباب تقدم لعندها وگلس على كورسيه شد ليها فيدها لي فيها السيروم وبدا كيفرق عليها قبل متفرقة عاد رجع نضرو ليعا كيشوف فيها وكيتمنى أنها تفيق شي نهار.
سليمان ( بصوت خافت مهرس): حتى لإمتى غانبقاو هكا ، إمتا غاتفيقي توحشتك بزاف ( دوز إيدو على حنكها) ونتي متوحشتنيش أممممم.
بقا على داك الحال مراقبها بدوك العيون اللامعة وكيتفكر كل دقيقة وثانية دوزها معاها فجأة تفكر ملي هداتو القلم .
حسناء ( بتفكير): الأمل هو واحد الحاجة لي كتفرحنا وكتبعد علينا التعاسة لي كانت مستعمرنا ،(بسهو) أنا ملي كنشوف حياتي البائسة كنگول متخافيش أحسناء ومتقنطيش فهناك أمل ، ربي مغاديش إخيبك هاد الكلام أو كلمة أمل كتشجعني أنني منضعافش ونبقى متشبة بنفسي .
سليمان ( بصوت خفيف وكيأكد صحة كلامها): فعلا هناك أمل.
حسناء ( شافت فيه بإبتسامة): أحم المهم غنخليك تكمل خدمتك ،وشكرا مرة أخرى. ♠ نهاية الفلاش باك ♠
سليمان ( بخفوت وهو كيدوز يدو على حنكها): هناك أمل وأنا متأكد غادي ترجعي .
ماخرجو من عالمو الخاص غي الباب لي دق وأذن بالدخول ، وتم داخل رجل شرطة بلباسو الرسمي وتوجه سلم على سليمان بعد الأخذ والرد والسؤال على الحال والأحوال دخلو فالأهم.
الشرطي( بجدية ): سي سليمان بعد البحت ديالنا قدرنا نوصلو للشخص لي كرا ديك السيارة وفهاد المدة كاملة كان خارج المغرب ، فملي دخل جبناه للمغفر.
سليمان ( بعصبية): شكون هو شكون لي دار لمرتي هاد الحالة ؟
الشرطي( كايحاول إهدنو): تهدن أسي سليمان ، السيد سميتو ...برادة واش كتعرفو.
سليمان: لا مكانعرفوش .
الشرطي( كمل كلامو ): هو لي كرا السيارة من لاجونص على سميتو ومن بعد خلاها لحبيبتو هادشي لي گال لينا.
سليمان ( بتساؤل): شنو سميتها ؟
الشرطي ( بإبتسامة ): هنا فين تخربقت أنا .
سليمان: علاش؟
الشرطي: حيت عندها نفس الكنية ديالك وملي قلبت ل...
سليمان ( كملها ليه): لقيتيها بنت عمي .
الشرطي( بدهشة): كنتي شاك فشي حد؟
سليمان ( بعيون نارية): شكون من غيرها بنت عمي كاميليا.
الشرطي ( بتأكيد): بالضبط هي كاميليا صلاح الدين.
سليمان: أشنو درتو دبا.
الشرطي : صيفتنا عليها إيجيبوها عندنا أخبار بوجودها ففاس وخرجنا مذكرة إعتقال ضدها غدا غاتكون عندنا وبغيتك حتى نتا تكون حاضر.
بعد خروج الشرطي توجه مرة اخرى عندها وشكون من غيرها محبوبتو ومعشوقتو لي سلباتو من أول نضرة ، هي لي كانت على حالها ماتغير والو راسها ملفوف ويدها و رجلها فيهوم الگبص ، الأكسجين على نيفها وجهها الشاحب وملامحها الباهتين كيقتلوه شوية بشوية . گلس قريب ليها وشد يدها بين إيديه باسها وعاود باسها وهو مساخيش بيها وبقا كيشم ريحتها لي حمقاتو وخلاتو عاشق مجروح بعينو لامعة كيشوف فيها وهو خسر گاع طاقتو.
سليمان ( بصوت مجروح وقلب مهرس ونفس ذابلة): نهار على نهار جناحي كيتكسرو وروحي كتحبس ، قلبي محروق ومجروح ( دوز صباعو على وجهها) سبابو فراقك ، فراقك صعيب وقاسح وماقدرش نتقبلو ، حسناء يا حسناءي حني فيا وفيقي بركة عليا راني مابقيتش قادر على فراقك .
ناض من بلاصتو ودار ليه مساحة قليلة حداها ونعس فيها ودور عليها يديه وقال ليها فوذنها.
سليمان ( بحزن وألم): أنا نتي ونتي أنا فكفاش غانعيش بلا بيك.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
