قصة بالدارجة المغربية، تحمل من كل فن طرب :
اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي.
قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...
🍂 هناك أمل 🍂 🍸 مصادفتك هي الحلم لواقعي وحقيقة لنبض قلبي 🍸
بارت138
رجعو لجناحهم وهما شادين فيد بعض فرحانين وناشطين ضحكهوم كيتسمع من منين و منين ، ما إن دخلو للجناح وسد الباب جبدها فغفلة منها ولسقها مع الحيط ولسق معاها حتى هو ، شد ليه يديها للفوق وهو كيشمشم فيها ساد عينيه وكيدوز نيفو على وجهها وهي سادة عويناتها معاه .
حسناء ( دقات قلبها تزادو وقالت حتى هي بهمس): مكانديرهاش .
سليمان ( زاد دخل فيها حتى وقفات على طرف صبعانها): تئ تئ ماشي المصنعة ، ( بتنهيدة) ريحتك نتي عبير و فوح جسمك نتي .
تقرب ليها حتى تخالطو أنفاسهم وطبع قبلة ثقيلة على خدها عاد داز للثاني وداز لعويناتها نفس الشيء وجهها كامل طبعو بقبلات ملكيتو ، عاد بدا كيحيد ليها فولارها حتى حيدو وطلق ليها شعرها لي جبدو لعندو كيشمش فيه ، عاد داز ثاني لذاك الثغر لي مكايشبعش منو باسو بوسة عميقة تسمعات فالمكان عاد قال وشفايفو كتحكو مع ثغرها .
سليمان ( بفحيح): وصلتُ إلى الثغر الجميل يحثّني إليه غرام في الفؤاد دخيلُ.
هادشي لي قال قبل مايدخل معاها فقبلة عميقة وثقيلة غيبتهوم عن الواقع وتحنى وهو باغي غارق فداك الثغر اللعين هزها بين إيديه غادي بيها للفراش وشعرها الأسود كيلعب فالهواء ، حطها فوق الفراش وطلع فوق منها وكمل على مابدا فداك الثغر ودوك الشفاه ، تهز من فوقها حتى حيد الشوميز ورجع ليها هي لي عويناتها معسلين بحالو تماما ووجهها ماليه الإحمرار ، هكاك دازت ليلتهم الحميمية الثانية كلها أهات وتنهيدات وزمجرات ولذة وشهوة وأقل ألم من الأولى بالنسبة ليها هي ، مانعسو حتى أذن الفجر عاد طلقها وهي مشات تسخف بين إيديه ، خلاها تنعس وترتاح ومشا هو قصد الدوش دوش وحيد الجنابة عليه عاد توضى وخرج صلى صلاتو ودعا لخالقو وشكرو على هاد الفرحة والسعادة لي غمرات حياتو .
من بعد ماتغداو فقهوى شعبية داخل المرسى بالجديدة شدو طريق الرجعة للدار البيضاء ،هي لي لابسة أونصومبل فالبنفسجي مع فولار فالأسود وهو لي لابس شوميز فالأزرق كيف ديما طاوي الكمام ومعاها سروال بيض .
شادين الطريق وهما ضاحكين ناشطين ، مع أذان المغرب دخلو للدار البيضاء وقصد. مسجد صلاو صلاتهوم هي لولة عاد قصدو مقهى جلسو فيه هو شد قهيوتو وهي عصير برتقال مع كيك شوكولا.
حسناء ( شافت فيه كيجغم من قهوتو): سليمان ( شاف فيها وكملات) واش رديتي لبال لراسك كتشرب القهوة بزاف .
سليمان ( تقرب لعندها وقال بنفس طريقتها): حسناء ( سكت شوية كمل) واش رديتي لبال لراسك كاتكلي الحلاوة بزاف .
حسناء ( دلات شفايفها): ياك واخا نستاهل .
سليمان ( قرصها فحنكها وكمل ): كنضحك مع حسناءي( جغم من قهوتو و ورا ليها الطاس) هادي لي كاتقاد ليا المزاج مع الخدمة ومشاكلها وحتى ملي كنت باقي كانقرى هي لي كتهدني ( حرك كتافو) وصافي ولفتها .
حسناء ( بلطف): ولكن خصك تنقص منها واش عارف أضرارها ( سكتات شوية وكملات) أقل حاجة حاجة هي عسر الهضم والأرق .
سليمان ( بإبتسامة مسند على يدو): وشكون بحالي عندو لي إفكر ليه( حيد طاس القهوة من قدامو) نحيدو باباها هاد القهوة .
حسناء ( بضحكة): إوا هكاك ( كلات من الكيك) وهادي ماشفت منها غالخير والإحسان .
سليمان: ياك ألالة( حركات راسها بإيجاب) إوا بصحتك ( بتلاعب) الحلاوة لي مهمة كانعطيها ليك أنا.
بمجرد مقالها وحل ليها الكيك مسكينة وبقات كتكحب ، عطاها العصير دوز به وهو حابس الضحكة بزز ، حتى ولات شوية وهي كتنفس بزز كانت الزغبية غاتجيف ، عنقها لعندو وهو حابس الضحكة .
