قصة بالدارجة المغربية، تحمل من كل فن طرب :
اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي.
قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...
🍂 هناك أمل 🍂 🍸 مصادفتك هي الحلم لواقعي وحقيقة لنبض قلبي 🍸
بارت127
مافاقت من سهوتها غي ملي شافتو داز بيتها وغادي لبيتو هو فقالت بتساؤل.
حسناء ( بخفوت ): سليمان فين غادي هابيتي فينو .
سليمان ( كايحل باب بيتو): هداك كان بيتك دبا مابقاش ( شاف فيها واشار ليها لداخل الغرفة): هذا هو بيتك دبا ومن اليوم متافقين .
وتم داخل للغرفة وهي بقات ساكتة دهشرها بهادي متوقعاتهاش نهائيا ودخلاتها الخلعة والخوف ، وبداو تاني دوك الأفكار كايطيحو عليها ، حطها فوق الفراش وقادها ومشا لدريسنغ جاب ليها بيجامة مستورة فالزيتي مع فولارها حطهوم حداها وهز تيلي ديالو صونا على ليلى وعلمها طلع عندو .
هي بقات غي كتسوف فيه أش كايدير وفين زادت صدمتها ملي شافت حوايجها فالدريسينغ معرفاتش إمتا جاو وشكون جابهوم بقات على داك الحال حتى حسات به حط يدو على يدها وشافت فيه كاتسنى منو إهدنها ولا إقنعها تاني كيف ديما.
سليمان ( گلس حداها وهز يدها باسها ومخليها بين يديه): من اليوم غاتبقاي هنا ، هذا بيتك كيف هو بيتي ، حوايجك جبتهوم لهنا ملي كنتي باقي كومة ( شاف فأرجاء الغرفة) بغيت ريحتك تكون فهاد البيت نحس بيك معايا ، داكشي لي فبالك حيديه أنا مغاديش نقيصك حتى تشافاي وترجعي صحتك وعاد خصني ندير ليك عرس كيف بغيتيه( دوز يدو على حنكها) نتي مباغاش عرس تفرحي براسك وديري التقاليد كيف جميع البنات أممم( حركات راسها بإيجاب) مزيان حتى أنا داكشي لي باغي تفرحي براسك وديري كل متشهاه نفسك وأنا معلية غي نوجد ليك ونقدم ليك كل مابغيتي صافي( حركات راسها بالإيجاب تاني مع عيون لامعة ) الله إرضي عليك أحسناءي راحتك وفرحتك أهم عندي من كولشي ( باسها على جبينها بوسة رضى) دبا الوليدة غاتجي تعاونك تلبسي حيت عارفك مغاتبغيش نعاونك أنا ( قال بطنز) دبا هاني درت ليك خاطرك مرة أخرى لا لا انا ندير كولشي ( ضربها على أرنبة انفها بضحك) متفاهمين أحسناءي.
حسناء ( بإبتسامة ماليها الخجل): متافقين ( بغا إنوض وهي تشد من يدو ) سليمان.
سليمان ( بفرحة عارمة كيحاول ميبينهاش باش متحشمش تاني): شكرا مكايناش بيناتنا( هز ليها راسها) أنا نتي ونتي أنا فكفاش غانعيش بلا بيك وحتى ديك شكرا حيديها .
قبل مايكمل هضرتو فتجرءات حسناء وجبداتو لعندها وعنقاتو عناق حار جاء من طرفها ، عنقاتو حيت فعلا محتاجة ديرها هو كايدير أشياء كثيرة على قبلها فعلاش هي ماديرش ولو حاجة بسيطة على قبلو ، وهاد العناق هي محتاجاه كثر منو هو ، عنقاتو بك قوتها خاشية راسها فعنقو وهي كتشمشم ريحتو لي محمقاها.
بقاو على داك الحال لمدة من الزمن حتى سمعو الباب كيتدق فصلو عناقهم وباسها مرة أخرى على جبينها بوسة رضى وناض فتح الباب لليلى لي كانت مع إبتسامتها الرائعة .
دخلات هي ومشات لعند حسناء أما سليمان فدخل للدوش وخلاهوم على راحتهم.
تماك بقاو على الضحك هي وليلى كيتفكرو ماضيهم فالميتم هي وليلى واخا فارق العمر إلا انهم بحال صحابات وأكثر وليلى هي الحافضة لأسرارها كاملة حياة حسناء كاملة عند ليلى .
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
