🍂 هناك أمل 🍂
🍸 مصادفتك هي الحلم لواقعي وحقيقة لنبض قلبي 🍸
بارت121
وصلو لقاعة الترويض دخلوا وهو دافعها فالكورسي لقاو الطبيبة المكلفة كاتسنى فيهوم .
الطبيبة( قربات ليهوم بإبتسامة): السلام عليكم سي سليمان.
سليمان ( عينيه على حسناء): وعليكم السلام .
الطبيبة ( عينيها باقي عليه): اليوم اول نهار فالترويض ياك ( شافت فحسناء و رجعات ليه نضرها) غيبوبة لمدة 3 أشهر على ما أضن.
سليمان(باقي عينيه على حسناء وقال ليها): جاوبيها .
حسناء ( رجعات عينيها للطبيبة لي معجبوهاش شوفاتها وقالت بخفوت): أه 3 أشهر.
الطبيبة ( لي معجبهاش تصرف سليمان): أممممم أوك نبداو دبا ، ممكن تجيبها لهنا.
أشارت ليه لسرير كان فالجنب فسليمان تحنى على حسناء وهزها ، مشا بها للسرير حطها بشوية بحال بيضة خفتي عليها تهرس،وبقا كيقادها باش تلقى راحتها ، حسناء كتشوف فيه بإبتسامة فرحانة به والطبيبة كتشوف فيهوم وهي عاقدة غوباشتها غي بينها وبين نفسها .
الطبيبة( قربات لعندهوم وبدات خدمتها): نشوفو أول فين تهرستي واش ياك مافيه شي مشكل .
بدات كتقلب ليها فيدها ورجلها وكدير ليها حركات بطيئة وحسناء صابرة بزز حيت كتألم، سليمان شاد ليها فيدها الأخرى و واقف حدا راسها عارفها خوافة و بكاية دغيا تبدى تبكي ليه تماك وتندب على حضها.
الطبيبة ( شافت فيه تاني): مزيان كولشي هو هداك خصها دبا غي تبدى الترويض وغاترجع كيف كانت ( مشات جابت بيسي وخدمات ليهوم فيديوات ديال الحركات) خصك دبا تخدمي على هاد الحركات كاملين عندك شهر ترجعي كيف كنتي.
حسناء ( متبعة مع الحركات وقالت بخفوت): أنا كتشدني الدوخة بزاف غانقدر نديرهوم( كتسنى الجواب ولكن مامن رد هزات فيها راسها لقاتها حالة فمها فسليمان لي متبع مع الحركات مشعرتش إمتى غوتات) دكتووووورة( مع غوتات حسات بضو ضربها فراسها وهي تشدو بين يديها) راسي راسي أووووف .
سليمان ( بالزربة شد فيها): مالك بيك شي حاجة كيعطيك الحريق .
حسناء ( ببكاء وألم): بزاف عطاني الصداع أي حسيت بالضو ضربني فراسي .
سليمان ( كايحاول إهدنها): تهدني وغي بشوية غانعيط على الطبيب دبا صافي ماتخافيش.
وخرج كيجري إعيط على الطبيب لي مكلف بها وخلاها هي لي كتبكي وشادة راسها بين إيديها متبعة ليه عينيها ، أما الطبيبة فدايرة فيها شوفة ديال الغدايد فقساتها وخصوصا ملي هزات عليها صوتها.
الطبيبة ( بعصبية): مالك على حالتك كاتهزي عليا فصوتك أش إحساب ليك راسك معارفاش معامن نتي ولا أشنو إحتارمي راسك.
حسناء ( مخلطة العصبية مع البكاء): نتي لي احتارمي راسك ( سكتات شوية وكملات) من الصباح ونتي حاطة عينيك على راجلي ماحشمتي ماستحييتي ماگلتي مزوج ، الاحترام خصك نتي ماشي أنا ( باقة شادة فراسها لي كايزدح) واش مقارياش غض البصر وإحترام الغير كتزللي على راجل مزوج وقدام مراتو.
الطبيبة( مارضاتش حيت لقات هضرتها كاملة صحيحة): نتي توري ليا شنو ندير برهوشة ديال الخلا أش تسحابي راسك راك معارفاش معامن نتي .
سليمان ( من وراهوم من بعد ماسمع جل الكلام ): نتي لي معارفاش معامن نتي.
الطبيبة( دارت لعندو مصدومة): سي سليمان فهمتي كلامي غلاط.
سليمان ( بعصبية): نتي لي مفهمتيش كلامي( أشار للباب) دبا غادي تخرجي من داك الباب وتجي طبيبة وحدة أخرى تهتم بمراتي ولا هاد الكنينيك نريبو فوق راسك.
الطبيب( كايحاول إهدن الوضع): سي سليمان مكاين لاش نوصلو لهادشي دبا هي غاتمشي ونجيب وحدة أخرى( دوا معاها بجدية وصرامة) إمكن ليك تمشي دبا وبعد نص ساعة نلقاك فالمكتب ديالي يالاه تفضلي.
داكشي لي كان خرج براسها محني للأسفل مراضياش بلي وقع وخصوصا وهي الغالطة ، جات طبيبة جديدة عند حسناء تدير ليها الترويض .
بدات معاها حركات خفاف من بعد مافحصها الطبيب ومشا إكمل شغالو .
الطبيبة( بإبتسامة) : مزيان دبا عاونيني نتني رجلك غي بشوية غصك تصبري أبنتي يالاه يالاه مزيان .
حسناء ( وجهها حمر وصابرة بزز حيت مقادراش على الحركة ): مقادراش والله عييت وراسي كيضرني.
سليمان ( بدا كايعاونها حتى هو فبلاسط الطبيبة لي رجعات لور وخلاتو): يالاه غي تشجعي وبشوية بشوية غاتقدري عليها ، يالاه الله إرضي عليك ( شاف فيها ومسح ليها العرق من جبينها) مزيان راك غادة مزيان دبا خصك تشجعي أكثر وتفكري الهضرة لي گلت ليك صافي.
أنت تقرأ
هناك أمل 🍸مكتملة🍸
ChickLitقصة بالدارجة المغربية، تحمل من كل فن طرب : اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي. قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...
