🍂 هناك أمل 🍂
🍸مصادفتك هي الحلم لواقعي وحقيقة لنبض قلبي 🍸
بارت150
خرج لعندهم والكل تجمع عليه بغاو اعرفو شنو طاري وحسناء والبنية واش لباس عليهم ليلى كانت السباقة لي سولاتو .
ليلى( بخوف): ولدي أمضرى واش تفكات هي لباس ياك؟
الحاج: گول لينا أولدي شنو طرى شحال وحنا نتسناو ؟
ميلود: سربي أولدي راك قتلتينا ؟
سليمان ( سد عينيه وتنفس بعمق عاد شاف فيهوم وقال): ماتخافوش كولشي مزيان هي لباس وحتى البنية لاباس عليها الحمد لله غي خصها تكمل النمو ديالها .
ليلى( جبداتو لعندها معنقاه وبفرحة): الحمد لله أولدي الحمد لله هادي خبار زينة . وفين هي بنتي حسناء مزال مخرجوها؟
سليمان: دبا إنقلوها أميمتي ونمشيو عندها .
الحاج( ربت ليه على كتفو): الحمد لله اولدي على سلامتها وسلامتنا كاملين الحمد لله.
سليمان( باس ليه على راسو): الحمد لله الحاج دعواتك ديما فجنبنا .
ميلود( عنقو حتى هو): مبروك عليك أولدي وعلى سلامة بنتي حسناء الحمد لله فرحتنا كملات .
سليمان ( بإبتسامة): الله إبارك فيك أبا ميلود.
نزهة( بعيون دامعة): مبروك أخويا سليمان إتربى فعزكوم إن شاءالله الحمد لله على سلامتها .
سليمان ( بإبتسامة): الله إبارك فيك اختي نزهة .
الطبيبة( لي خرجات لعندهوم): السلام عليكم ، مبروك عليكم الزيادة ويتربى فعزكوم إن شاءالله ، بغيت نقول ليكوم التربية غاتبقا فمكانها المخصص حتى تكمل النمو أما حسناء راه نقلناها لغرفتها إلى بغيتو تشوفوها ( شاف فليلى) الصاك لي عطيتيني راه معاها فالغرفة .
سليمان ( بتساؤل): وبنتي نقدر نشوفها ؟
الطبيبة( بإيجاب): أه تقدر تشوفها ولكن غي من وراء الزجاج ماتقدرش تدخل ، الغرفة فيها مجموعة من الوليدات حتى هما كايكملو النمو وخصهوم مساحة خاصة ومايطخالطوش مع الأخرين وقاية وحماية ليهوم .
من بعد مشاو كاملين لعند حسناء سليمان كان أول واحد إدخل مع الدخلة لقاها فوق سرير لابسة كسيوة طويلة سخونة شوية حيت بارد الحال كانت فاللون الوردي المغلوق مشبكة من الأكمام ومعاها فولارها فالأبيض ، كانت ناعسة والسيروم فيدها وجهها بدا لونو الطبيعي كايرجع ليه والحمرة كاتكتاسيه .
تقرب سليمان ليها وشد يدها السليمة باسها بوسات متتالية عاد تحنى على جبهتها باسها بوسة عميقة وهو ساد عينيه كأنه كايشكرها وزادها بوسة ثانية وثالثة حب وإمتنان ، گلس حداها وبقا كيدوز يدو على خدها وهو فرحان بها وفرحان بما قدماتو ليه اليوم فهو اليوم أصبح أب بفضلها .
أنت تقرأ
هناك أمل 🍸مكتملة🍸
ChickLitقصة بالدارجة المغربية، تحمل من كل فن طرب : اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي. قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...
