🍂 هناك أمل 🍂
🍸 مصادفتك هي الحلم لواقعي وحقيقة لنبض قلبي 🍸
بارت139
من بعد الگلسة فالكافي قصدو مرجان هو الأول تقداو فيه كل مايلزم ودارو فيه مزيان عاد شدو الطريق للدار، بسبب دورانهوم فالمدينة ماوصلو للدار حتى للتاسعة مساء ، وهاهما دبا كايتسناو فالباب الكبير إتحل ماهي إلا دقائق حتى تحل من طرف ميلود لي كان مع إبتسامتو المعهودة ، دخلو للداخل ووقفو السيارة عاد هبطو تلقا ليهوم ميلود رحب بيهوم وسلم عليهوم .
ميلود( بإبتسامة ): أهلا أهلا بالعرسان لي نساونا ، على سلامتكوم .
سليمان ( سلم معاه): الله إسلم أبا ميلود ، كيداير الأمور تمام.
ميلود: الحمد لله أولدي كولشي مزيان ، ونتا لاباس عليك كي كانت الطريق.
سليمان: داكشي لي بغينا ، حمد لله الطريق مزيانة .
حسناء ( جاية عندو بخجل مع إبتسامة): با ميلود لاباس عليك.
ميلود( سلم عليها حتى هي سلام حار): لباس الحمد لله أبنتي ، ونتي كيدايرا بخير، ياكما عييتي فالطريق.
حسناء ( بإبتسامة): الحمدلله لا كانت الطريق مزيانة .
ميلود( كايشير للداخل): إوا يالاه زيدو ندخلو راه إصحابهوم مغاتجيو حتى للغدا حيت تعطلتو .
سليمان ( حل الكوفر كايخرج التقدية وأشياءهم): درنا شوية فالمدينة داكشي علاش أبا ميلود
ميلود ( تقرب كيعاونو): بصحتكوم أسيدي ، تساراو على خاطركم .
من بعد دخلو بثلاثة بهم للداخل سليمان دخل التقدية للكوزينة وحوايجهم طلعهوم ديريكت للفوق عاد هبط عندهوم هما لي كانو كيسلمو على حسناء فالصالة.
ليلى( معنقاها وهي فرحانة): ياعلى سلامة بنتي ، توحشتكوم وخليتو بلاصتكم فالدار .
حسناء ( بسعادة معنقاها): حتى أنا توحشتك أخالتو ( فارقو العناق) توحشتكوم كاملين والله.
نزهة( لي تقربات وعنقاتها هي الأخرى): يا حسناء يالوريدة ، كي خليتي جديدة ،( شافت فيها ) ياتحوشناك ياختي أهاد شنيولة كاتخلي بلاصتك خاوية مايعمرها حد.
ليلى( بضحكة و جبدات حسناء گلساتها حداها): إوا شنو بلاصتي بنتي بوحدها( شافت فنزهة) واخصكوم تشكروني حيت عرفتكوم بها .
نزهة( بإبتسامة): هادي عندك فيها الحق ياختي نتي سباب .
سليمان ( داخل للصالة): السلام عليكم ( توجه عند ليلى سلم عليها) الوليدة لباس عليك.
ليلى( معنقاه): حمد لله أولدي، دبا ملي شفتكوم معايا نشكر الله ونحمدو.
سليمان ( شاف فنزهة): ختي نزهة لباس عليك كولشي مزيان.
أنت تقرأ
هناك أمل 🍸مكتملة🍸
ChickLitقصة بالدارجة المغربية، تحمل من كل فن طرب : اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي. قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...
