🍂 هناك أمل 🍂
🍸 مصادفتك هي الحلم لواقعي وحقيقة لنبض قلبي 🍸
بارت119
كاملين فرحانين برجوع حسناء دايرين بها ومجمعين معاها ضاحكين ناشطين رجعو تاني داك الجو المفعم بالحيوية والنشاط لي كان .
بعد زمن وجيز من الضحك والفرحة والبهجة، تحل الباب من طرف بسمة وعلي لي جاو دخلو ونال إنتباههم القهقهات لي مالية المكان تعجبو من الأمر فا ملي وصلو لعندهوم تصدمو من حسناء لي فايقة وحالة عويناتها فيهوم.
تصدمو من الأمر وكولشي تخلط عليهوم بين الفرحة والصدمة، بسمة من كثرة الصدمة مشات كاتجري معرفوها منين جات حتى طاحت على حسناء.
بسمة( بصراخ ونقزات عليها معنقاها): حسنااااااااااااء حسوووووووونتي الحب ديالي فاااااااااقت ( هزات فيها راسها لقات خصرات ملامحها بألم عاد فاقت على راسها) ناري ناري سمحي ليا أزين ديالي الفرحة دارتها( ناصت منها وشدات فيدها وكملات بفرحة) وأخيرا فقتي أصاحبتي وراك شبعتي نعاس.
علي: بركة ياهاد البنت واش مكاتعرفيش ديري الحاجة بشوية ،( تقرب عند حسناء وقال بإبتسامة) ختي حسناء على سلامتك الحمد لله ملي رجعتي لينا ( شاف فبسمة) ونتي بشوية على البنت ماشفتيهاش باقة عيانة ( شاف فالجميع وقال) سمحو لينا هجمنا.
الحاج( بإبتسامة): مرحبا بيكوم أولدي ماتگولش هاد الهضرة حنا عائلة دبا.
ليلى( مبتاسمة): متگولش هاد الهضرة اولدي كيف گال الحاج حنا عائلة .
بسمة( بضحكة گلسات حدا نزهة): سمحو ليا ولكن الفرحة دارتها بيا .
نزهة( عنقاتها ضاحكة): كاملين فرحانين أبنتي ملي رجعات لينا بنتنا الفنة .
بسمة( بطنز): ومالها مبغاش تدوي غي كضحك بحال إلى تفلاشات.
حسناء ( بصوتها الخافت والضعيف): بـ بسمة حرام عليك.
بسمة( ضاحكة): الحمد لله هاهي دوات.
الحاج: نتي وميلود بغيتو تشدو ليا تاني فبنتي .
نزهة( بإبتسامة): بنتي حسناء قشابتها واسعة ميوحلوش معاها.
ليلى( بسعادة وهي معنقة حسناء بالجنب): الحمد لله والشكر له غي ملي رجعات لينا بنتي ، هادي هي الدنيا ومافيها ، رجعات لينا الضحكة والفرحة.
الجميع( بإبتسامة): الحمد لله.
هذا دوزو معاها دوك الساعات وسليمان الوحيد لي بقا على جنب حسناء شاد واحد اليد لعندو كيلعب بيها عندو فقط وكيتصنط ليهوم فقط .
أهم حاجة عندو هي حسناءو فقط وهاهي رجعات ليه .
من بعد رجعو هما للدار وخلاوها هي ترتاح من بعد ماشربات دواها وسليمان بقا فجنبها ديما مرافقها .
أنت تقرأ
هناك أمل 🍸مكتملة🍸
ChickLitقصة بالدارجة المغربية، تحمل من كل فن طرب : اليتم،الحب،الرومانسية،العائلة،الكراهية،الحسد،الحقد،معنى الصداقة،محبة الدين،الجانب الديني،الواقع المغربي. قصة يتيمة كبرات فداخل الميتم وملي وصل وقت خروجها منو غاتواجهوم بزاف ديال المصاعب فياترى غاتقدر تج...
