هناك أمل 🍸مكتملة🍸

بارت109

🍂 هناك أمل 🍂
     🍸 مصادفتك هي الحلم لواقعي وحقيقة لنبض قلبي 🍸

بارت109

سليمان ( باقي معانقين قال بهمس): توحشتها أميمتي طالت غيبتها بزاف .

ليلى( باكية): حتى أنا أولدي توحشتها ولكن معندنا مانديرو من غير الصبر( فصلات العناق وشافت فيه) و واش كتبغيها أولدي ياك أممم.

سليمان ( شاف فيها ) كنبغيها قليلة فحقها( فاش فالبعيد وكمل) كنحس بها داخلة ليا مع العضام ، فين مادرت كانلقا خيالها تابعني وإلى بعدت منها كنتخق أميمتي( رجع ليها نضرو وحاوطات هي وجهو بين إيديها) كتحبس فيا النفس وكاتبان ليا الدنيا كلها كحلة ، بحال دبا نيت كولشي كحل عندي وأنا مخنوق( حط يدو على صدرو) هنا مخنوق أميمتي محبوسة فيا النفس ومقادرش نتفنس ( حط راسو على ركابيها) عييت أميمتي عييت بغيت نرتاح بغيت حسناء صافي هادشي لي بغيت( وهو إسد عويناتو تحت لمسات ليلى الحنونة وهي كملات بكاءها على حال ولادها ).

داز أسبوع تاني ولا جديد يدكر من غير أن محاكمة كاميليا اليوم وهاهما كاملين فباب المحكمة ، ليلى والحاج وميلود ونزهة ومعاهوم بسمة وعلي .
واقفين كايتسناو فالمحاكمة ، وسليمان واقف بعيد عليهوم كيتناقش مع جمال والشرطي لي متعاون معاهوم .
شوية بانت ليهوم سيارة الشرطة لي جايبة المتهمات لي غادي إتحكمو من بينهم كاميليا، بداو كيهبطو وحدة بوحدة حتى وصلات هي لي كانت لابسة شوميز فالأسود مع جينز عادي لباسها على غاير العادة أما وجهها فبيه بعض القمشات دليل على عنف تعرضات ليه فالمغفر وضربة جنب عينها ، ملامحها دابلين و وجهها صفر ، شاداها الخلعة وخايفة من لي جاي.
هزات نضرها فإذا بها كتلقى واليديها كاينين فرحات شوية حيت متأكدة باها غايخرجها أما ولد برادة ضربها ليها بنكرة.
نزلات ودورات عينيها فالمكان مجاو غي عليه هو لي كان بعيد عليها فالمدخل ديال المحكمة شافت فيه بإبتسامة مزيفة ، وهو ناضرها ببرود ومشا فإتجاه المحامي وقدم ليه ملف أحمر معاه يوسبي ، هنا دخلات معاها الخلعة خايفة من لي كاين داخلهوم ، ورجع هو شاف فيه بإستهزاء وتم داخل هو والمحامي.
عينيها باقيين على سليمان محساتش إمتى نقزات عليها وحدة وجبداتها من شعرها تألمات لدرجة حسات بشعرها تحيد من الجدر ، لاحتها قدامها وبدات كتدخل فيها بالركالي والنتيف والعضان والقميش .

كاميليا ( كتغوت وكاتحامي على راسها): بعدي مني شكون نتي ماما بابا عتقوني .

بسمة( كضرب وكتقمش وتعض فينما جات المهم تبرد جنونها): هاااااااكي يالمسلووووتة يالكلبة نوري ليك ضربي ليا ختي أنا لي غادي نربيك إلى مارباوكش واليديك أنا نعاود ليك ترابي( كضرب وكتبكي واخا البوليس وعلى كيفكو ولكن هي ماتو ليها إيديها على كاميليا ببكاء): خلييييوني نقتلها هي ليكانت غاتقتل ليا ختي خليوني ، حسناء فكومة بسبابك أبنت الحرام والله منسمح ليك غانقتلك( كيجبدو حتى عياو والو واش تفكات منها وكاميليا كلات الدق ديال بالصح كملات ببكاء شديد) الله ياخد فيك الحق أبنت الحرام هاكي هاكي خودي تشبعي خووووودي .

بالزز باش جبدوها لقاو كاميليا كلها دم بسباب القماشي والعضان والنتيف حتى بقا شعرها فيد بسمة .
سليمان ملي سمع الغوات دار إشوف ملي لقا داك المنضر عجبو الحال هاد بسمة ديما كادير غي ليكايعجبو .

سليمان ( شاف فالشرطي لي معاه): بسمة ماديرو معاها والو إلى سولو لداخل گولو دابزات فالمغفر صافي.

الشرطي( ضرب ليه على كتفو): كون هاني أسي سليمان مغايكون غي خاطرك.

دخل هو والشرطي رجع إفك الجوقة وإحل المشكل، واليدين كاميليا عياو مايشكيو ولكن مداها فيهوم حد.
أما الحاج وليلى وقفو بعيد وحيدو منها عينيهوم متسوقوش للأمر ، أما ميلود و نزهة بحال إلى كايتفرجو ففيلم كوميدي عجبهوم الحال وفرجاتهوم بسمة فيها.
علي مسكين مشا ياكل ريتو بالفقسة ، ناري شوهاتو بسمة أما هي متسوقاتش مشات لعند نزهة واقفة معاها على ما تبدا المحاكمة.

                   #يتبع