Lion Heart ||Completed||

- 7 -

ရှောင်းကျန့်ကို အဆင်ပြေတဲ့ မိသားစုထဲမှာ မွေးဖွားခဲ့တယ်။ သူ့မိဘနှစ်ပါးလုံးဟာ သာမာန်လူလတ်တန်းစားတွေပါပဲ။ အရင်တုန်းကဆိုရင်တော့ ချမ်းသာတဲ့လူတွေရဲ့ ဘဝကို ခဏခဏ တွေးဖြစ်ခဲ့တယ်။ သူသာ ချမ်းသာတဲ့လူဆိုရင် ကျွန်းဆွယ်တွေမှာ ရေသွားကူးမယ်။ ဘာစီလိုနာမှာ လမ်းသွားလျှောက်မယ်။ စသဖြင့်ပေါ့။ ဒါပေမဲ့ ဝမ်ရိပေါ်က သူ့ကို အပြင်ခေါ်တယ်ဆိုတာ ရှားတယ်။ နှင်းလျှောစီးဖို့အတွက်ဆိုပြီး ခရီးထွက်ဖို့ဆိုတာ ခက်ခဲတယ်။ ဆွစ်ဇာလန်မှာ နှင်းလျှောစီးတာဖြစ်ဖြစ်၊ ကနေဒါမှာ နှင်းလျှောစီးတာဖြစ်ဖြစ်။ ရွေးချယ်တဲ့နေရာဟာ သိပ်မကောင်းဖို့ ပိုများတယ်။

လူဆိုးကောင်ဟာ ကိုယ်ပိုင်လေယာဉ်နဲ့ တိုက်ရိုက် ထွက်ခွာသွားတယ်။ ဒါပေမဲ့ သူဟာ တခြားလေယာဉ် ပြောင်းစီးရဦးမယ်။ ပြီးတော့ ရက်အနည်းငယ်လောက်ကြာရင် ပြန်လာရဦးမယ်။

အဲ့တော့ အတွင်းလူပဲဖြစ်ဖြစ်၊ အပြင်လူပဲဖြစ်ဖြစ်။ သူ့အနောက်က ရတနာသိုက်ကြီးက ဘယ်သူလဲဆိုတာကို ဘယ်သူမှ မခန့်မှန်းနိုင်ကြဘူး။

ဘာဖြစ်လို့လဲဆိုတော့ ဝမ်ရိပေါ်က ဆရာကြီးမို့လို့ပါပဲ။

ဝမ်ရိပေါ်ရဲ့အဖေက ဝမ်ယို့ချန်ဖြစ်တယ်။ ပေါင်းရှီဂရုရဲ့ တည်ထောင်သူ ဥက္ကဌဖြစ်တယ်။ ပေါင်းရှီဂရုရဲ့ အောင်မြင်သူတွေဟာ အဓိကအားဖြင့် သိုးမွှေးချည်ထည်လုပ်ငန်းတွေမှာ ရင်းနှီးမြှုပ်နှံတယ်။ ၁၉၇၀ မှာ အသစ်အဆန်းဖြစ်လာတဲ့ တီဗွီကြော်ငြာကနေ အထုပ်အထည်နဲ့ အောင်မြင်သွားခဲ့တယ်။

အဲ့အချိန်တုန်းက ကြော်ငြာနဲ့ ပတ်သက်ပြီး ဘာသတိပေးချက်မှ မရှိသေးဘူး။ နိုင်ငံတွင်းမှာ အောင်မြင်မှုက တဖြည်းဖြည်း မြင့်တက်လာခဲ့တယ်။ အဲ့ဒီ့နောက်မှာတော့ ခိုင်မာတဲ့ ဈေးကွက်ကို တည်ထောင်ခဲ့တယ်။ အဲ့ဒီ့နောက်ပိုင်းမှာ ဝမ်ယို့ချန်ဟာ အိမ်ခြံမြေ ဈေးကွက်ဘက်ကို ပြောင်းပြီး အိမ်ခြံမြေလုပ်ငန်းတွေအတွက် Baoshi Development Co., Ltd. အောက်ကို လွှဲပြောင်းခဲ့တယ်။

လက်ရှိ ပေါင်းရှီဂရုထဲမှာ အိမ်ခြံမြေဈေးကွက်ပါဝင်တယ်။ ရုပ်ရှင်နဲ့ ဖျော်ဖြေရေးလုပ်ငန်းတွေ ပါဝင်တယ်။ ပြီးတော့ PVC industry နဲ့ ဟိုတယ်လုပ်ငန်းတွေ ပါဝင်တယ်။ စီးပွားရေးလောကမှာ ချောချောမွေ့မွေ့နဲ့ပဲ အချိန်အကြာကြီး ဆရာတဆူဖြစ်လာခဲ့တယ်။ ဝမ်ယို့ချန်က သိုသိပ်တယ်ပြောရမယ်။ တော်ရုံ လူထုရှေ့ ထွက်ပြတာ ရှားတယ်။ ဒါပေမဲ့ နာမည်ကြီးတွေကြားမှာ အတင်းပြောစရာလေး နှစ်ခုတော့ ရှိတယ်။