Lion Heart ||Completed||

- 71 -

ရှောင်းကျန့် စဉ်းစားထားတယ်။ အခုလတ်တလောမှာ အောက်ထပ်ကို မဆင်းဖို့။

ဆိုဖာဟာ သူတို့နှစ်ယောက်ကြောင့် ပေကျံသွားတယ်။ ဝမ်ရိပေါ်က သူ့ကို ဆိုဖာပေါ်မှာ တခါလုပ်တယ်။ ပြီးတာနဲ့ ရေချိုးဖို့ ဒုတိယထပ်က ရေချိုးခန်းထဲကို ဆွဲခေါ်သွားပြီး ထပ်လုပ်တယ်။ ရေချိုးပြီးတဲ့အချိန်မှာ သူ ဗိုက်ဆာနေတုန်းပဲ။ အိပ်ရာပေါ် လှဲလိုက်တဲ့အချိန်မှာ သူ ခေါင်းမူးနေတုန်းဖြစ်တယ်။ အဆုံးမှာတော့ ဝမ်ရိပေါ်က အောက်ထပ်ကို ဆင်းသွားပြီး ချက်ထားတဲ့စွပ်နဲ့ ခေါက်ဆွဲပြုတ်ပေးတဲ့နောက် အကုန်စားပစ်လိုက်တော့တယ်။

ဒီတခေါက်မှာ ရှောင်းကျန့် နှစ်နှစ်ခြိုက်ခြိုက် အိပ်ပျော်သွားတယ်။ အိပ်မက်ထဲမှာ သူ ဝမ်ရိပေါ်ကို ဆူဆဲပြီး အိပ်ရာပေါ်က ကန်ချတယ်။ သူ တကယ် အဲ့လို အိပ်လိုက်တာဖြစ်တယ်။ ဝမ်ရိပေါ်မှာ ညဘက်ကြီး သူ့ကြောင့် ခဏခဏနိုးတယ်။ နောက်ဆုံးမှာတော့ သူ့လက်လေး သူအုံးပြီး အိပ်ပျော်သွားတော့တယ်။

"ပိုင်ဖန်းယောင်" ဇာတ်လမ်းတွဲကို first line satellite TV မှာ မတ်လ ၁၀ ရက်နေ့ ပြဖို့ Schedule ထွက်ထားတယ်။ မီဒီယာအင်တာဗျူးတွေနဲ့ ပွဲတက်စရာတွေ အများကြီး ရှိနေတယ်။ ဖန်းချန်က သူ့အတွက် ၃ ခု ရွေးပေးထားတယ်။ mainstream media က တခုနဲ့ တခြားမီဒီယာ ၂ ခုဖြစ်တယ်။ အကုန်လုံးကတော့ ခေတ်လူငယ်တွေကြား နာမည်ကြီးတဲ့ မီဒီယာတွေဖြစ်တယ်။ အမြန်မေးခွန်းတွေ၊ အဖြေတွေနဲ့ mini games လေးတွေ စသဖြင့်တို့ဖြစ်တယ်။ ထပ်ပေါင်းအနေနဲ့ city pictorial ရဲ့ cover shoot လုပ်ရတယ်။ ပြီးတော့ ဖက်ရှင်မဂ္ဂဇင်းရဲ့အတွင်းစာမျက်နှာတွေအတွက် theme shoot ရိုက်ရတာတွေ ရှိတယ်။ သူ နောက်ဆုံးအကြိမ် ဒီလိုရိုက်ခဲ့ရတာ ဘယ်တုန်းကလဲဆိုတာတောင် ရှောင်းကျန့် မေ့နေပြီဖြစ်တယ်။ ဒါပေမဲ့ လူဆိုတာ ဒီလိုဘဝမျိုးကို နေသားကျပြီး လိုက်လျောညီထွေ‌ နေထိုင်သွားနိုင်တဲ့အခါ ကိုယ်တိုင်လည်း တန်ဖိုးရှိသလို ခံစားရတာပါပဲ။

လုရှို့မင်နဲ့ ယွီဟွမ်ယွင်က variety show နှစ်ခုမှာ အတူတူပါတယ်။ Variety show တခုက သူတို့နှစ်ယောက်ကို ခပ်ရိုရိုလေး ရိုက်ပေးလိုက်လို့ hot search တွေ ဖြစ်သွားပြီး Show အတွက် rating တွေ များသွားတယ်။ ကျန်းကျားချင်နဲ့ ကျိုးအန်ဟဲကတော့ Show တွေမှာ အချိန်ပြည့်ရှိနေတယ်။ သံသယဝင်တာမျိုး မဖြစ်အောင် ခပ်ချောချော ယောက်ျားလေးတွေချည်းပါတဲ့ ကျိုးအန်ဟဲရဲ့ variety show က ဆောင်းရာသီအားလပ်ရက်မှာ လွှင့်ဖြစ်တယ်။ လူကြည့်တာ နည်းပေမဲ့ ဖန်တချို့ ထပ်ရပြီး နာမည်လည်း အသင့်အတင့် ကြီးသွားတယ်။ ကျန်းကျားချင်ကတော့ မော်ဒယ်တယောက်အနေနဲ့ ဆက်လုပ်နေတုန်းဖြစ်တယ်။ အစတုန်းကတော့ ရှောင်းကျန့်က တရုတ်နှစ်ကူးမှာ သူတို့နဲ့ တွေ့ဖို့ စီစဉ်ထားခဲ့ပေမဲ့ အချိန် ဘယ်လိုမှ ညှိမရတာကြောင့် မတွေ့ဖြစ်ကြဘူး။