Lion Heart ||Completed||

- 88 -

ရှောင်းကျန့်က စက်တင်ဘာ ၅ ရက်နေ့မှာ group ကို join မှာဖြစ်တယ်။

ဒရာမာအသစ်တခုကို အမြန်ယူလိုက်ရတာ တခြားကြောင့်တော့မဟုတ်ဘူး။ Producer ရဲ့လစာက အရမ်းမြင့်လွန်းတယ်။

အစတုန်းကတော့ ရှောင်းကျန့်က ဒီဒရာမာနဲ့ပတ်သက်ပြီး အရမ်းကြီး သဘောကျတာမျိုး မဟုတ်ဘူး။ "Eternal Crossing of the Ganges" က နောက်ဆုံးအဆင့်မှာပဲ ရှိသေးတယ်။ ပြီးတော့ "August 31"က ထုတ်လွှင့်ဆဲ ကာလဖြစ်တယ်။ အင်တာဗျူးတွေ၊ ကြော်ငြာတွေ၊ မဂ္ဂဇင်းတွေနဲ့ Variety show တွေက ပလူပျံနေတယ်။ ဒီလိုအချိန်မှာ ရွေးချယ်မှုက ပရိသတ်လက်ထဲမှာဖြစ်တယ်။ လအနည်းငယ်လောက် လူမြင်ကွင်းက ပျောက်သွားတယ်ဆိုတာ ဉာဏ်ကောင်းတဲ့ရွေးချယ်မှုမျိုး မဟုတ်ဘူး။

ဒါပေမဲ့ ရှောင်းကျန့်ကို လေဟုန်စီးတယ်လို့ ပြောကြတယ်။ တကယ်ဆို ရှောင်းကျန့်မှာ လေဟုန်စီးဖို့အတွက် အရမ်းနောက်ကျနေခဲ့ပြီဖြစ်တယ်။ သူက မငယ်တော့ဘူး။ ပြီးတော့ ဖျော်ဖြေရေးလောကမှာ အရမ်းတက်တက်ကြွကြွ ပါနိုင်တာမျိုး မဟုတ်တော့ဘူး။

သူ နောက်ထပ် အလောင်းအစားတွေ မလုပ်နိုင်တော့ဘူး။

ရုပ်ရှင်အသေးလေးတခုဆိုပေမဲ့ role ကတော့ နည်းနည်း စိန်ခေါ်မှုတွေ ရှိနေတယ်။

ရှောင်းကျန့် သရုပ်ဆောင်ရမယ့်နေရာက ၃၅ နှစ်အရွယ် ကျန်းမာရေးမကောင်းတဲ့အမျိုးသားတယောက် နေရာက ဖြစ်တယ်။ သူ့မှာ မှော်စွမ်းအင်တမျိုး ရှိနေတယ်။ သူနဲ့ အပြိုင်သရုပ်ဆောင်မယ့်သူက ကလေးဘဝပဲ ရှိသေးတယ်။

ဒီရုပ်ရှင်ကို သိပ်သဘောမကျရတဲ့အကြောင်းပြချက်က ဇာတ်လမ်းဟာ အရမ်းကို ရိုးရှင်းနေလို့ဖြစ်တယ်။ ဇာတ်ကွက်တွေက ရိုးရှင်းတယ်။ ကာရိုက်တာတွေက ရိုးရှင်းတယ်။ ဒီလိုနောက်ခံဇာတ်လမ်းမျိုးက တရုတ်ပြည်မှာ အနည်းပဲရှိတယ်။ ပရိသတ်တွေ အကြိုက်တွေ့တတ်တာမျိုး မဟုတ်ဘူး။

ဒီရုပ်ရှင်ကို ရိုက်မယ့် ဒါရိုက်တာက လူသစ်မဟုတ်ပေမဲ့ ဒါဟာ သူ့ရဲ့ ဒုတိယမြောက် ဇာတ်ကားဖြစ်တယ်။ သူ့ရဲ့ ပထမကားက ဟေးယောင်အနေနဲ့ ရင်းနှီးမြှုပ်နှံမှုမှာ ပါဝင်ဖို့ အထောက်အပံ့အဖြစ် ရိုက်ထားတဲ့ကားဖြစ်တယ်။ အဲ့တော့ ဒါရိုက်တာမှာ ဖန်းချန်အားကိုးနဲ့ ရှောင်းကျန့်ကို ရှာတွေ့သွားခဲ့တယ်။