Lion Heart ||Completed||

- 45 -

ဒီကင်မရာအဖွဲ့သားတွေက ရှောင်းကျန့် အရင်ရိုက်ဖူးတဲ့ ကင်မရာအဖွဲ့သားတွေနဲ့ ကွာတယ်။ သူ ရုပ်ရှင်တွေထဲမှာ ပါခဲ့ဖူးပေမဲ့ ဟေးယောင်က ထုတ်လုပ်တဲ့ ရုပ်ရှင်အတိုလေးထဲမှာ ဖြစ်တယ်။

အခုလို ရုတ်တရက်ကြီး တကယ့်ရုပ်ရှင်ကင်မရာကြီးရှေ့မှာ သရုပ်ဆောင်ရတဲ့အခါ သေချာပေါက် ဘဲကလေးကို လှောင်ချိုင့်ထဲ မောင်းသွင်းသလို ဖြစ်နေတာပေါ့။

တော်သေးတာက ဒါရိုက်တာကျန်းဟာ သရုပ်ဆောင်တွေကို စိတ်တိုင်းမကျတာနဲ့ ရိုက်ကွင်းထဲ အော်ဟစ်ဆဲတတ်တဲ့လူမဟုတ်လို့။ အဲ့လိုမှ မဟုတ်ရင် ပထမဆုံးရိုက်တဲ့နေ့မှာတင် NG ၁၇ ခေါက်ဖြစ်တဲ့ရှောင်းကျန့်အတွက် အိမ်ပြန်ရဖို့လမ်းသာရှိတော့တယ်။

အချိန်လင့်လာတဲ့အတွက် ရိုက်ကွင်းကို အဆုံးသတ်လိုက်တယ်။

ဒီဇာတ်လမ်းက အချိန်နဲ့ ပတ်သက်ပြီး လိုအပ်ချက်မြင့်တဲ့ကားဖြစ်သလို ရိုက်ချက်တော်တော်များများက ဩဂတ်စ်လ ၃၁ ရက်နေ့မှာ အထပ်ထပ် ပြန်ဖြစ်နေတဲ့အဖြစ်အပျက်မို့ အဓိကကျတဲ့ အသေးစိတ်အနေနဲ့ ဘေးက သစ်ရွက်လေးတွေကအစ ဝါသွားလို့ မရဘူး။ ဇာတ်လမ်းရိုက်ကွက်မှန်သမျှကို သေချာ ဂရုတစိုက် ဒီဇိုင်းချထားတယ်။ အဲ့ဒီ့တော့ Art team မှာ အလုပ်မစခင် ဒါတွေကို အကြာကြီး သေချာစစ်ဆေးထားရတယ်။ ဒါ့အပြင် ကျောင်းသားတွေက တကယ့်အထက်တန်းကျောင်းသားတွေဖြစ်တဲ့အခါ သူတို့ရဲ့ ကျောင်းစာတွေအတွက်ကလည်း အချိန်ညှိရသေးတယ်။ သရုပ်ဆောင်တွေဟာ တချိန်လုံး ရိုက်ကွင်းထဲမှာပဲ အချိန်ကုန်နေပြီး ၄ နာရီအတွင်း အပြီးမသတ်နိုင်ဘူး။

အစပိုင်းမှာ ရှောင်းကျန့် အရမ်း စိုးရိမ်နေခဲ့တယ်။ ဒါပေမဲ့ ဒါရိုက်တာက အနားလျှောက်လာပြီး သူ့ပခုံးပေါ် လက်တင်လို့ အပြုံးလေးနဲ့ ပြောလာလိမ့်မယ်လို့ ထင်မထားခဲ့ဘူး။

"မဆိုးဘူး။ မင်းက စိတ်ရှည်သားပဲ"

ရှောင်းကျန့်ခေါင်းပေါ်မှာ Question marks တွေ တန်းစီသွားတယ်။ ဒီစကားက သူထင်ထားတာနဲ့ လုံးဝ ဆန့်ကျင်ဘက်ပဲ။ ကြည့်ရတာ ဒါရိုက်တာက အတော်ကို စိတ်ရှည်တတ်ပုံရတယ်။