Lion Heart ||Completed||

- 82 -

ရက်အနည်းငယ်အကြာမှာ မုရှားက သူ့ဆီကို စာချုပ်သစ် ပို့လိုက်ပြီး ရင်းနှီးတဲ့ ရှေ့နေနဲ့ ပြန်စစ်ဆေးတယ်။ ထောင်ချောက်တွေဘာတွေ မရှိဘူး။ ဒါပေမဲ့ ရှောင်းကျန့်မှာ ရှုပ်ထွေးနေတုန်းပဲ။ တကယ်ကို အရမ်းကောင်းတဲ့စာချုပ်ဖြစ်နေပြီဆိုပေမဲ့ ရှောင်းကျန့်မှာ ဆုံးဖြတ်ရ ခက်ခဲနေတုန်းဖြစ်တယ်။

ဝမ်ရိပေါ်က သူ့ကို ရှင်းပြဖို့ လိုနေတယ်လို့ ရှောင်းကျန့် ခံစားနေရတယ်။

ဂျူလိုင်လလယ်မှာ ဒါရိုက်တာ ကျန်းဟိုင်ရှန်း ရိုက်ထားတဲ့ "831 မှ လွတ်မြောက်ခြင်း" ရုပ်ရှင်ကို "831" လို့ နာမည်ပြောင်းလိုက်ပြီး နွေရာသီမှာ ပြဖို့ စီစဉ်ထားတယ်။ Trailer ရဲ့ ပထမ version ကို အရင်ထုတ်ထားတယ်။ ဒီရုပ်ရှင်ဟာ ရိုက်ကူးပြီးလို့ ၆ လအကြာမှာတင် အမြန်ပြတာဖြစ်တယ်။

ရှောင်းကျန့်ရဲ့ လတ်တလော နာမည်ကြီးမှုအပေါ် စီးမျောလိုက်ချင်လို့ဆိုတဲ့ ကောလဟလတွေ ထွက်ထားတယ်။ ဒါပေမဲ့ တကယ်ကတော့ ငွေကြေးရင်းနှီးမြှုပ်နှံမှုနည်းနည်းနဲ့ ရိုက်ထားတဲ့ ရုပ်ရှင်မို့လို့ အထူးပြုလုပ်ချက်တွေ သိပ်မလုပ်လိုက်ရလို့ဖြစ်တယ်။ ပြီးတော့ ရင်းနှီးမြှုပ်နှံထားသူတွေအနေနဲ့ အောင်မြင်လိုစိတ်ရှိကြတာကိုလည်း ရှောင်းကျန့်က နားလည်ထားတယ်။ သရုပ်ဆောင်တယောက်အနေနဲ့ သူဟာ စီစဉ်သူရဲ့ ကြီးကြပ်မှုကို လိုက်နာရမှာပါပဲ။

ပထမဆုံး ရုပ်ရှင်အကြိုပွဲကို ရှန်ချိန်းမှာလုပ်တယ်။ ဒါရိုက်တာ ကျန်းဟိုင်ရှန်းရဲ့ မွေးရပ်ဇာတိဖြစ်ပြီး မီဒီယာတွေ အများကြီးနဲ့ ဖန်တွေကို ဖိတ်ထားတယ်။

ရှောင်းကျန့်အနေနဲ့လည်း ဒါဟာ ပထမဆုံး သူ့ရဲ့ ရုပ်ရှင်ကို ပြန်ကြည့်ရတာပဲ။ သူ လူကြားထဲမှာ ထိုင်နေတယ်။ သူ့မျက်နှာဟာ ပိတ်ကား screen အကြီးကြီးပေါ်မှာ ပေါ်လာတဲ့အခါ ချက်ချင်းကို ငေးမောသွားရတော့တာပဲ။

ဒါရိုက်တာ ကျန်းဟိုင်ရှန်းက ဓါတ်ပုံအယူအဆတွေမှာ အရမ်းတော်တယ်။ အထူးသဖြင့် ရှောင်းကျန့်အခန်းတွေ ပေါ်လာတဲ့အခါ ပရိသတ်တွေဆီကနေ ပင့်သက်ရှိုက်သံတွေကို သိသိသာသာ ကြားရတယ်။ ရိုက်ချက်တွေရဲ့ ကာလာအယူအဆတွေ၊ အရောင်သုံးပုံတွေကို သေချာကောင်းကောင်း ပြသနိုင်တယ်။ ဇာတ်လမ်းက အဆင်ပြေပေမဲ့ ရုပ်ရှင်ရဲ့ အပြစ်အနာအဆာလေးတွေတော့ ရှိနေဆဲဖြစ်တယ်။ နောက်ပိုင်းမှာ မီဒီယာတော်တော်များများက ထောက်ပြကြတယ်။ ကျန်းဟိုင်ရှန်းဟာ ဒါရိုက်တာအသစ်တယောက်အနေနဲ့ အမှားတွေ အများကြီး လုပ်ထားတယ်ဆိုတာကိုပေါ့။ ရုပ်ရှင်ဇာတ်လမ်းတိုလေးတွေပဲ ရိုက်ရတာ နေသားကျထားတဲ့အခါ ရုပ်ရှင်ဇာတ်လမ်းကြီးကို ရိုက်တဲ့အခါမှာ သေချာ ထိန်းချုပ်နိုင်ခြင်း မရှိဘူး။