Lion Heart ||Completed||

- 40 -

Promethean Fire ရဲ့ ကြောငြာ ထွက်တာနဲ့ တပြိုင်နက် အင်တာနက်မှာ ကွန်မန့်တော်တော်များများ ပွက်လောရိုက်သွားတယ်။

ဖန်တွေနဲ့ ဖြတ်သွားဖြတ်လာ အွန်လိုင်း အသုံးပြုသူတွေကြား ကောလဟလတွေ ဆက်တိုက် ပြန့်လာတယ်။ Promethean Fire ကို တည်ထောင်ထားတာ လွန်ခဲ့တဲ့ ၁ နှစ်လောက်ကမှ ဖြစ်တယ်။ ဝါဒဖြန့်တဲ့အကောင့်တွေဟာ French Haute Couture အပေါ်မှာ အဓိက အာရုံစိုက်ပြီး တချို့ လူသိများတဲ့ ဘလော့ဂါတွေက အဓိက promote လုပ်ကြတယ်။ တရုတ်ပြည်မှာ တိုက်ရိုက်ကြော်ငြာပေးခြင်း မရှိဘူး။ ဒီဘရန်းဟာ သူ့ရဲ့ လှပတဲ့ ဒီဇိုင်းနဲ့ အသုံးပြုရလွယ်ကူမှုကြောင့် လူသိများ လေးစားခြင်း ခံရတယ်။

ရုတ်တရက်ကြီး အကြောင်းပြချက်မရှိပဲ ကြော်ငြာ ၁၈ ခု လက်ခံရရှိတယ်ဆိုတာ (လတ်တလောမှာ အကြိမ်ရေများစွာ ရှာဖွေခြင်း ခံရတယ်ဆိုပေမဲ့ပေါ့လေ) လူတွေကို သေချာပေါက် မနာလိုဖြစ်စေတာပါပဲ။

မနာလိုနေတဲ့ ကြက်ဖအုပ်ကြီးဟာ French Haute Couture ကို လာခနဲ့ကြ၊ သရော်ကြတယ်။ ဒါပေမဲ့ သူတို့မသိတာက နိုင်ငံတွင်းရဲ့ ဘယ်နေရာမှာ စက်ရုံတည်ထားလဲဆိုတာပဲ။ ရလဒ်အနေနဲ့ တျန်းရန်ကနေ ရှာဖွေတွေ့ရှိထားတဲ့ သတင်းအချက်အလက်တွေဟာ အချိန်တိုင်းမှာ မျက်စိရှေ့ တက်လာနေတယ်။

ဈေးကွက်ထဲမှာ Promethean Fire ရဲ့ ဈေးက သိပ်မမြင့်ဘူး။ ဒါပေမဲ့ အလုပ်ရုံသေးသေးလေးလည်း မဟုတ်ဘူး။ ပြောရမယ်ဆိုရင် အင်အားကြီးတဲ့ထဲမှာပါတယ်။ နောက်ကွယ်က ကုမ္ပဏီဟာ ဆိုင်ခွဲပေါင်းများစွာရှိတဲ့ နာမည်ကြီး UMW ဖက်ရှင်ဘရန်းဖြစ်တယ်။

သတင်းအချက်အလက်တွေ ထွက်ပေါ်လာတာနဲ့ တပြိုင်နက် အင်တာနက်အသုံးပြုသူတွေ ကြောင်သွားကြတယ်။ သူတို့ချက်ချင်း မေးခွန်းထုတ်ကြတယ်။ ရှောင်းကျန့်ကို ဘာလို့ ကြော်ငြာခိုင်းတာလဲ?

ရှောင်းကျန့်နဲ့ ဟေးယောင်ကြားက ပတ်သက်မှုဟာ လူထုစိတ်ဝင်စားမှုထဲ တဖန် ပြန်ရောက်သွားပြန်တယ်။ တချို့ ရွှေဉာဏ်တော်စူးရောက်ကြတဲ့ အင်တာနက်အသုံးပြုသူတွေက ခန့်မှန်းကြတယ်။ ရှောင်းကျန့်ဟာ ပေါင်းရှီဂရုဥက္ကဌရဲ့ နောက်ထပ် တရားမဝင်သားတဲ့။ အဲ့ဒီ့နောက် ရှောင်းကျန့်နဲ့ ဝမ်ရိပေါ်တို့ နှစ်ယောက်ကို အမှတ်တမဲ့ ခွဲခြားမရနိုင်တဲ့ ဓါတ်ပုံတွေ ထွက်လာတယ်။