Lion Heart ||Completed||

- 4 -

ရှောင်းကျန့်တယောက် အခန်းပိတ်ပြီး ဇာတ်ညွှန်းဖတ်နေတယ်။

သူ အိပ်ရာနိုးတဲ့အချိန်မှာ ရာသီဥတုက သိပ်မကောင်းဘူး။ အခု မိုးရွာနေပြီ။ သူ့ခန္ဓာကိုယ်ပေါ်မှာ စောင်ခြုံထားတယ်။ စောင်အပြင်ကို လက်တဖက်နဲ့ ခြေထောက်တဖက် ထွက်နေတယ်။ ဝမ်ရိပေါ်သာ အိမ်မှာ ရှိနေရင် သေချာပေါက် မျက်မှောင်ကြုတ်ပြီး ပွစိပွစိ ဆူမှာပဲ။

တော်သေးတာက ရှောင်ဝမ်လူဆိုးကောင်က အိမ်ကနေ စောစောထွက်သွားလို့။ မနက်အိပ်ရာနိုးတဲ့အချိန် ဘာမှတောင် ထပ်လုပ်မသွားဘူး။

ပြောရမယ်ဆိုရင် ရှောင်ဝမ်လူဆိုးကောင်က သူ့ရဲ့ သကြားဖေဖေလိုပဲ။ ဒါပေမဲ့ အပြုအမူမှာတော့ အဲ့ကျေးဇူးရှင်လေးက သူ့ကိုယ်သူ တကယ့်အဖေတယောက်လို သဘောထားတယ်။ ပြောစကားကို နားမထောင်ရင် နားထောင်အောင် လုပ်တယ်။ ဘာမှတော့ မှားမနေပါဘူး။ ငွေနဲ့ အကျိုးအမြတ် ရနေသေးသရွေ့ အဆင်ပြေပါတယ်။ သူကိုယ်တိုင်ကလည်း ပျင်းရိတဲ့လူဆိုတော့ ဒါနဲ့ပတ်သက်ပြီး မှားတယ်လို့ သူ မထင်ဘူး။

ပြောရရင် "ပိုင်ဖန်းယောင်"ရဲ့ ဇာတ်ညွှန်းက အများကြီး ပြောင်းလဲထားတာ မပါဘူး။ နည်းနည်းပြောင်းဦးမှာတွေ ရှိလောက်ပေမဲ့ သူ့လက်ထဲက ဇာတ်ညွှန်းအကြမ်းကတော့ ဘာမှ ဟုတ်မနေဘူး။ ဒါပေမဲ့ ဖန်းချန်က သူ့အတွက် အောက်ခြေကအစ တွေးပေးထားတယ်။ ဒီလို ဒရာမာကြီးတခုအနေနဲ့ဆို အပြောင်းအလဲ လုပ်တာက သူ့ကို ထိခိုက်လာမှာပဲ ရှိတယ်။ ရှောင်းကျန့်က ဇာတ်ညွှန်းရေးတဲ့အသင်းနဲ့ မရင်းနှီးဘူး။ ဒါပေမဲ့ ဒီဇာတ်လမ်းဟာ "ဟေးယောင်" Ent ကပဲ ထုတ်မယ်ဆိုတာ သူ သိနေတယ်။

ဟေးယောင်ရဲ့ CEO နေရာကို ဝမ်ရိပေါ် တာဝန်ယူပြီးကတည်းက သူ့ဂုဏ်သိက္ခာနဲ့အတူ ရှယ်ယာဈေးတွေ အကုန်မြင့်တက်ခဲ့တယ်။ လွန်ခဲ့တဲ့ နှစ်တွေအတွင်းမှာ ဟေးယောင်က ထုတ်လုပ်တဲ့ ဒရာမာမှန်သမျှ ထိပ်ဆုံးမှာချည်းပဲ။ ကြော်ငြာပိုင်းကနေလည်း အောင်မြင်ခဲ့သလို အနုပညာပိုင်းဆိုင်ရာမှာလည်း အောင်မြင်မှုက လျော့ကျမသွားဘူး။ ဒါရိုက်တာအသစ်ရဲ့ အစီအစဉ်တွေဟာ ကောင်းကောင်းချီးမွမ်းခြင်း ခံခဲ့ရတယ်။