ဝမ်ရိပေါ်တယောက် လျို့မင်းဆန်နဲ့ အွန်လိုင်းအစည်းအဝေးထိုင်နေတယ်။ သူတို့ရင်းနှီးမြှုပ်နှံထားတဲ့ဘရန်းတခုက ဈေးကွက်မှာ နာမည်ကောင်း ရထားတယ်။ ဝမ်ရိပေါ်က ဒီဘရန်းကို ဈေးကွက်ချဲ့ချင်တယ်။
ဒါပေမဲ့ အဲ့ကျရင် ငွေတွေ အများကြီးက တနေရာတည်း ပုံသွားမှာ။ သူ လျို့မင်းဆန်နဲ့ စကားပြောနေတုန်းမှာ ရုတ်တရက် ဖုန်းက တုန်သွားတယ်။
ဝမ်ရိပေါ် ဖုန်းကို ငုံ့ကြည့်လိုက်တဲ့အခါ ဝေ့ပေါ်နိုတီဖြစ်နေတယ်။ သူ see first လုပ်ထားတဲ့ ရှောင်းကျန့်အကောင့်တုက ပို့စ်တင်လိုက်တာဖြစ်တယ်။
[အားလပ်ရက်ရပြီ။ ငရုတ်သီးအနှစ်နဲ့ချက်တဲ့ ချောင်းရှို့စားချင်တယ်။]
သူ မျက်မှောင်ကြုတ်ထားတာမြင်တဲ့အခါ လျို့မင်းဆန်က သူ့ကို မေးတယ်။
"ဘာဖြစ်လို့လဲ?"
"ဟင်...ဘာမှမဖြစ်ဘူး"
ဝမ်ရိပေါ်က ပြန်ပြောပေမဲ့ ခေါင်းကတော့ ဆက်ငုံ့ထားဆဲဖြစ်တယ်။ သူ အစားအသောက်မှာတဲ့ software ဖွင့်ပြီး လိုက်ကြည့်တယ်။
"..... မင်း ဆက်ပြော"
သူ ဆိုင်တချို့ကို ဝင်ကြည့်ပြီး ဟင်းပုံတင်ထားတာတွေကို zoom ဆွဲကြည့်တယ်။
ဒါက ဖက်ထုပ်များလား? သူ ရှောင်းကျန့်ကို အရင်ဖုန်းခေါ်ရမလား စဉ်းစားနေတာမို့ အနောက်က တံခါးဖွင့်တဲ့ ခလုတ်နှိပ်သံ တတီတီကို မကြားလိုက်ဘူး။ လျို့မင်းဆန်က screen တဖက်မှာ စာဖတ်ပြနေတယ်။ သူ ခေါင်းမော့ကြည့်တဲ့အချိန် ဝမ်ရိပေါ်အနောက်မှာ လူတယောက် မတ်တပ်ရပ်နေတာကို မြင်လိုက်ရတဲ့အခါ လန့်ပြီး အော်လိုက်မိတော့တာပဲ။
ဝမ်ရိပေါ်မှာ လျို့မင်းဆန်အော်သံကြောင့် တုန်တက်သွားပြီး ဖုန်းခေါ်ရင်း မော့ကြည့်လိုက်တယ်။
သူ အနောက်ကို လှည့်လိုက်တဲ့အချိန်မှာ ရှောင်းကျန့်လက်ထဲက ဖုန်းက အသံမြည်သွားပြီး တခန်းလုံးမှာ ဖုန်း ringtone သံပဲ ကြားနေရတယ်။
"~ငွေတွေ အများကြီးဝင်လို့ ဂုဏ်ယူပါတယ်။ အံ့ဩစရာကောင်းတဲ့အတွက် ဂုဏ်ယူပါတယ်.....~"
YOU ARE READING
Lion Heart ||Completed||
Фанфикшнမင်းသားလေးအတွက် မြေခွေးလေးက ကမ္ဘာကြီးဖြစ်ပြီး မြေခွေးလေးအတွက် မင်းသားလေးက စကြဝဠာကြီးတခုလုံးဖြစ်တယ်။ * မင္းသားေလးအတြက္ ေျမေခြးေလးက ကမၻာႀကီးျဖစ္ၿပီး ေျမေခြးေလးအတြက္ မင္းသားေလးက စၾကဝဠာႀကီးတခုလုံးျဖစ္တယ္။ #CEO and his artist Myanmar Translation.
