လုကျန့်ချောင်းဟွက ဘာလဲဆိုတာ ရှောင်းကျန့်က သိတာပေါ့။ ဒါပေမဲ့ သူတအားပျင်းလို့ ချောင်းဟွထဲ တခါမှ ဝင်မကြည့်ခဲ့ဖူးဘူး။
"...အဲ့ဒါဖြင့် ငါ့မှာ ရှောင်းဟဲလို့ခေါ်တဲ့ ချောင်းဟွနောက်တခုရှိတာရော မင်းသိလား?"
ကျန်းကျားချင်ရဲ့မျက်နှာပေးက ပိုပြီးတော့ ရှုပ်ထွေးသွားသလိုပဲ။ သူမမျက်နှာကို ဖွက်ရင်း စိတ်ရှုပ်တဲ့လေသံ "အဲ--"လို့ အသံထွက်တယ်။
"မင်းနဲ့ငါနဲ့ကြား Cp ချောင်းဟွမရှိဘူးနော်။ ဘာလို့လဲ?"
ဘာလို့လဲဆိုတော့ ခေတ်မီတဲ့ အွန်လိုင်းအသုံးပြုသူတွေရဲ့ ဦးဏှောက်က ကောင်းကင်ကြီးထက် ပိုကျယ်ပြန်လို့ပါပဲ။ ဘာမှမဆိုင်တဲ့ လူနှစ်ဦးကြားလည်း ထင်ချင်ရင် ထင်နေကြတာပဲ။ သူ ဒီအဖွဲ့မှာ စ Join ပြီးကတည်းက ပထမဆုံး သတိထားမိတဲ့သူဟာ ကျိုးအန်ဟဲဖြစ်တယ်။ သူတို့ ဓါတ်ပုံအတူတူ ရိုက်ပြီး တယောက်နဲ့တယောက်လည်း စကားပြောဖြစ်တယ်။
"မပူပါနဲ့။ ပိုင်ဖန်းယောင် လွှင့်တာနဲ့ မင်းတို့နှစ်ယောက်အတွက် CP fan တွေ သေချာပေါက် အများကြီး ရှိလာလိမ့်မယ်။ မင်းတို့နှစ်ယောက်ရဲ့ ချောင်းဟွကို အရင်ဆုံး Follow လိုက်မယ့်သူက ငါပဲ"
"uuuuuuuu"
ကျန်းကျားချင်က အရမ်းကို သဘောကျသွားတဲ့ပုံနဲ့ သူ့လက်ကို ဆွဲတယ်။
"ဒီနေ့ကစပြီး သူနဲ့ ကျမကြား ဆက်သွယ်ပေးနိုင်တဲ့ တခုတည်းသော တံတားလေးက ကောပဲ! ကော အောင်သွယ်ပေးတာနဲ့ သူနဲ့ ကျမကြား ဇာတ်လမ်းလေးတွေ ရှိလာမှာ သေချာတယ်!"
ရှောင်းကျန့်မှာ မရယ်နိုင်တော့ဘူး။
"ညည်းက ဘယ်လိုမိန်းကလေးမျိုးတုန်း? နည်းနည်းလောက် ဒေါသထွက်ပါဦးလား။ ဘယ်လို မိန်းကလေး သရုပ်ဆောင်က ကိုယ့် cp ကိုကိုယ် ပြန်ထောင်နေလို့လဲ"
"CP က ကိစ္စမရှိပါဘူး။ တကယ်ချစ်မိသွားရင် အပြောလည်း ခံလိုက်မယ်။ ဒါပေမဲ့ အဲ့ကလေးက အနာဂတ်ကောင်းရှိပြီး ကျမကတော့ အကျဘက်ရောက်နေပြီ"
ကျန်းကျားချင်က ပြောရင်း ဝမ်းနည်းသွားပြန်တယ်။ သူမ ဖန်ခွက်ထဲကို ဘီယာတွေ အကုန် လောင်းထည့်လိုက်တယ်။
YOU ARE READING
Lion Heart ||Completed||
Fanfictionမင်းသားလေးအတွက် မြေခွေးလေးက ကမ္ဘာကြီးဖြစ်ပြီး မြေခွေးလေးအတွက် မင်းသားလေးက စကြဝဠာကြီးတခုလုံးဖြစ်တယ်။ * မင္းသားေလးအတြက္ ေျမေခြးေလးက ကမၻာႀကီးျဖစ္ၿပီး ေျမေခြးေလးအတြက္ မင္းသားေလးက စၾကဝဠာႀကီးတခုလုံးျဖစ္တယ္။ #CEO and his artist Myanmar Translation.
