Lion Heart ||Completed||

- 44 -

ဝမ်ရိပေါ် သူနဲ့ ရုပ်ရှင်အတူကြည့်ခဲ့တဲ့အကြောင်းကို တွေးမိတိုင်း ရှောင်းကျန့်မှာ ရယ်ချင်တုန်းပဲ။

ဇာတ်လမ်းထဲက လူသတ်ခန်းက အရမ်းနာမည်ကြီးတယ်။ ရှောင်းကျန့်မှာ အထပ်ထပ်အခါခါ နောက်ပြန်ပြီး ကြည့်တယ်။ ဝမ်ရိပေါ်က သူ့အင်္ကျီလက်ကို ဆွဲထားပြီး အသံမြှင့်အော်တယ်။

"မင်းက စိတ္တဇသမားပဲ!"

"ဒီရိုက်ချက် ဘယ်လောက်လှတယ်မှတ်လဲ!"

ရှောင်းကျန့်က သူ့ကို မျက်လုံးမှေးကြည့်လိုက်တယ်။

"ဇာတ်ဆောင်ရဲ့ သရုပ်ဆောင်ချက်က တကယ်လှတယ်။ နောက်တခေါက် ပြန်ကြည့်မယ်"

လူဆိုးကောင်က သူ့ hot chocolate ခွက်ကိုယူပြီး မတ်တပ်ရပ်လို့ တခြားအခန်းကို ဝင်သွားတော့တယ်။

*

တနင်္လာနေ့မှာ ရှောင်းကျန့်က အဖွဲ့နဲ့ Join ရတယ်။ ရိုက်ကွင်းက ပိုင်ရှီရဲ့ လက်အောက်ခံ ကျောင်းတခုမှာဖြစ်တယ်။ ကင်မရာအဖွဲ့သားတွေက ရောက်နေတာ တလလောက်ရှိပြီဖြစ်တယ်။ ရှောင်းကျန့်က တဝက်တပျက်က ဝင်တာမို့ အရင်အခန်းတွေ ပြန်ရိုက်ဖို့လိုတယ်။ အရင်သရုပ်ဆောင်နဲ့ ရိုက်ထားသမျှတွေ အကုန်ပြန်ရိုက်ရတယ်။ သရုပ်ဆောင်တဲ့နေရာ ကွာခြားမှုလေးတွေ ရှိမှာစိုးတဲ့အခါ ဘယ်လိုလို့ စိတ်မလှုပ်ရှားပဲ နေပါ့မတဲ့လဲ။

တော်သေးတာက တုလင်းကျဲ ရှိနေလို့။ တုလင်းကျဲက သူ့ကို ခေါ်သွားပြီး ကင်မရာအဖွဲ့သားတွေနဲ့ မိတ်ဆက်ပေးတယ်။ နောက်ဆုံးမှာတော့ ဒါရိုက်တာနဲ့ တွေ့ပြီး ညစာအတူစားဖြစ်ကြတယ်။

ဒါရိုက်တာ ကျန်းဟိုင်ရှန်းပုံစံက အသက် ၄၀ တောင် မပြည့်သေးဘူး။ အနက်ရောင်ကိုင်းနဲ့ မျက်မှန်တပ်ထားတယ်။ သူ့ပုံစံက introvert တယောက်လိုမျိုး။ သူက ရှောင်းကျန့်ကို စိတ်အေးအေးထားခိုင်းပြီး အသေးစိတ်ရှင်းပြတယ်။

တုလင်းကျဲလို မင်းသမီးကြီးကလွဲရင် နောက်ထပ် သရုပ်ဆောင်တွေ အကုန်လုံးလိုလိုဟာ အသစ်တွေချည်းဖြစ်တယ်။ ရဲပေါက်စနေရာ သရုပ်ဆောင်တဲ့ကောင်လေးဆိုရင် အခုထိ ရုပ်ရှင်အကယ်ဒမီမှာ သင်ကြားနေဆဲ တတိယနှစ်ကျောင်းသားပဲ ရှိသေးတယ်။ တခြား အရံသရုပ်ဆောင်တွေ တော်တော်များများဟာ ၁၈ နှစ်မပြည့်သေးတဲ့ လူငယ်တွေဖြစ်ပြီး ဒါရိုက်တာတွေကိုယ်တိုင် အထက်တန်းကျောင်းတွေကနေ ကိုယ်တိုင်ကိုယ်ကျ ရွေးချယ်ထားခဲ့သူတွေဖြစ်တယ်။