မိတ်ကပ်ဆရာနဲ့ စတိုင်လစ်စ်က ခပ်သွက်သွက် ရောက်လာတယ်။ ပြီးတော့ သူ့ကို မှန်ရှေ့မှာ ထိုင်ခိုင်းတယ်။ ရှောင်ချောင်းက ကြားထဲ ဟိုတိုး ဒီတိုး ဝင်လာပြီး မိတ်ကပ်ပြင်ဆင်မှုကို ဓါတ်ပုံရိုက်တယ်။ ဝေ့ပေါ်မှာ ပို့စ်တင်ဖို့အတွက် ရှေးခေတ်အဝတ်အစားဝတ်ထားရင်း ဆံပင်တု တပ်ရတယ်ဆိုတာ အနာကျင်ဆုံးဖြစ်တယ်။ နားသယ်စတွေကို ထပ်ခါ ထပ်ခါ ဆွဲချတာမျိုး လုပ်ရတာယ်။ ပြီးတော့ ပြင်ဆင်ပေးတဲ့လူတွေက သူ့ကို ပတ်လည်သေချာလှည့်ကြည့်တယ်။ မှန်ထဲက ပုံရိပ်မှာ တခြားလူအဖြစ် ပြောင်းသွားတဲ့ သူ့ပုံကို ရှောင်းကျန့် ကြည့်နေမိတယ်။
လဲ့ယောင်ရဲ့ဘဝ စတင်ပြီလို့ သူထင်တယ်။
ရုတ်တရက် တံခါးကို တွန်းတိုက်ဖွင့်သံ ကြားလိုက်ရတယ်။ တစုံတယောက်ဟာ ခပ်သုတ်သုတ် ဝင်လာခဲ့ပုံပါပဲ။ ရှောင်းကျန့်ခေါင်းကို ဟိုဒီလှည့်မှာစိုးလို့ ထိန်းကိုင်ထားတဲ စတိုင်လစ်စ်ကလွဲရင် ကျန်တဲ့လူအကုန်လုံး လှည့်ကြည့်ကြတယ်။ ဝင်လာတဲ့လူက ရှောင်းကျန့်အနောက်ကနေ ခပ်သွက်သွက် ဖြတ်သွားတယ်။ မှန်ထဲက မြင်လိုက်ရတာဟာ မြေခွေးတကောင်လို ကောက်ကျစ်တဲ့မျက်လုံးတစုံဖြစ်တယ်။
လုရှို့မင်ပါပဲ။
ရှောင်းကျန့်စိတ်ထဲ သူ့ရဲ့ မင်သက်သွားတဲ့ မျက်နှာအမူအရာဟာ တော်တော်ကြီးကို သိသာသွားလောက်တယ်ထင်တယ်။ အဲ့လိုမှမဟုတ်ရင် လုရှို့မင်က သူ့ကို အောင်နိုင်သူတယောက်လို ပြုံးပြမှာ မဟုတ်ဘူး။ အဲ့ဒီ့နောက် အကုန်လုံးကို တဖက်ခန်း ခေါ်သွားတယ်။
သူ အဝတ်အစား ပြင်ဆင်စမ်းသပ်ပြီးတဲ့အခါ ရှောင်ချောင်းက သူ့ကို စတူဒီယိုထဲ ခေါ်သွားတယ်။ စတူဒီယိုရှေ့မှာ လူအုပ်စု နှစ်စုစောင့်နေတာကို သူတွေ့လိုက်ရတယ်။ မျက်ပေတုံးနဲ့ကိုမှ ကိုရီးယားမျက်နှာပေါက်ဆင်တဲ့ကောင်လေးက သူ့ကို အရင်တွေ့ပြီး လက်ကမ်းလို့ နှုတ်ဆက်လာတယ်။
"ဟလို ကျနော်က ကျိုးအန်ဟဲပါ"
"ဟလို ဟလို"
ရှောင်းကျန့်က ခပ်သွက်သွက် ခေါင်းညွတ်ပြတယ်။
"ကိုယ်က ရှောင်းကျန့်ပါ"
YOU ARE READING
Lion Heart ||Completed||
Fanfictionမင်းသားလေးအတွက် မြေခွေးလေးက ကမ္ဘာကြီးဖြစ်ပြီး မြေခွေးလေးအတွက် မင်းသားလေးက စကြဝဠာကြီးတခုလုံးဖြစ်တယ်။ * မင္းသားေလးအတြက္ ေျမေခြးေလးက ကမၻာႀကီးျဖစ္ၿပီး ေျမေခြးေလးအတြက္ မင္းသားေလးက စၾကဝဠာႀကီးတခုလုံးျဖစ္တယ္။ #CEO and his artist Myanmar Translation.
