أعد لي روحي

106

♡أعد لي روحي
♡غزالي
☆الفصل السادس: قدر ام تدبير!
☆الجزء 106

صوت الاسعاف و البومبية قالب الدنيا .. الرعب دب فأوصال الساكنة مور داك الانفجار لي سمعوه ، شافو العافية فاش ناضت لي ماعرفووش كيفاش شعلات .. بصح فاش طرطقات البوطة كولشي تزعزع و خافو لا تشد النار فالديور المجاورة .. ولا ترجع تنفاجر شي بوطة اخرى تسبب فشي كاارثة الله يحفظ ، المكاان طوق بالبوليس و البومبية دايرين جهدهم و تا الشتا معاوناهم شوية حيت كطيح خفييفة ، لي مهنيهم تا واحد ماعايش فديك الدار و تهجرات هاد الشهورة لخريين .. المرى ماتت و الراجل فالحبس اما البنت يعلم الله فين لايحاها الدنيا ، هادشي لي كيتعاودو الجيران بيناتهم .. تا من سعيدة و ماماها جاو يطلو ، رغم ان الدنيا لييل و مشى الحال و لكن فااجعة بحال هاديك خلات لحمهم يشوك .. وكان كان شي واحد فديك الدار يتفحم بحال الفاخرة ، الصحافة وصلات كتصور و تعاود باش تنشر الخبر .. كانو فداك الوقت الجراائد فالأوج ديالهم و عليهم اقباال جد جد كبير ، خصوصا جريدتي الصباح و المساء اليوميتين  ...... خرجات للحانوت كتشري البيض ، وجهها شاااحب و تحت عينيها الهالات السوداء .. التعب باين فوجهها بزاف ديال بزااف ، سمعات مول الحانوت كيهضر ماعارتوش اهتمام و دازت للعشاب تاخذ شي عشوب للا عيشة باش ديرهم لشعرها .. كان حداه كيووسك كيبيع السجاائر و تا الجرائد و المجلات ، تنهدات دازت لعندوو كتشوف فالعناوين الكبيرة فكل جريدة و تشوف كل مجلة و شنو الجديد فيها .. هزات جريدة من طرف باش تقراها ، شحااال هادااا ماقرات .. كانت مدمنة قراءة دبا كولشي تبدل ، و لكن علاش لا لي ماتحييش الحوايج الزويينين لي كانو .. خلصات الكيوسك و دازت هازة السخرة بيد و بيد هازة الجورنال طاوياتو و كتقرى واحد المقاال ، دقات دخلات و تلقات ليها طامو بالغواات..

طامو: واش مشييتيي تصنعييهم

زهرة:(شافت فيها بنص عيين) حمدي الله لي مشيت تسخرت ليك

طامو: رااك غملتييي نتي فهاد الدار .. شوفي حالتك كيف ولات تقوول مات ليك شي حد

زهرة:(تنهدت بتعب) طامو الله يخلليك ماتزيديينيش غي لي فيا كاافيني .. بغيتي توجدي الفطور وجدي مابغيتيش نوض نوجدو غي خطينا من الصداع

طامو:(حركت راسها بلا حول) سيري جلسي ابنتي سييري .. نتي راك تخووطرتي فداك المخ عندك

دخلات للصالون لقات اللا عيشة يالاه صلات الضحى .. طوات ديك السجادة و دارت يديها على جنابها

عيشة: واش باغا طرطقي ليا المررارة .. مالك ابنتي بغيتي تفقصيينااا

زهرة: السااعاتو لله اخالتي و صافي

عيشة: ايلاا مشااا دملييج يجييييو عشرة ماولداااتووش المرى .. نتفقص عليه نقتل صحتي و انا قادرة نشري ماااكثر بيه!!!!

صفية:(دخلات هازة الصينية) مااالها هاد الزبلة ماالها .. ماالكي الزمرر .. ماالكي البعررر .. رخي النفس رخييهااا و ايلا ماجبتش ليك دوك الفلووس جي تااا لهاد الوجه و دفلي عليه

عيشة: ااااديييك الصفرة (غزرت فيها) كيغاديري تجيبيهم ءءااا!!

صفية:(دارت صبعها فناظرها) بلاااني فرااسي اخالتي .. زيدو تفطرو زييدوو

تنهدت زهرة و طوات الجورناال باش تحطو تا تجي عينها على عنوان "حر يق مرعب يلتهم أحد المنازل بمديينة افران" حست بقلبها مشى و جا رجعت حلت الجورنال بالزرربة كتقرى و تمععن فالصورة لي واخا نواغ اي بلون بااينة الداار .. الواحد ايلا كان عايش فشي بلاصة مدة طويلة راه يعقل على ادق التفاصيل واخا الصورة تكون فلووو مافيها مايتشاف ، شدت على صدرها كتقرى مخلوعة اينفوا شافو ردة فعلها ضارو بيها كيسولو و يشوفو فالجورنال تا هوماا

عيشة: ويلي زهرة ماالكي

زهرة:(عينيها تغرغو بالدمووع) دارنا تحر قااات .. الدار لي كبرت فيها فإفران رجعات رمااد ا خالتي..
♡♡♡♡
تصبحو على خيير