♡أعد لي روحي
♡غزالي
☆الفصل السادس: قدر ام تدبير!
☆الجزء 95
كان باقي الصباح و الوقت قدامهم طوييل باش يطيبو و بوجدو الرفييسة على حقها و طريقها .. تكلفات اللا عيشة بالدجاج و قوامو ، و البنات تكلفو بالتريد .. اما زهيرو عطاوها غي الساهل خلاوها تستف الحلوة فالطباسل مع السفوف و تصلق بيض السمان تقادو نصوصة ، الضياف بداو يجييو ماكان غي شكون و شكوون .. هادي استاذة هادي محامية هادي خدامة فالوزارة .. شوفي هاديك مرات الوالي شنو لابسة .. ويتي مرات الكوميسير جاات فنننة ، تءء ضربي ليا على لالة سارة مرات العميل .. فخبارك تا مرات الكولونيل**** غاتجي!! وااايليي هاد لالة نزهة ماااسااهلاش كتعرف غي شكون و شكوون .. شوفي شوفي الدكتورة سامية جات فنننة ، النخبة ديال المجتمع و النساء الراقيات حضرو فهاد الحفيلة باش يبدلو الجو و يحايدو الطاقة السلبية .. و الخدامات غي عاطيينها للتبركيك و يشوفو شكون جات و كيف جاات و واش حسن من مولات الدار فاللبس و الاناقة ولا هوما حسن ، ولدها كيقرى فمدرسة خاصة مع النخبة .. تا من بعض الامهات عرضاتهم يفوجو معاها ، تحطات الضيافة ربعة الطبلات كل طبلة مشككلة بالمكسرات و المملحاات و كيسان د اتاي .. دوك الخدامات ماقدروش يلحقو غي بوحدهم و خرجات تا زهرة تعاونهم و تقاد فالطوابل ، كدور بحال الفراشة بدوك الحنيكات المزينكين و عوينات الغزال خلات الكل متبعها بخفتها و تاويلها فالتستاف و الهضرة بالعبار تحت الشفايف و الايماءة بالحجبان و العينين .. ابتاسمت ابتسامة عذبة للحضور كترحيب و نساحبت بالزربة كتنهد من هاد مظاهر الثراء الفاحش لي شافتو حاليا ، قلبها بقى يتكتك و كتمنى من اعمق اعماااق قلبها ربي يحن عليها هي و البنات و اللا عيشة و يوصلو تا هوما لمرحلة من مراحل الثراء .. الضحك دالعيالات واصل فين يافين ، و الطرب الاندلسي مطلووق ما كملت الفراجة تا جاو الشيخات ينشطو الدعوة .. ماكان غي الغنى و الشطييح و الغرامة كتشاير فالسما .. البنات عجبهم الحاال و كل مرة يخرج يطلو و يرجعو يشطحو فالكوزينة و اللا عيشة مشاركاهم الشطيح ، و مولات الدار كل مرة طل عليهم كتلقاا كولشي هو هاداك عاطيينها للدرديك و تا هي كدردك معاهم
...: فييكم ربي لاما تخرجو تفوجو انا مزاااوكة .. فيكم ربي البنات ماتخليوهاش فخاطركم جييو شطحوو
عيشة: لهلا يخططيك اللا نزهة .. نكملو شغالنا بعدا على اكمل وجه و الشطيح عندو الوقت
...: اوا هاااناا علمتكم هاااه
خرجات خلاتهم غي يضحكو و طامو جرات وحدة من الخدامات كتشطح معاها و تسول
طامو: ناااري هاد لالاكم شحال ظرييييفة .. واش هي هاكا ديييمااا!!
...: وييلييي لالة نزهة ماكاينش بحالها الله يعمر ليها الداار .. ضحوكية و نشايطية و ماشي من هادوك المرفحات المسمومات ، و شفتي هادو كااملين لي هنا عندهم خنز الدنيا لي يتحرق مايتم و كووولهم بحال لالة نزهة
زهرة: هاااح الله يرزقنا تا حنا بحالهم ياربي
صفية: اااااميييييننن
عيشة: اوا باراكة من اللغى و الدرديك و اجييو لهاد الترييد .. راه قرب الظهر يأذن و خاص الغذا يتحط...
تهزت الضيافة تعاونو الخدامات على المواعن غسلوهم نشفوهم و ستفوهم خلاو البنات غي يشوفو مبهورات من هاد الخفة و النشااط .. اذن الظهر خداو استراحة طفيفة و بداو يوجدو طباسل دالرفيسة مزويقين باللووز و بيض السمان ، قادو الطوابل و سرباو الغذا خلاوهم دايريين سييلونص يااكلو و يشكرو فطياب اللا عيشة و البنننة لي فيه .. الشيخات تا هوما داوهم لبيت باش يتغذاو فراحتهم فطبلة و البنات جلسو فطبلة خرى بوحدهم مع اللا عيشة ، طاحو فداك الدجاج عميين الا زهرة لي مبعدة عليهم كتشرب فالعصير و تاكل فالبطاطا مصلوقة مربوزة مع الفرمااج حمر محكووك جابتو معاها .. و هوما ياكلو فالسكات ، بداو الشيخات يهضروو خلاو البنات يطنشو وذنييهم رجعو قدااش باش يلقطو الهضرة و يسمعوو الحدييث .. شعب يمووت فالتبركيك الله يستررر...
...: دبا فوقاش عندنا السهرة بالضبط
...: اوا كيقولو فالتالي ديال شهر ربعة .. علاما يطلعولنا الباسبورات
...: زعمااا السي موحااا لهلا يخطيييه بقى يضبرلنا فسهرات فالخاريج ، تعرفييي ولااا غانتشهرروووو
...: نتي اول مرة تمشي لفرنسا .. وييليي انا مشيييت داك المرة زييينة ياختي
...: سعدي و فرحي تانا نمشي للافرووونس و ندووور في بااري و نغني فشانزاليزييه
...: شوووف للشيخة تا هي عاارفة دروب باري كثر من دروب فاس
ضحكو خلاو البنات مبقللين عينيهم فيهم هوما و اللا عيشة دقة وحدة حولو بتلاتة بيهم انظارهم من عند الشيخات لزهرة و يديهم باقا فالطبسيل ، اما هي كحزت للحيط لصقت معااه راسها كاس دالعصير بين شفايفها و بدات كتحرك راسها بلاااا
أنت تقرأ
أعد لي روحي
Romanceأخيرا عزيزاتي القارئات كتاب المكتاب و تقدر لهاد القصة تشوف الضوء و تكتمل... ♡ أعـــــد لـــــــي روحــــــي بــقلــمي: غـــزلان مـــرزوقــــي ♡𝖒𝖎𝖘𝖘 𝖌𝖍𝖆𝖟𝖆𝖑𝖎 °°كـــــلــــماتـــــــــــي°° كالنهار المشرق *هي* .. و *...
