أعد لي روحي

88

♡أعد لي روحي
♡غزالي
☆الفصل السادس: قدر ام تدبير!
☆الجزء 88

رجعات للدار هازة فيدها ميكة ديال الديسير و مينما دازت كتقرى السلام و يردوه عليها .. دخلات للدار لقاتهم مجموعات فوسط الدار على الغرس و الخصة كيسقيوهم و زهرة كتلعب بيدها فالما ..

صفية: خالتي على السلامة

عيشة: الله يسلمك .. شدي دخلي هادي لداخل

زهرة:(تنهدت كتسائل بعينيها) حالك ماعجبنيش اخالتي خيير

عيشة: كولشي من الخيير ا زينة الشلحات .. كولشي من الخير..

دخلات للبيت كتحايد فجلابتها خلات البنات غي كيشوفو فبعضياتهم .. تبعوها متابعات و جلسو كيشوفو فيها ضارت لعندهم هازة حاجب واحد و جلسات تكفض على ذراعها

عيشة: مالكم جلستو ليا هنا مستفاات !!

صفية: اش درتي اخالتي؟

طامو: زعما باش جاوبك خويا يوسف!

زهرة: عشنا و شفنا ولات البنت هي لي تخطب الراجل

عيشة:(شيرت بيدها لزهرة) سكتو عليا غي هااادي لا نوض ندير فيها شي موصيبة..

دفعوها البنات هادين عليها بيديهم و هي دارت خمسة على فمها ، فحين عيشة تنهدت و جمعت يديها

عيشة: اش غانقولك ازهرة ابنيتي .. ماعندك زهر فهاد التزويجة

زهرة:(حلت عينيها) حلفيي

عيشة:(هرسات ليها ديك مرآة الاحلام) كاع ماتفرحيش نشااعلاااه تمشي تمشي للخاريج باش نتهنى علييك و حد مايهز يدو والا عندو الحق يدييرلك شي حاجة

صفية: عاوديلنا بعدا اخالتي اش كاين !! علاش يوسف مابغاش يتزوج بزهرة

عيشة: نسيت بلي مزوج بنصرانية على حساب الوراق .. و فرنسا مانعة التعدد راكم عارفين قانونهم لهيه ، بلا هادشي زهرة عاد قاصر يالاه فعمرها قريب ربعطاش

زهرة:(هزت صبعها) طلاطاااش الله يخلليك

عيشة: اللقوواااا .. واش ماتسكتييش

زهرة:(دارت يدها على فمها) هاااناا غي كملي اخالتي كملي و دعي فرحتيني الله يفرحك

عيشة:(تغددت عليها) مزال على مك الشلاهبية مزاال

صفية: دبا زهرة تا ايلا بغات دير زواج بيض مع اي واحد ماتقدرش ، حيت القانون لهيه مايسمحش بهادشي .. يعني ماكان زواج نهائيا

عيشة: تماااماا

زهرة:(زغرتت و ناضت فرحانة) لولولوووووووييي .. ياااححح ربي ستااجب لياااا حمدتك ياااربي و شكرتك

عيشة:(كسرت ليها تاني ديك ضبابة الاحلام) ولايني كاين حل اخور و ماانعرف...