♡أعد لي روحي
♡غزالي
☆الفصل السادس: قدر ام تدبير!
☆الجزء 101
خرجو من الدار كيتناكرو كيف العادة و كل مرة تقاد الشاشية و تقاد الكاشكول على وجهها .. و هوما غاديين دازو على معهد الرقص و الغناء لي كانت كدرب فيهم ، وقفات كتشووف و تنهد و ذكريات الماضي كيتراكمو فدماغها وحدة مور لوخرى .. كبتت دموعها دارت نظرة جااافة و باااارردة خالية من الاحااسيس ، نظرة كفييلة تخلي الواحد ساهي فيها و يقشعر بدنو من كمية البرود لي فيها .. كتمشى جسد بلا روح ، روح تسلباات منها طرف بطرف .. جرتها عندها اللا عيشة معنقاها من كتفها باعثة ليها شوية حنان و دفئ تا لانو ملامحها و هداو ، بتاسمت ليها و كملو طريقهم فين دايرين مع السيد تا وصلو قدام المحطة نتاع الطاكسيات .. كانت قريبة ليها قهوة و بقاو هاكاك واقفين كيتسناو تا جا عندهم واحد السيد
...: شي بلاصة الشريفة!!! فين غادية؟؟ طنجة رباط كازا
عيشة: لا اولدي لا كنتسناو واحد السيد الله يجيب التيسيير
...: ااااه
قالها مطولها و عينيه على عنق اللا عيشة .. فطنات بيه زهرة فين كيشوف و دخلات بينها و بينو تا قطعت عليه النظرة
زهرة: تيسر اخويا قبل لايجي ولد عمي الكوميسير و نيش عليك
هز فيها حجبانو و رجع خطوات لوور كيبرغم تحت شفايفو خلات اللا عيشة غي كتسائل .. فين جات تسولها وقف عليهم واحد السيد اخر لابس كوستيم بلومارين و سباط اسود لااامع .. ريحتو تشم منين يا منين و صليعتو تبري ، هزت زهرة فيه حجبانها و نطق قبل ماينطقو
...: واااقييلة نتوما هوما لي سيفطاتكم الشيخة سارة
عيشة: اياااه هوما حنا الشريف
...: زيدو دخلو .. نجلسو فالقهوة حسن مانبقاو واقفين زيدو
شافت اللا عيشة مع جنابها و زادت مسلمة امرها لله لا هي لا زهرة .. طلبات يجلسو غي على برى و داكشي لي كان بلاما يدخلو وسط الرجالة و المزفر ، تحط ليهم براد اتاي خوا فالكيسان و طقطق صباعو فالطبلة
...: اش حب الخاطر الالة!
عيشة: عيشة .. اللا عيشة ، قصدتك اوليدي و المقصوود الله ، بغيت هاد البنية تقطع البحر مع الفرقة ديالكم
...: شغانقولك اللا عيشة .. من زماان ماهربنا اودي شي بنت
عيشة: اوا غي شوف كي ديير اولييدي و راه ماغانكلشااي فرزقك .. غي هو صاوب معانا
...: ولييناا نخاافو الحاجة ، راه ايلا تشدات نمشيو فيها كامليين
عيشة:(كتهزز راسها) اوا لاااواااه لاااوااااه شحال و نتا تهرب البنات فاش جيت انا تقولي لا نخاف نتشدو !! لاش غاتشدوو ياك كولشي غايمشي قانوني..
...: وااااا اش غانقوولك الشريفة ... تي عا الخووف و صااف اللا عيشة
عيشة: يااتاااا ودي قولي بشحاال و اللي نطولوه نقصرووه
...: واااا اش نقولييك اللا عيشة .. القضية مزيرة شويية وو..
عيشة:(قاطعاتو) تا فين مزيرة لعن الشيطاان .. وااه الحرااكة لي كنعرفو راه حرك بواحد و نص ولا غا واحد .. صلي عالنبي و خلينا من الهضرة
...:(بغى يقولبها ساعة صدق مع وحدة مطييورة) والله و ماتساليني الحلوف اللا عيشة تا هادشي فييه مصاارييف
عيشة: يااك غي البيي دالطياارة حنا غانخلصووه .. غي الباسبووور حنااا نقاادوووه ، اوا اشمن مصارييف!! نتا غاتزيدها معاك بلي هادي ففرقتكم و نبينا عليه افضل الصلاة و السلام
...:(ماخلات ليه مايقووول) وااا...
عيشة: اوا صلي عالنبي و خطينا من الهضرة راه تابعني شحال من حاجة و حاجة!!
...: اوا اللا عيشة غي مابغييتش نردها فوجهك و صاافي .. غانحركها بمنيول
عيشة:(شهقت) ههئئ .. وييييل الشيطااان على منيووول .. منيوول نسيفطها فالبحر! نقص شوية و راه قالوولي بشاحل كتديي
...: اوا صاف صاف شغاانقوولك تمنالاف درهم باش نقطعها
عيشة: ستالاف درهم و نبينا عليه السلام
...: والااا واالاااا اللا عيشة
عيشة: شفت توصل لتما و يصونيلي ولدي يقولي هاهي عندي بحلااااوتك .. يالاه اش قلتيي
...: اواا واش نقوولك .. صافي تاافقنا ، مووهييم فاش يقرب السفر ديالهم نتلاقاو تعطيني الفلووس
عيشة:(جمعت الوقفة) وااعلييه .. بيناتنا التلفوون .. تهلى السي!!
...: مراد السي مراد ..
❤❤❤❤❤
فتفووتااات ديرولي ابوني اناا باش يبقاو يطلعولكم بوسطات فاش نحطهم 🚶♀️🚶♀️🚶♀️ ماتنساوش نقاشات تعاليق .. تعاليق نقاشاات
أنت تقرأ
أعد لي روحي
Romanceأخيرا عزيزاتي القارئات كتاب المكتاب و تقدر لهاد القصة تشوف الضوء و تكتمل... ♡ أعـــــد لـــــــي روحــــــي بــقلــمي: غـــزلان مـــرزوقــــي ♡𝖒𝖎𝖘𝖘 𝖌𝖍𝖆𝖟𝖆𝖑𝖎 °°كـــــلــــماتـــــــــــي°° كالنهار المشرق *هي* .. و *...
