♡أعد لي روحي
♡غزالي
☆الفصل السادس: قدر ام تدبير!
☆الجزء 99
من جوف الظلام انبعث ضوء فجر جديد حامل فطياتو امل كبيير و تفاؤل .. فاقت كتكسل و تجبد تحت الفراش شاابعة نعااس و مرتاااحة على الآخر ، بدات كترمش عويناتها مالقات حد .. الفراش مجموع و الطبلة موجودة بالفطور كيف ديما ولايني الحس مقطووع ، ناضت كتجبد خرجات كتفوه و كتحك فعينيها مشات دارت روتينها الصباحي و خرجات كتمسح وجهها بالفوطة لقاتهم يالاه دخلو هازين التقدية
عيشة: لالة البنات عاد فايقة
زهرة:(فايقة خاسرة) علاش مافيقتونيش
صفية: ههه حنا الدااار زلزلنااها و هي لابغات تفييق .. مزال مافطرتي ياك
زهرة: هاني غادية دبا نفطر . مشيتو عند الشيخة!!
عيشة: مشيينا و هضرت مع السيد فالتلفون درت معاه بلاتي نتلقااو
زهرة: خرجو رجليك الشواري ا عويشة وليتي ترندفييي ءءااا
غي قالتها طلقت رجليها للريح و عيشة موراها تسب ، دخلو البنات التقدية و هي لحقات عليها للبيت لقاتها كتفطرر على مهلها و منغمة بكاسها ديال اتاي .. دارت يدها على جنبها كتشوف فيها و هزت حاجب
عيشة: اوا طلقيي راسك
زهرة: علااش!!
عيشة: باش تمشي معااياا
زهرة: الااا اخاالتي غي سيري نتي
عيشة: والله يماااك ماتكوون ليك .. فطري دغيا و تهزززييي .. نمشيو نهضر مع يوسف لول و عاد ندوزو تصوري
زهرة:(حلت عينيها) اربي ربي .. حلفي تا غانتصووررر ، ياااحليييليييي نفطر و نمشي نقاااد راسي..
عيشة:(ضربت يد بيد) اوا ياالااه .. هضر مع هادي دبا
زهرة:(هزت حجبانها) غانتصوووررر
حركت راسها بلا حول و مشات خلاتها تفطر على راحتها .. كملت جمعت الفراش و قادت راسها دغيا دغيا مشطت شعرها ، دارت ملمع شفاه و ضربت حنيكاتها شوية تا تزنكت .. ضحكت للمرايا كتغزل فراسها و خرجت هي و اللا عيشة فاتجاه التيليبوتيك ، خلاتها جالسة فوق كراسا ترتاح و دخلات هي للمخدع الهاتفي دوزت النمرة ديال يوسف و كتلوح الصرف فلاباراي .. عاودات ليه لافيغ كاملة و تنهد كيرد عليها..
يوسف: هادشي كااامل لي قلتي ليا مزياان و لكن الباسبوور راه ماعندك كيفاش طلعييه
عيشة: اوا اش المعمول اولييديي
يوسف: المعمول هو تزورييه
عيشة: اويييليييي و ايلا شدوها فالمطاار!!
يوسف: دارها شحال من واحد و واحد الواليدة ماتشد ما والو
عيشة: الله ياربي واش انا نهرب من المشاكيل و نتاا تلوحنيي ليهم
يوسف: صحاابي الاغلبية راهم هنا كولهم ب باسبورات مزوريين راكي عارفاني اش قاصد .. هادي هي الطريقة الوحيدة ، الحالة المدنية عند باها كيغاديري طلعي عقد الازدياد ءءااا!!
عيشة: نقلب على الحل .. ندور مع القايد يعطيني عقد الازدياد و انا نكون الوصية عليها
يوسف: يعطييك البعااابع لوااه .. الواليدة الحل لي قلت ليك هو اللي كاين ، توكلي على الله و ماتخافييش ، هانتي سمعينيي
بدا يفتي عليها و ينعت ليها الدري لي كيعرفو مزيان كيزور الباسبورات و يطلعهم حقيقييين تقول ماشي مزورييين .. رصات معاه الامور و قطعات كتنهد و خايفة من هاد الخطوة فالآخر دارتها فيد الله و زادت
زهرة: اش قال ليك يوسف ا خالتي !!
عيشة: غي تبعيني و سكتيي ...
أنت تقرأ
أعد لي روحي
Romanceأخيرا عزيزاتي القارئات كتاب المكتاب و تقدر لهاد القصة تشوف الضوء و تكتمل... ♡ أعـــــد لـــــــي روحــــــي بــقلــمي: غـــزلان مـــرزوقــــي ♡𝖒𝖎𝖘𝖘 𝖌𝖍𝖆𝖟𝖆𝖑𝖎 °°كـــــلــــماتـــــــــــي°° كالنهار المشرق *هي* .. و *...
