♡أعد لي روحي
♡غزالي
☆الفصل السادس: قدر ام تدبير!
☆الجزء 105
جالس بنخوة على طاولة الاجتماعات بين صباعو سيكار فخم الصنع كيكمي و الموظفين عندو كل واحد فين كيفتي عليه رأي .. فحين هو مخليييهم يلغاو بلغاهم و لي فراسو كيديرو.. ضار عطاهم بالظهر و هوما مزاال كيهضرو و فرحانيين
...: الاراضي لي تزاادو السي الساويرس غايطلعوو فالانتاج .. بالتالي نسبة التصديير غاتزيد و الارباح غايطلعو بنسبة تسعة فالمية
...: و ماغانبقاوش نصدرو غي لأوروبا انما تا للشرق الاوسط ، كولشي كيشكر الجودة ديالنا فالصنع
...: تا المصنع لي تزاااد ضمن الممتلكات بيه بالعماال راه غايطلع الارباااح للشركة
...: سوق الاسهم علن على نسبة ارتفاع اسهم ساويرس هولديينغ بنسبة تلاتة فالمية راحنا غاديين مزيااان
...: و عجبني التفكير ديال السي اسيم فاش اقتارح اننا نضيفو انتاج المواد الغذائية بحال الدقييق و السمييد و لي بااط .. فغيمون عندو نظرة مستقبلية ، جامي شفت شي ولد بحال ذكاؤو
عيسى:(ضار عندهم كيتنهد) بما ان الاسهم طلعو ، و الاربااح تا هوما ، العمال طلعو ليهم الصالير لالفين
شافو فيه مصدومين شي كيشوف فشيي .. اش هاد السخااوة كوولها السي عيسى ، يعني العماال فعوض مايبقاو يتخلصو 1600 درهم غايطلع ليهم الصالير لألفين درهم .. فرحو الموظفين ، ماشي حيت تا هوما غايتزادهم الصالير انا للعماال لي شحااال و هوما باغيين الزيادة مي تا واحد ماكان زاعم يقولها للحاج عيسى تا جا أسيم و خرجهم من المحنة لي راهم فيها .. سالا الاجتماع بعد مناورات خفييفة خرجو و بقى غي اليد اليمنى ديالو السي العربي
عيسى: اش درتيي العربي!!
العربي: هضرت معاهم كااملين و كيتسنااو غي الاوامر ديالك
عيسى: ياك حفظتييهم اش يقولو
العربي: كون هاني ا سيدي .. لقاو البنت محر وقة و لكن كيفاش زعما شنو السبب باش مايراودوهش الشكوك!!
عيسى: تأكد ليا من ديك الدار واش خاوية (ضار شاف فيه) و حر قهااا
العربي:(بدا يفهم) و تما الكذبة ديال البنت ماتت محروقة غاتمشي عليه .. غي البوليس و السبيطاار راحنا شريناهم
عيسى: برافو عللييك (خذا سيكارو رشف منو رشفة و بخ الدخان فالهوا)
العربي: ولكن سيدي! علاش لي مانقلبوش عليها نيشان و نغبرولها الاثر!!
عيسى: انا حااافظ ولدي .. اينفوا يسمع بالخبر غايتراجع و مايحفيش مخو فالتقلاب .. ياك الدار هي لي كانت عايشة فيها فإفران ، غايمشي يلقاها محرووقة رماد .. غايمشي يسول سوا لوبيطال سوا الكوميسارية ، غايقولو ليه لقينا بنت فعمر 13 عام م..يتة محر وقة .. الهوية ديالها هي زهرة حسب تحليل الحمض النووي ، تماا غايهز راسو و يرجع مين جاا .. ولدي دمااغ ، جيينيي غي مكيبينش .. و انا مابغييتووش يتلهى ليا بلاموغ و الحوايج التافهة و يخليي الحواايج ديال الصح ، المستقبل و العاااقة
العربي:(كيهزز راسو) هي الدار الليلة تحر ق
عيسى:(عطاه بالظهر كيشوف فالسرجم) الليلة تحر ق .. و ندفاااو بناارها ...
طلق ضحكة ماكرة خبييثة و رجع ينفث الدخاان فالهوا .. ماهمووش ولدو و مشاعرو ، ماهمووش ايلا تحر قات ديك الداار راااه يتحررق معاهاا ولدوو .. المهم هو اسيم يخدم دمااغو باش يكبر الامبرااطورية و يتزادو عندو الفلوس و اللعاااقة تا يغرق فيهااا .. ماهتم تا لحااجة المهم عندوو ديك الضرس يحايدها و يبقى اسيم تحت جنااحو ، تنهد دايرة نصف ابتسامة بقنت شفايفوو و عازمين الليلة يحرقو ديك الدار .. لي ممكن جداا تقلب عليه هاد خدمتو لي غايدير و يتحر ق هو فبلاصتها..
أنت تقرأ
أعد لي روحي
Romanceأخيرا عزيزاتي القارئات كتاب المكتاب و تقدر لهاد القصة تشوف الضوء و تكتمل... ♡ أعـــــد لـــــــي روحــــــي بــقلــمي: غـــزلان مـــرزوقــــي ♡𝖒𝖎𝖘𝖘 𝖌𝖍𝖆𝖟𝖆𝖑𝖎 °°كـــــلــــماتـــــــــــي°° كالنهار المشرق *هي* .. و *...
