♡أعد لي روحي
♡غزالي
☆الفصل السادس: قدر ام تدبير!
☆الجزء 103
يعيى الانسان يفكر و يدبر فالأمور .. و لكن كيبقى القدر هو الاقوى .. ماتمشي غييير فين مشاك الله ، و ماتعيش غييي لي مكتب ليك الله .. مشات اللا عيشة باعت الدمليج ديالها جاب ليها تقريبا خمسالاف درهم ، دمليج زويين و وااازن جاب ليها ثمن تقريبا باش شراتو ، بداو يجمعوو الحوايج لزهرة و كل مرة اللا عيشة تشريلها حاجة زوينة مقادة و مكتنساش البنات تا هوما تشريلهم مكتبغيش تحسسهم بالنقص .. عندها كولهم سواسية ، الايام كدوز طاايرة ، و هوما احاسيسهم كتأرجح بين الحزن و الفرح ، حزنانين لفراقها .. ولايني فرحانين ليها حيت غاتستقر و تنظم حياتها و تهنى من هاد الخووف لي معشش فيها .. التواصل بينهم و بين سارة ماتقطعش لدرجة كتجي مرة مرة لعندهم ، كدبر ليهم فالخدمة و يدبرولها تا هوما فالخدمة .. علاقة مبنية على الاحترام الود و العطف ، و هااك اراا .. علاقة زوينة و تا واحد مكيقول لا هاديك شيخة مانخرجوش معاها مانهضروش معاها مانتمشااوش معاها .. تتت تا واحد ماعارف الظروف لي خلاوها ترمى لداك المجاال ، بقات تقريبا ربعياام على السفر .. الباسبور طلع كيف بغاوه ، و تا اللا عيشة دفعات الفيزا غي طلع ليها تلحق على زهرة ترصي امورها ، تا يشوف يوسف كي يدير يطلع ليها الورااق تما ..تنهدات كتسد لافاليز وقفاتها فالقنت جنب الباب و شافت فيها
عيشة : راه خدمت ليك العقدة بالزاايد .. تا نجي و نجيبلك معايا
زهرة: ان شااء الله (تفوهت بالنعاس) سارة غبرات هاد اليومين
صفية:(كتنقي زنجلان) مشات تشوف عائلتها فالبلاد داكشي علاش .. غدا تعطيو الفلوس للسيد
عيشة: ان شاء الله .. نعطيلو خمسالاف درهم و يوسف يزيدلو الف فاش توصلو تماا
طامو:(بحزن) ناري بقات غي ربعيام و تمشي
زهرة:(دمعو عينيها) راني حليت ليكم اميسين و وريتكم كيفاش تكونيكطاو معاياا .. غانبقاو ديما نهضرو راه ماغانمشيش بممرررة غانرجع نرجع و علاش لا كااع تلحقو عليا تمااك
تنهدات اللا عيشة مسحت دمعة غفلاتها غي شافوها طرطقو كولشي بالبكى و تعانقو يتباكااو .. الولف صعييب و الفراق موصيبة ، دوزو ليلتهم فالنواح و احياء ذكريات لي عاشوها جميع فهاد الشهرين و نعسو على بكااهم .. صعييب تلقى ناس تعزك و تبغييك بلا مقابل .. تحس بيهم منك و نتا منهم ، لي ضرك ضرهم و موس وحدة تذبحكم .. عطات اللا عيشة الفلوس لمراد كيف تافقوو و قطع ليها البيي ديال الطيارة ، رجعو استانفو حياتهم هاد اليومين عااادي بيما جا النهار الموعود ديال السفر .. كانت عندها الطيارة فالليل داكشي لاش فاقت على راحتها ، لبسات حوايجهابعدما فطرات و دارو غديوة خفيفة ، قادت راسها و جلسات كتسووط قلبها كيضرببب تقول غايخرج من بلاصتوو .. جات عندها اللا عيشة تا هي لابسة حوايجها و كتخشي ليها بواط ديال المكسرات فالصاك لي غاطلعو معاها للطيارة باش تلاهي بيه الوقت ، تلاحقو البنات تا هوما لابسات كولشي غايوصل معاها للمطار .. قربت طامو قادت ليها شعرها و باستها فخدها كتهدنها
طامو: مالكي كترعدي رخفي فيك النفس شوية ا صاحبتيي
زهرة: مااعرفتش .. مخنووقة و حاسة بحجرة محطوطة على قلبي
صفية: قولي اعووذ بالله من الشيطاان الرجيم .. غي الستريس هاداك و صافي
عيشة:(نفس الاحساس و مابغاتش تبين ليها) غيي تهدني راه سفر عادي ماشي حاجة .. يالاه البنات كولشي مقاد!! يالاه تلقاو دبا السيد جا باش يدينا
حركو راسهم و ناضو يخرجو فلي فاليز و لي راها لاهية مع شي حاجة تلاهات .. جال مول الهوندة تصدم فاش سمع الخبار و وصلهم تا للمطار ، خلاهم دخلو و هو بقى برا باش يرجع اللا عيشة و البنات فاش تقلع الطيارة بزهرة .. بقاو يشوفو و يضورو عينيهم ، ليزاسيسطونت كيهضرو فالميكروفونات .. و الغادي و الجاي بكثرة ، ها اللي كيودع بدموع الحزن .. و هاللي كيستقبل بدموع الفرح ، المنظفين دايرين شغالهم .. و المسافرين لي غادي يجري يلحق طيارتو فالممر و لي جالس يتسنى فالكراسى .. بقاو يقلبو بعينيهم على الفرقة و السي مراد مكيبان ليهم حد ، تنهدو كيشوفو فبعضياتهم و زادو جلسو فواحد الكافي يتسناو
صفية: خالتي نوغمالمون يكونو هنا لا
عيشة: ماعرفت ابنتي والله ماعرفت .. دبا الربعة و الطيارة تقلع مع التمنية ، يكونو عاد جايين فالطريق
بلعت طريقها و بقاو عينيهم معلقين على الابواب .. يسوولوو ماعرفوو شكون يسولو ، تلفوو و حارو و داخت بيهم الارض .. بقاو يتسناو نص ساعة .. ساعة .. ساعة و نص .. ساعتين .. و وااالووو ، قالو ياكماا وقعات ليهم شي حاجة فالطرييق!! تنهدات زهرة كتهزز رجلها بعصبية واللا عيشة تزاد معاها الزايد .. وقفات صفية حمرة مزييينكة بالخوف و الاعصاب و نطقت متوترة
صفية: مايمكنش يتعطلو كاع بحال هاكا .. المعاملات كياخذو وقت و نوغمالمون دبا خاصهم يطلعو للطيارة
عيشة: غانمشي نسول لهييه .. جلسو نتوما تا نجي
مشات اللا عيشة قلبها كيضرب و عينيها مغرغرين بالدموع .. وقفات قدام واحد الكونطوار و طلات على البنت لي تما
عيشة: ابنتي نسولك يعايشك
...: مرحبا الالة سولي
تلفات و بلعت ريقها علاامن غاتسولها مثلا .. تنهدات كتبت راسها و نطقت
عيشة: الطيارة لي تمشي لفرانسا معامن الساعة غاتقلع
...: ماكاين تا شي رحلة هاد النهار لفرنسا الالة .. اخر رحلة كانت لبارح مع الحداش ديال الليل لباريس ، تا لغذا و تكون وحدة مع الزوج ديال العشية لبوردو ...
ناغي بارت قد السخط 🥱🥱 تصبحوو على خيييررر
أنت تقرأ
أعد لي روحي
Romanceأخيرا عزيزاتي القارئات كتاب المكتاب و تقدر لهاد القصة تشوف الضوء و تكتمل... ♡ أعـــــد لـــــــي روحــــــي بــقلــمي: غـــزلان مـــرزوقــــي ♡𝖒𝖎𝖘𝖘 𝖌𝖍𝖆𝖟𝖆𝖑𝖎 °°كـــــلــــماتـــــــــــي°° كالنهار المشرق *هي* .. و *...
