♡أعد لي روحي
♡غزالي
☆الفصل السادس: قدر ام تدبير!
☆الجزء 96
شافت فيها اللا عيشة هززات حجبانها و رجعو كملو ماكلتهم مرتاااحيين ، الحل لي رهق تفكيرهم و دماغهم ها هو جا تا لعندهم برجليه .. خلاتهم يجمعو الطوابل مشاو للكوزينة لقاو الخدامات خفيييفات على فيساع كيديرو كولشي بالطياارة ، الزااوااق الله يستر .. اللا عيشة مشات غسلات يديها و رجعات للبيت لي كانو فيها لقات الشيخات كيقادو راسهم و يعاودو للعكر و كيتحزمو ، نحنحات و جلست جنب الكبييرة فيهم و باينة هي المقدمة و القدييمة و نيت هي لي كتغني.. شافت فيها السيدة و تقادت فالجلسة مع ابتسامة عذبة
...: نتي هي الطيااابة يااك .. تباارك الله عليك و خلاص الله يخللي ليك دوك اليديدات كي كينقطو العسل
عيشة: ههه اميين ابنتي امييين لهلا يخططييك .. قولي ليا نسولك الله يرحم الواليدين ، اش سماك الله بعداا
...: سميتي سااارة الالة
عيشة: متشرفييين ا سارة .. قولي ليا ، دبا غاتمشيو للخاريج ياك ، سمعتكم كتهضرو نتي و البنات
سارة: ايااه ا لالة غانمشيو ، مع كي شفتيي الربيع على دخووول و الجالية كيبغيو سهرات و كيموووتو تما على الشيخاات
عيشة: و شنوو خاصكم ديرو باش تمشيو كفرقة نتوما!!
سارة: واالوو .. خاصنا غي باسبوراتنا و البيي ديال الطيارة صااافييي..
عيشة: اياااه .. و معامن كتمشييو!! زعماا غي نتوما عيالات
سارة: الااا كيمشيو تا الرجاال لي كيضربو البنديير و المغني لي كنغني معااه
عيشة: هاااكدااك .. و زعما ايلا كانت شي بنت هاكا عاد صغيرة تقدرو تديوها و تردوها!! زعما تا هي تمشي على اساس انها شيخة
سارة:(شافت فيها متفاجئة) فهااامتاااك بغيتي تسيفطي معانا شي وحدة من بناتك ياااك
عيشة: ديرو فيا هاد الخيير الله يعطييك الرضى
سارة: اوا لالة هنا هداااي عليااا .. ماشي انا لي مكلفة بهادشي الجيرون .. زعمااا داك مدير الاعمال ديال المغني ، هو لي مكلف بهادشي .. هو تقداار تمشي خاص غي يكون عندها الباسبور و صافي
عيشة: عطيني نمرة هاد الموووديير ديالكم .. الله يفرحك ابنيتي
سارة: ااامييين اخالتي .. مهم تفاهمي معاه هو (غمزاتها) غي توصل تما مكتعرفنا مكنعرفوهاا
عيشة: باينة درتوها مع شي وحدة
سارة: دارووهااا ما مرة ما زوج اودي اخالتي
عيشة: سيري الله يبيض سعدك
سارة: ااااامييين ههههه
دعات معاها غي بالسعد الزين و شحال فرحااات .. خرجات اللا عيشة من تما كترعد بالفرحة ، اخييرا لقات الحل لي يخللي زهرة تقطع البحر بلا تا شي مشكل و تهنى عليها .. مشات علمات البنات بالفرحة و زهرة كتعوج فمها فالأخير تا هي تحمساات تمشي لفرنسا .. بلاد النصارى و الاورو ، الشوكولا و البيسطاش و كافي لاكغوند ميغ .. اما الشرااوط لعلك ترضى ، غي فكرت فهادشي ضحكات ولايني جات طامو لي هرسات ديك زجاجة التخيلات
طامو: دبا خطيييونا من هاد الرفس و قولو ليا كيغاديروو طلعو الباسبور
عيشة: ياااخوتي تاعت غي لي يشدها يلصقها مع سقف .. جراانة كي دايرة..
أنت تقرأ
أعد لي روحي
Romanceأخيرا عزيزاتي القارئات كتاب المكتاب و تقدر لهاد القصة تشوف الضوء و تكتمل... ♡ أعـــــد لـــــــي روحــــــي بــقلــمي: غـــزلان مـــرزوقــــي ♡𝖒𝖎𝖘𝖘 𝖌𝖍𝖆𝖟𝖆𝖑𝖎 °°كـــــلــــماتـــــــــــي°° كالنهار المشرق *هي* .. و *...
