أعد لي روحي

89

♡اعد لي روحي
♡غزالي
☆الفصل السادس: قضاء ام تدبير!
☆الجزء 89

سكتات كتشوف فيها و مترقباها بعيون الغزال .. لمطت شنايفها ضاربة يد بيد و شافت فيها

عيشة: عوض زواج بيض غاندبرو ليك فشي كونطرا ولا نشوفو شي حد يخدم ليك الوراق على اساس بنتو بالتبني

صفية:(حلت عينيها مخلوعة) كونطرا واخا اخالتي بصح بنت بالتبني لااا لااا .. ماغاتقدرش تحرك بلا رايو ولا شوارو هادا ولا هادي لي غاتديها

عيشة: داكشي لي فكرت فيه انا و يوسف

طامو: و لكن ايلا طلبات ماماها تديها لعندها ماعندها مناش تخاف

صفية: اياااه هادي عندك ا طامو

عيشة: وييليي و انا كاع ماطاحت ليا على الباااال .. ياك مك فالطاليان اسليعفانة

زهرة:(ضحكت باستهزاء) فيين هي ماما اخالتي .. سيمانة كل نهار كنمشي للسيبير نسيفط ليها و وااالو مكتجاوبش ، زيدو عليها ماما طايحة مع غباار .. مامشاتش غي هاكاك

صفية: كيفاش زعما غبار!! مفيو زي؟

زهرة:(حركت راسها) ما فيا الكو كايين .. هادشي لي عرفت واحد النهار فاش هضرت معاها فيديو

عيشة:(هززت راسها بلا حول) الله يكون فعونها

زهرة:(تنهدت) اوا صاف دبا نساو علياا .. تا نلقاو شي حل اخر .. و ايلا مالقيناش نهار تبدا تبان كرشي مانخرجش قدام الناس .. و ايلا بغيتي سيفطيني للصويرة اخالتي نبقى تما تا نولد و نرجع براسي

صفية: كيفاش براسك و ولدك!!!

زهرة: تااء .. زعما براسي عادية بلا كرش و لي نولدو غايبقى غي هنا فالدار

عيشة: مااانعرف معاك نتي وكان .. الله يشوف من حالك و خلاص

زهرة:(هربت عينيها) امييين ..

ناضت طلعات للسطح خلاتهم متبعين ليها العين و كيتحسرو عليها .. عياو يفكرو و فالأخير استسلمو الا اللا عيشة لي ماتهنى تا تشوفها مستقرة و بحالها بحال كاع البنات .. عارفة المسؤولية صعيبة و لكن كولشي جاهم فوق الجهد ، و هادشي لي كتب الله ... ناضو يوجدو الغذاا مخليينها على خاطرها تا تبرد و ترجع كيف كانت.. خدامين حديث و مغزل كل وحدة و اش كديير و والوقت كيفووت كاع ماحسو تا اذن عليهم الظهر .. طلعات صفية للسطح.. لقاتها كاع دايخة و البرد كيسوط فيها

صفية: اااهيااوين الصكعة .. نوضي نوضي من البرد

زهرة: ماقادراش.. غي خليني دبا شوية نتوكض

صفية: زينة الشلحاات .. ديريها فيد مولانا و خليها تجي كيفما جات ، كاع ماتفقصيش راسك بالتفكيير ، ربيي كبيير و هو لي غايدبر ليك امرك حنا تا واحد مايحسن التدبير .. رخيها ا حبيبتي رخيها باش ترتاحي

زهرة: مانتهنى تا نحطو من كرشي عااد نرتاح 

صفية: الله يرد بيك هادا مانقول .. نوضي نهبطو نوضي