أرويني بدماء جحيمك [Quench me with the blood of your hell]

𝑃𝐴𝑅𝑇❀157

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـــوَى🫀

     ♡لَـوْ ذقـت يا غزالـي،ما ذُقْــتُ في هـواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀157

أثناء الإنفجا ر تسمعات صرخة قوية صادرة من لمياء لي حطات يديها على وذنيها و حدرات راسها مغمضة عيونها بخوف، الانفجا ر من قوته زعزع الارض حتى هاد الاخيرة مشات و جات فبلاصتها، قدر يطيح حتى ديك الحديدة لي كانو سادين بيها الفتحة و من حظها كانت جالسة بعيدة عليها...

أما الحارس لي عفط على القنـ ـبلة رجع أشلاء كل طرف منو فين تلاح،بالاضافة لبعض الحراس لي كانو قراب من ديك المنطقة و مشاو ضحايا للقنـ ـبلة، في حين البقية رجعو كي تجاراو مبعدين من العافية لي لهيبها وصل للهليكوبتر لي فيها ساجد، لكن البيلوط و فاللحظة الاخيرة قدر يبعد من النا ر رغم ذلك حرارتها حسو بيها و كأن أجسادهم مشتعلة...

ساجد بدا كي كحب للحظات قبل ما يجلس عند الباب لي كان محلول و دلا رجليه فالهوا، ركز انظارو على المجز رة لي لتحت و بدا كي صرخ بأعلى صوتو موجه كلامو للگاردز...

ساجد: بعدو...ما تقربوش غايكونو تما قنا بل...

بلل حلقو بريقو و بدا كي دور فعيونو كي قلب على المكان بالضبط لي كاينة فيه لمياء، هاد الاخيرة لي تعالى صراخها أكثر ملي ما بقاتش قادرة تصبر على ألم المخاض...

ساجد: لمياء...وصلاتك العافية؟

لمياء و هي كاتنين هزات عيونها فالسقف كاتشوف فالعافية لي شاعلة جناب ديك الفتحة و لي بفضلها ضوات عليها شوية الغرفة...

لمياء: ما وقع ليا والو انا...(حطات يديها تحتها كاتحسس أنوثتها) راه غادي نولد ا ساجد...

ساجد(نطق بهدوء رغم توتره العالي): ما نقدروش نقربو ليك دابا...فين ما حطينا رجلينا غانتفرگعو...

لمياء(بقات مدة كاتسوط قبل ما تقول): لقا شي حل دغيا...ما نقدرش نصبر...

ساجد: غانلقا حل غا صبري شوية...

لمياء برزطها داك القماش لي كان مازال مدور على راسها و نتراتو بالجهد معصبة، جبدات السنسلة من السوتيان فين خباتها و لبساتها فعنقها...

لمياء(ببحة صوت): ساجد...

ساجد(نطق و هو كي قلب فالنماري لي فتيليفونو): كانسمع دابا مزيان...