أرويني بدماء جحيمك [Quench me with the blood of your hell]

𝑃𝐴𝑅𝑇❀149

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـــوَى🫀

     ♡لَـوْ ذقـت يا غزالـي،ما ذُقْــتُ في هـواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀149

لمياء وسعات عيونها ملي سمعات كلامو و شافتو جاي لعندها،جرات ديك الخامية حتى نتراتها من الحديدة و مالت بجسدها للجنب مخبية بالزاجة، لواتها عليها و يالاه بغات تسد الباب الزجاجي حتى كان سبقها و دخل لعندها...

لمياء(هزات عليه صبعها ناطقة بتهد يد): اقسم بالله و تقرب ليا حتى نقتـ ـلك...

ساجد بدا كي قرب ليها و هي كاترجع باللور حتى حبسها الحيط و كان وصل لعندها و وقف مقابل معاها، طلعها و هبطها بعيونو و شد ديك الخامية لي لاوياها عليها باغي يحيدها ليها حتى سمع غواتها و هو يطلق منها...

لمياء(بصراخ): لا...ما تقربش ليا...

ساجد(بصوت رخيم قال): غا تهناي...حتى حاجة ما ناخدها منك بزز..

لمياء(ناظرته بقوة): ما غادي تاخد حتى حاجة مني سوا بزز سوا بالخاطر...

ساجد: بالخاطر؟(حط ظهر يديه على دراعها كي تحسس بشرتها) متأكدة؟

لمياء(سرات معاها رجفة خلاتها تشد فالخامية و تزير عليها بخوف، ازالت الحدة من عيونها و شافت فيه بترجي قبل ما تقول): ما منحقكش تحط عليا يديك..ما بقا بيناتنا والو...

ساجد(ميل راسو كي حقق فيها بتمعن): مالك خايفة؟(بتاسم بتهكم) خايفة تحلي ليا؟

و كأنه قرا حقيقتها بلا ما تحتاج تنطق، خوفها فهاد اللحظة لي مخليها ترجف قدامو ما هو الا ضعف منها بسبب هرموناتها المتقلبة فهاد الفترة، هي براسها متقبلة هاد التغيير و مدركة لأمره، عارفة بلي عاطفتها هي المتحكمة فيها و بسهولة قادرة تنجارف نحو مشاعرها و تخليه يعبث بجسدها كيف بغا...

سرطات ريقها بصعوبة و حدرات راسها قبل ما تغمض عيونها و تنطق بضعف: اه خايفة...داكشي علاش خرج بعد مني...(هزات فيه عيونها) الى خليتك تدير فيا ما بغيتي دابا غادي ندم من بعد...غادي يعجبك الحال لا شفتيني فديك الحالة؟

ساجد(بدون تردد): اه...

لمياء(قرنات حواجبها): باقي نتا هو نتا...اناني كاتفكر غير فراسك...سخن عليك الحال و بغيتي تبرد العافية لي شعلات فيك بيا...(بإنفعال) بزاف عليك حتى نخليك تقيسني....