Unicode
"ဂိတ်ပေါက်ကနေ ဝင်လာနေပါပြီ"
ခေါင်းဆောင်သည် ယွီကျစ်ယွီစီးလာတဲ့ကားအကြောင်း မေးနေတယ်ဆိုတာ သိသောကြောင့် ချက်ချင်းပင် သူ့ဖုန်းက တည်နေရာမြေပုံ ပြလိုက်သည်။
"အင်း"
ဖူဟန် မျက်ခုံးမွှေးတို့ကို ပွတ်သပ်ရင်း သက်ပြင်းချမိသွားသည်။
ခေါင်းဆောင်က သူ့ဘော့စ်၏ခါးသီးပြီး စိတ်ဆင်းရဲနေသည့် ပုံစံကို မြင်သောအခါ သူ အစကထင်ထားတာ မှားယွင်းနေသည်ဟု ရုတ်ချည်း ခံစားလိုက်ရသည်။
ဒါက ရန်ဖြစ်နေတာမဟုတ်ဘူး။ ဘော့စ်က တဖက်သတ်အဆူခံနေရတာပဲ။
မကြာမီတွင်, ယွီကျစ်ယွီ စီးလာသည့် ကားလည်း ကားပါကင်ထဲသို့ ဝင်လာသည်။ ယွီကျစ်ယွီက နောက်ခန်း အလယ်တွင် ထိုင်ပြီး ဒုတိယမြောက် ဆင်းလာသူပင်။ သူဆင်းလာတာနဲ့ မျက်နှာမှာအပြုံးတစ်ခုနဲ့အတူ စကားဆက်ပြော၏။
"တစ်ဖက်က စဉ်းစားကြည့်ရင် သူတို့အသင်းက အလိမ်နည်းနဲ့ကစားတာတောင် အနိုင်ရဖို့ ခက်ခဲနေတာ။ အရမ်းဆိုးဝါးလွန်းတယ်နော်"
ယွီကျစ်ယွီနှင့် စကားပြောနေသည့်သူမှာ တာ့ကျိုးပင်။ တာ့ကျိုးက ဆက်ပြောချင်သော်လည်း ခေါင်းဆောင်ရဲ့ချောင်းဟန့်သံနဲ့ ဖူဟန်ကို မျက်စပြနေသည်ကို မြင်သောအခါ စကားမပြောရဲတော့။
ယွီကျစ်ယွီလည်း လှမ်းကြည့်လိုက်ပြီး ဖူဟန်ကို မြင်တာနဲ့ သူ့မျက်နှာပေါ်က အပြုံးဟာ ပျောက်ကွယ်သွားပြီး ဓာတ်လှေကားဘက်သို့ အရင်လျှောက်သွားတော့သည်။
ဖူဟန် အနောက်သို့ တိတ်တဆိတ် လိုက်သွားခဲ့သည်: ခြေလှမ်းတစ်လှမ်းစာ အကွာအဝေးကို ထိန်းထားရင်းဖြင့်။
ဓာတ်လှေကားထဲ ဝင်တဲ့အခါ ထိုတစ်လှမ်းစာအကွာအဝေးသည် ပြဿနာဖြစ်လာသည်။ ယွီကျစ်ယွီက အရင်ဝင်သွားခဲ့ပြီး ဖူဟန်က ချက်ချင်းမဝင်ဘဲ ခေတ္တရပ်နေလေသည်။ ယွီကျစ်ယွီတစ်ယောက် ဖူဟန်ကို ခေါင်းအစခြေအဆုံး တစ်ချက်ကြည့်လိုက်ပြီး နှုတ်ခမ်းမဲ့လိုက်ရင်းဖြင့် "ခင်ဗျားဝင်မှာလား မဝင်ဘူးလား။ မဝင်ရင် ကျွန်တော် တံခါးပိတ်တော့မယ်"
YOU ARE READING
ဇာတ်လိုက်နဲ့စေ့စပ်ပွဲပျက်ပြီးနောက် သူ့ဦးလေးနဲ့လက်ထပ်လိုက်တယ်
Romanceဖူဟန် × ယွီကျစ်ယွီ
